ക്രോം വിൽക്കണമെന്ന് ഗൂഗിളിനോട് യുഎസ്
Wednesday, November 20, 2024 11:51 PM IST
വാഷിംഗ്ടൺ: ഓണ്‍ലൈൻ തെരച്ചിലിൽ നിയമവിരുദ്ധമായ കുത്തക നിലനിർത്താൻ ശ്രമിച്ചെന്നാരോപിച്ച് ഗൂഗിളിനുമേൽ സമ്മർദവവുമായി യുഎസ് സർക്കാർ.
ഈ കാരണം ചൂണ്ടിക്കാട്ടി വെബ് ബ്രൗസറായ ക്രോം വിൽക്കണമെന്ന് ഗൂഗിളിന്‍റെ മാതൃകന്പനിയായ ആൽഫബെറ്റിനെ യുഎസ് നീതിന്യായവകുപ്പ് നിർബന്ധിക്കുകയാണ്. എന്നാൽ ഈ വാർത്തയോട് യുഎസ് നീതിന്യായവകുപ്പിലെ ആന്‍റിട്രസ്റ്റ് ഉദ്യോഗസ്ഥർ പ്രതികരിച്ചിട്ടില്ല.
ക്രോം വിൽക്കണമെന്ന വാർത്തയോട് രൂക്ഷമായാണ് ഗൂഗിൾ പ്രതികരിച്ചത്. ഈ കേസിൽ നിയമപരമായ പ്രശ്നങ്ങൾക്കപ്പുറമുള്ള ഒരു സമൂലമായ അജണ്ടയെ നീതിന്യായവകുപ്പ് മുന്നോട്ട് കൊണ്ടുപോകുകയാണ്. ഗൂഗിൾ എക്സിക്യൂട്ടീവ് ലീ-ആൻ മൾഹോളണ്ട് പ്രസ്താവനയിൽ പറഞ്ഞു.