ഹാരിസണ്‍സ് മലയാളം ഇഎസ്ജി നടപ്പാക്കും
Wednesday, November 20, 2024 11:51 PM IST
കൊച്ചി: മികച്ച കൃഷിരീതികള്‍ അവലംബിക്കുന്നതിനും വാണിജ്യ സുസ്ഥിരത കൈവരിക്കുന്നതിനുമായി പാരിസ്ഥിതിക-സാമൂഹ്യ-സുസ്ഥിര ലക്ഷ്യങ്ങള്‍ (ഇഎസ്ജി) നടപ്പാക്കുമെന്ന് ഹാരിസണ്‍സ് മലയാളം(എച്ച്എംഎല്‍). ആംസ്റ്റര്‍ഡാം ആസ്ഥാനമായ ഗ്ലോബൽ റിപ്പോര്‍ട്ടിംഗ് ഇനിഷ്യേറ്റീവാണ് ഇതിന്‍റെ മാനദണ്ഡങ്ങള്‍ ക്രോഡീകരിച്ചിരിക്കുന്നത്.
ഹാരിസണ്‍സ് മലയാളത്തിന്‍റെ ഏഴു തേയിലത്തോട്ടങ്ങള്‍ക്കൊപ്പം ഫാക്ടറിയില്‍ സ്ഥിരമായി തേയില നല്‍കുന്ന ചെറുകിട തോട്ടങ്ങളിലും ഇഎസ്ജി നടപ്പാക്കുമെന്ന് സിഇഒ ചെറിയാന്‍ എം. ജോര്‍ജ് പറഞ്ഞു.
തേയില ഉത്പന്നങ്ങളിലെ സുരക്ഷ ഉറപ്പാക്കാനും മികച്ച കൃഷിരീതികള്‍ നടപ്പില്‍ വരുത്താനും ഇതു സഹായിക്കും. പരിസ്ഥിതിയെ സംരക്ഷിക്കുന്നതിലൂടെ തൊഴിലാളികള്‍ക്കും പ്രാദേശികസമൂഹത്തിനും പരിരക്ഷ ലഭിക്കും.