2023-24 സാമ്പത്തിക വര്ഷം ഉത്പാദനം 8.75 ലക്ഷം ടണ്ണും ഉപയോഗം 14.15 ലക്ഷം ടണ്ണുമായിരുന്നു. മോട്ടോര് വാഹന നിര്മാണവും ഇതര വ്യവസായങ്ങളും അതിവേഗം മുന്നേറുമെന്നതിനാല് 2030ല് 17.7 ടണ് റബറിന് ഡിമാന്ഡുണ്ടാകുമെന്നാണ് നിരീക്ഷണം. മെച്ചപ്പെട്ട ക്ലോണുകളും കൃഷിവ്യാപനവും വന്നതിനുശേഷവും വേണ്ടത്ര ഉത്പാദനലക്ഷ്യം കൈവരിക്കാനാകുന്നില്ല.
ഇതിനു പരിഹാരം അഭ്യന്തര ഉത്പാദനം പരാമാവധി വര്ധിപ്പിക്കുക മാത്രമാണെന്ന് റബര് ബോര്ഡ് എക്സിക്യൂട്ടീവ് ഡയറക്ടര് എം. വസന്തഗേശന് വ്യക്തമാക്കി. സുസ്ഥിര വികസനത്തിന് പ്രകൃതിദത്ത റബര് കൃഷി എന്ന സന്ദേശം കര്ഷക സമ്പര്ക്ക പരിപാടിയില് പ്രചരിപ്പിക്കും. ആഭ്യന്തര ഉത്പാദനം വര്ധിപ്പിക്കുകയും ഇറക്കുമതിയിലൂടെ വിദേശനാണ്യത്തിന്റെ ചോര്ച്ച തടയുകയുമാണ് ലക്ഷ്യം.