യുക്രെയ്ൻ യുദ്ധത്തിന്റെ പേരിലുള്ള ഉപരോധങ്ങൾക്കിടയിലും റഷ്യ വളർച്ച കൈവരിക്കുന്നതായി പുടിൻ അവകാശപ്പെട്ടു. ജി-7 രാജ്യങ്ങളെ കവച്ചുവയ്ക്കുന്ന സാന്പത്തികവളർച്ചയാണു പോയവർഷം റഷ്യക്കുണ്ടായത്. സൗഹൃദരാജ്യങ്ങളുമായി ചേർന്ന് പുതിയ ആഗോള സാന്പത്തിക പശ്ചാത്തല സൗകര്യങ്ങൾ നിർമിക്കാൻ റഷ്യ പദ്ധതിയിടുന്നു.
“റഷ്യ അമേരിക്കയുമായി ചർച്ചയ്ക്കു സന്നദ്ധമാണ്. പക്ഷേ, റഷ്യയെ നിർബന്ധിച്ച് ചർച്ചയ്ക്കിരുത്താമെന്ന് ആരും കരുതേണ്ട. റഷ്യയെ ആയുധമത്സരത്തിലേക്കു വലിച്ചിഴയ്ക്കാനാണ് പാശ്ചാത്യർ ശ്രമിക്കുന്നത്”- പുടിൻ പറഞ്ഞു.