മോദിസർക്കാരിനു പാർലമെന്റോഫോബിയ: തൃണമൂൽ എംപി
Thursday, June 5, 2025 2:29 AM IST
ന്യൂഡൽഹി: പാർലമെന്‍റിനെ അഭിമുഖീകരിക്കാൻ ഭയമുള്ള മോദിസർക്കാരിനു പാർലമെന്റോഫോബിയയാണെന്ന് തൃണമൂൽ കോണ്ഗ്രസ് എംപി ഡെറിക് ഒബ്രിയാൻ.
പഹൽഗാം ഭീകരാക്രമണത്തിന്‍റെയും ‘ഓപ്പറേഷൻ സിന്ദൂറി’ന്‍റെയും പശ്ചാത്തലത്തിൽ മോദിസർക്കാർ പ്രത്യേക പാർലമെന്‍റ് സമ്മേളനം വിളിച്ചുകൂട്ടാത്തതിനെ വിമർശിച്ചായിരുന്നു ഡെറിക് ഒബ്രിയാന്‍റെ വിമർശനം.
പാർലമെന്‍റിന്‍റെ പ്രത്യേക സമ്മേളനം വിളിച്ചുകൂട്ടണമെന്ന പ്രതിപക്ഷത്തിന്‍റെ ആവശ്യം നിരാകരിച്ച് മണ്‍സൂണ്‍ സമ്മേളനം ജൂലൈ 21 മുതൽ ഓഗസ്റ്റ് 12 വരെ നടത്തുമെന്ന് കേന്ദ്രമന്ത്രി കിരണ്‍ റിജിജു അറിയിച്ചതിനു പിന്നാലെയായിരുന്നു ഒബ്രിയാന്‍റെ പ്രതികരണം.