നെന്മാറ: കേരള സ്റ്റേറ്റ് സർവീസ് പെൻഷനേഴ്സ് യൂണിയൻ നെന്മാറ യൂണിറ്റ് കുടുംബമേള നടത്തി. നെന്മാറ പെൻഷൻ ഭവനിൽ നടന്ന മേളയിൽ നിരവധിപേർ പങ്കെടുത്തു. 80 വയസ് കഴിഞ്ഞവരെ ചടങ്ങിൽ ആദരിച്ചു. കുടുംബമേള നെന്മാറ പോലീസ് ഇൻസ്പെക്ടർ എം. മഹേന്ദ്രസിംഹൻ ഉദ്ഘാടനം ചെയ്തു. യൂണിറ്റ് സെക്രട്ടറി പി.ആർ. ബാബു സ്വാഗതം പറഞ്ഞു. പ്രസിഡന്റ് എ. ബാലകൃഷ്ണൻ അധ്യക്ഷനായി. പ്രഫ. കെ. കേശവൻ നായർ, പി. വെള്ളമാസ്റ്റർ, കെ.ചന്ദ്രൻ, കെ. കുഞ്ചു, പി.ജി. നാരായണൻ നായർ, എൻ. നാരായണൻകുട്ടി, കെ. നാരായണൻ എന്നിവർ പ്രസംഗിച്ചു. ആർ. സുദേവൻ നന്ദി പറഞ്ഞു.
കൊല്ലങ്കോട്: കെഎസ്എസ്പിയു വടവന്നൂർ യൂണിറ്റ് കുടുംബമേള വടവന്നൂർ എം ജിആർ കല ഓഡിറ്റോറിയത്തിൽ സാഹിത്യകാരൻ ഇയ്യങ്കോട് ശ്രീധരൻ ഉദ്ഘാടനം ചെയ്തു. പി.എൻ. പണിക്കർ അവാർഡ് നേടിയ ഇയ്യങ്കോട് ശ്രീധരനെ കൊല്ലങ്കോട് ബ്ലോക്ക് കമ്മിറ്റിയുടെ ആദരവ് സംഘടനയുടെ ജില്ലാ പ്രസിഡന്റ് സി.എസ്. സുകുമാരൻ നൽകി. യൂണിറ്റ് പ്രസിഡന്റ് കെ.പി. മുരളീധരൻ അധ്യക്ഷത വഹിച്ചു. കെ. ചിദംബരൻ കുട്ടി, കെ. വിജയൻ, എ. രാമചന്ദ്രൻ, എ.സി. അപ്പു, കെ. കൃഷ്ണൻ, എം. കലാധരൻ, സെക്രട്ടറി എം. രാജി, എം. മുഹമദ് ഹനീഫ എന്നിവർ പ്രസംഗിച്ചു. തുടർന്ന് പെൻഷൻകാരുടെയും കുടുംബാംഗങ്ങളുടെയും കലാപരിപാടികൾ നടന്നു.