പ​ട്ടാ​മ്പി റെയി​ൽ​വേ സ്റ്റേ​ഷ​ൻ പ്ലാ​റ്റ്ഫോ​ം വി​പു​ലീ​ക​ര​ണം തു​ട​ങ്ങി
Monday, September 23, 2024 1:35 AM IST
ഷൊർ​ണൂ​ർ: ചെ​റു​കി​ട റെയി​ൽ​വേ സ്റ്റേ​ഷ​നു​ക​ളു​ടെ ന​വീ​ക​ര​ണ​ത്തി​ന്‍റെ ഭാ​ഗ​മാ​യി പ​ട്ടാ​മ്പി റെ​യി​ൽ​വേ സ്റ്റേ​ഷ​ൻ പ്ലാ​റ്റ്ഫോം വി​പു​ലീ​ക​ര​ണം തു​ട​ങ്ങി. റെ​യി​ൽ​വേ​സ്റ്റേ​ഷ​നി​ലെ ര​ണ്ടു പ്ലാ​റ്റ്‌​ഫോ​മു​ക​ളു​ടെ​യും മേ​ൽ​ക്കൂ​ര വി​പു​ലീ​ക​ര​ണ​മാ​ണ് ന​ട​ക്കു​ന്ന​ത്.

മേ​ൽ​ക്കൂ​ര സ്ഥാ​പി​ക്കു​ന്ന​തി​നു​ള്ള ഇ​രു​മ്പു​റാ​ഡു​ക​ളു​ടെ വെ​ൽ​ഡി​ംഗ് ജോ​ലി​ക​ൾ തു​ട​ങ്ങി​. ഇ​തി​നു​ള്ള അ​ടി​ത്ത​റ​ക​ൾ നി​ർ​മി​ച്ച് കോ​ൺ​ക്രീ​റ്റ് തൂ​ണു​ക​ൾ നേ​ര​ത്തേ നി​ർ​മി​ച്ചി​രു​ന്നു. പി​ന്നീ​ട് പ​ണി നീ​ളു​ക​യാ​യി​രു​ന്നു.

സ്റ്റേ​ഷ​നി​ൽ ഒ​ന്നാം പ്ലാ​റ്റ്‌​ഫോ​മി​ൽ എ​ൻ​ജി​ൻ വ​ന്നു​നി​ൽ​ക്കു​ന്ന ഭാ​ഗ​ത്തും ര​ണ്ടാം പ്ലാ​റ്റ്‌​ഫോ​മി​ൽ ഒ​ഴി​ഞ്ഞു​കി​ട​ക്കു​ന്ന ഭാ​ഗ​ത്തു​മാ​ണ് പു​തു​താ​യി മേ​ൽ​ക്കൂ​ര​ക​ൾ വ​രി​ക. നി​ല​വി​ൽ മ​ഴ പെ​യ്യു​മ്പോ​ഴും വെ​യി​ൽ ഉ​ള്ള​പ്പോ​ഴും വ​ലി​യ ബാ​ഗു​ക​ളു​മെ​ടു​ത്ത് കോ​ച്ചു​ക​ളി​ലേ​ക്ക് എ​ത്താ​ൻ ഓ​ടേ​ണ്ട സ്ഥി​തി​യി​ലാ​ണ് യാ​ത്ര​ക്കാ​ർ. മു​ഴു​വ​ൻ സ്ഥ​ല​ത്തും മേ​ൽ​ക്കൂ​ര സ്ഥാ​പി​ക്ക​ണ​മെ​ന്ന​ത് ഏ​റെ​ക്കാ​ല​ത്തെ ആ​വ​ശ്യ​മാ​ണ്.


ഒ​ന്നാം പ്ലാ​റ്റ്‌​ഫോ​മി​ൽ ടി​ക്ക​റ്റ് കൗ​ണ്ട​ർ​മു​ത​ൽ പ​കു​തി ഭാ​ഗം​വ​രെ​യും ര​ണ്ടാം പ്ലാ​റ്റ്‌​ഫോ​മി​ൽ എ​ൻ​ജി​ൻ വ​ന്നു​നി​ൽ​ക്കു​ന്ന​യി​ട​ത്തെ കു​റ​ച്ചുഭാ​ഗ​ത്തും മാ​ത്ര​മാ​ണ് മേ​ൽ​ക്കൂ​ര​യു​ള്ള​ത്. ജ​ന​റ​ൽ കം​പാ​ർ​ട്ടു​മെ​ന്‍റുക​ളി​ൽ യാ​ത്ര ചെ​യ്യു​ന്ന​വ​ർ​ക്കും ഇ​ത് ദു​രി​ത​മാ​ണ്. സ്റ്റേ​ഷ​ന്‍റെ മ​ധ്യ​ഭാ​ഗ​ത്ത​ല്ല ടി​ക്ക​റ്റ് കൗ​ണ്ട​റു​ള്ള​ത്. ഒ​ന്നാം പ്ലാ​റ്റ്‌​ഫോ​മി​ൽ അ​വ​സാ​ന​ബോ​ഗി വ​ന്നു​നി​ൽ​ക്കു​ന്ന​യി​ട​ത്താ​ണ് ടി​ക്ക​റ്റ് ന​ൽ​കു​ന്ന സ്ഥ​ലം. നി​ല​വി​ൽ യാ​ത്ര​ക്കാ​രു​ടെ ആ​വ​ശ്യ​പ്ര​കാ​രം മൂ​ന്നി​ട​ങ്ങ​ളി​ൽ ചെ​റി​യ ഷെ​ൽ​ട്ട​റു​ക​ൾ നി​ർ​മി​ച്ചി​ട്ടു​ണ്ട്. എ​ന്നാ​ൽ ദീ​ർ​ഘ​ദൂ​ര​യാ​ത്ര​ക്കാ​ർ​ക്ക് ഇ​തു​കൊ​ണ്ട് ഗു​ണ​മി​ല്ല. ഭൂ​രി​ഭാ​ഗം സ്ലീ​പ്പ​ർ കോ​ച്ചു​ക​ളും എസി കോ​ച്ചു​ക​ളും വ​ന്നു​നി​ൽ​ക്കു​ന്ന​യി​ട​ങ്ങ​ൾ തു​റ​ന്നാ​ണു കി​ട​ക്കു​ന്ന​ത്. ഇ​രു​പ്ലാ​റ്റ്‌​ഫോ​മു​ക​ളി​ലും ലി​ഫ്റ്റി​ന്‍റെ നി​ർ​മാ​ണ​വും പു​രോ​ഗ​മി​ക്കു​ക​യാ​ണ്.