പാലക്കാട്: ജില്ലാ ബാസ്കറ്റ്ബോൾ അസോസിയേഷന്റെ നേതൃത്വത്തിൽ നടന്ന സീനിയർ ചാന്പ്യൻഷിപ്പ് മുണ്ടൂർ യുവക്ഷേത്രയിൽ നടന്നു. ജില്ലാ ബാസ്കറ്റ്ബോൾ അസോസിയേഷൻ പ്രസിഡന്റ് പി.സി. കുഞ്ഞമ്മ ഉദ്ഘാടന ചടങ്ങിൽ അധ്യക്ഷത വഹിച്ചു. കോളജ് വൈസ് പ്രിൻസിപ്പൽ ഫാ. ലാലു ഓലിക്കൽ ഉദ്ഘാടനം ചെയ്തു. ഫാ. ലിനോ ഇമ്മട്ടി, മുൻ ബാസ്ക്കറ്റ്ബോൾ ഇന്ത്യൻ താരം ഉഷാകുമാരി എന്നിവർ ആശംസകൾ അറിയിച്ചു.
വനിതാ വിഭാഗത്തിൽ ബി.സി തൃത്താല ഒന്നാംസ്ഥാനവും എൻഎസ്എസ് എൻജിനീയറിംഗ് കോളജ് അകത്തേതറ രണ്ടാം സ്ഥാനവും പിബിഎ പാലക്കാട് മൂന്നാം സ്ഥാനവും നേടി. പുരുഷന്മാരുടെ വിഭാഗത്തിൽ ഫോർട്ട് സ്റ്റാർ പാലക്കാട് ഒന്നാംസ്ഥാനവും സെന്റ് ജോണ്സ് നെന്മാറ രണ്ടാംസ്ഥാനവും മുണ്ടൂർ യുവക്ഷേത്ര കോളജ് മൂന്നാം സ്ഥാനവും നേടി. മികച്ച പ്ലെയർ ആയി രാഹുൽ- ഫോർട്ട്സ്റ്റാർ, സോന -ബി.സി തൃത്താല എന്നിവരെ തെരഞ്ഞെടുത്തു.