മു​ത​ല​മ​ട ക​ള്ളി​യ​മ്പാ​റ​യി​ൽ കാട്ടാ​ന ഭീതിപരത്തുന്നു
Monday, September 23, 2024 1:35 AM IST
മു​ത​ല​മ​ട: ക​ള്ളി​യ​മ്പാ​റ​യി​ൽ ഇ​ന്ന​ലെ പു​ല​ർ​ച്ചെ വൃ​ദ്ധ​യും പേ​ര​ക്കു​ട്ടി​യും താ​മ​സി​ക്കു​ന്ന ഷീറ്റ് മേ​ഞ്ഞ വീ​ടി​നു സ​മീ​പ​ത്തെ തെങ്ങ് കാട്ടാ​ന മ​റി​ച്ചി​ട്ടു. പ​രേ​ത​നാ​യ അ​ങ്കാ​ളി​യു​ടെ ഭാ​ര്യ ക​മ​ലാ​ക്ഷി​യും പേ​ര​മ​ക്കളും കു​ടി​ലി​ൽ ക​ഴി​ച്ചു കൂ​ട്ടി​യ​ത് മ​ര​ണഭ​യ​ത്തി​ൽ. ര​ണ്ടാ​ഴ്ച മു​ൻ​പ് സ​മീ​പ​ത്തു നി​ന്ന പ്ലാ​വും ഒ​റ്റ​യാ​ൻ മ​റ​ച്ചി​ട്ട് ച​ക്കപ​റി​ച്ചാ​ണ് സ്ഥ​ലം വി​ട്ട​ത്. പ​ഞ്ചാ​യ​ത്തം​ഗം മ​ണി​ക​ണ്ഠ​ൻ സ്ഥ​ല​ത്തെ​ത്തി​യാ​ണ് ഇ​രു​വ​രേ​യും താത്കാലി​ക​മാ​യി അ​വി​ടെ നി​ന്നും മാ​റ്റി​യ​ത്.

സ്ഥ​ല​ത്ത് വൈ​ദ്യു​തിലൈ​ൻ ഇ​ല്ലാ​ത്ത​തി​നാ​ൽ തെ​രു​വ് വി​ള​ക്ക് സ്ഥാ​പി​ക്കാ​ൻ ക​ഴി​യി​ല്ലെ​ന്ന നി​ല​പാ​ടി​ലാ​ണ് ബ​ന്ധ​പ്പെ​ട്ട മു​ത​ല​മ​ട പ​ഞ്ചാ​യ​ത്ത് അ​ധി​കൃ​ത​ർ. എ​ന്നാ​ൽ സോ​ളാ​ർ ലാ​ന്പ് സ്ഥാ​പി​ച്ച് രാ​ത്രി​യി​ൽ വെ​ളി​ച്ച​ം പ​ഞ്ചാ​യ​ത്തം​ഗം ഭ​ര​ണസ​മി​തിയോ​ട് ആ​വ​ശ്യ​പ്പെ​ട്ടി​രി​ക്കു​ക​യാ​ണ്. ക​ഴി​ഞ്ഞ കു​റേമാ​സ​ങ്ങ​ളാ​യി മാ​റിനി​ന്ന ആ​ന​ക്കൂട്ടം വീ​ണ്ടും ജ​ന​വാ​സകേ​ന്ദ്ര​ങ്ങ​ളി​ലും തോ​പ്പു​ക​ളി​ലു​മെ​ത്തി സ​ർ​വനാ​ശം വ​രുത്തു​ക​യാ​ണ്.

ര​ണ്ടു ദി​വ​സം മു​ൻ​പ് വേ​ലങ്കാ​ട്ടി​ലും കാ​ട്ടാ​ന​ക​ള്‍​സ​ർ​വനാ​ശ​​മാ​ണു​ണ്ടാ​ക്കി​യി​രി​ക്കു​ന്ന​ത്. വേ​ലാ​ങ്കാ​ട് ചിദം​ബര​ൻ കു​ട്ടി​യു​ടെ അ​ഞ്ചു തെ​ങ്ങു​ക​ൾ ര​ണ്ട് ആ​ന​ക​ൾ ത​ള്ളി മ​റി​ചി​ട്ടു. ക​ഴി​ഞ്ഞ ര​ണ്ടാ​ഴ്ച​ക്കി​ടെ​യാ​ണ് നാ​ല് കാ​ട്ടാ​ന​ക​ള്‍ പ്ര​ദേ​ശ​ത്ത് വ്യാ​പ​ക കൃ​ഷി​നാ​ശം വ​രു​ത്തി​ക്കൊ​ണ്ടി​രി​ക്കു​ക​യാ​ണ്. പ​ത്ത് തെ​ങ്ങു​ക​ളും 30 ല​ധി​കം ക​വു​ങ്ങു​ക​ളും എ​ട്ട് മാ​വു​ക​ളും വേ​ലാ​ങ്കാ​ട്ടി​ല്‍ മാ​ത്രം കാ​ട്ടാ​ന​ക​ള്‍ ന​ശി​പ്പി​ച്ചു.


ച​പ്പ​ക്കാ​ട്, ചെ​മ്മ​ണാ​മ്പ​തി പ്ര​ദേ​ശ​ത്ത് മാ​വു​ക​ളും ജ​ല​സേ​ച​ന പൈ​പ്പു​ക​ളും കൗ​ങ്ങ് ഉ​ള്‍​പ്പെ​ടെ ന​ശി​പ്പി​ച്ചി​ട്ടു​ണ്ട്. തെ​ന്മ​ല​യോ​ര പ്ര​ദേ​ശ​ങ്ങ​ളാ​യ ചെ​മ്മ​ണാ​മ്പ​തി മു​ത​ല്‍ എ​ല​വ​ഞ്ചേ​രി പോ​ക്കാ​മ​ട വ​രെ രാ​ത്രി​യി​ലാ​ണ് കാ​ട്ടാ​ന​ക​ള്‍ കൃ​ഷി​സ്ഥ​ല​ങ്ങ​ളി​ല്‍ എ​ത്തു​ന്ന​ത്. ത​ക​ർ​ന്ന വൈ​ദ്യു​തി വേ​ലി പു​നഃ​സ്ഥാ​പി​ക്കു​ന്ന ജോ​ലി​യും എ​ത്തി​യ കാ​ട്ടാ​ന​ക​ളെ ഓ​ടി​ക്കു​ന്ന ജോ​ലി​യും വ​നം വ​കു​പ്പി​ന് വി​ശ്ര​മ​മി​ല്ലാ​തെ ജോ​ലിയാ​യി​രി​ക്കു​ക​യാ​ണ്.

ക​ഴി​ഞ്ഞ കു​റേ മാ​സ​ങ്ങ​ളാ​യി അ​പ്ര​ത്യ​ക്ഷ​മാ​യ ആ​ന​ക്കൂട്ട​മാ​ണ് ഇ​പ്പോ​ൾ മ​ല​യോ​ര മേ​ഖ​ല​യി​ൽ കാ​ർ​ഷി​ക വി​ള​നാ​ശം വ​രു​ത്തി​ക്കൊ​ണ്ടി​രി​ക്കു​ന്ന​ത്. തെ​ന്മ​ല​യി​ലെ കാ​ട്ടാ​ന​ക​ളെ ചെ​മ്മ​ണാ​മ്പ​തി, തേ​ക്ക​ടി റോ​ഡി​ലൂ​ടെ പ​റ​മ്പി​ക്കു​ളം വ​ന​മേ​ഖ​ലയി​ലേ​ക്ക് എ​ത്തി​ക്കാ​ൻ ന​ട​പ​ടി സ്വീ​ക​രി​ക്ക​ണ​മെ​ന്നാ​ണ് ക​ർ​ഷ​ക​രു​ടെ ആ​വ​ശ്യം.