വ്യാ​ജ ഡോ​ക്ട​റു​ടെ അ​റ​സ്റ്റ്: പ്ര​തി പ​ഠി​ച്ച സ്ഥാ​പ​നത്തെ​ക്കു​റി​ച്ച് അ​ന്വേ​ഷ​ണം
Friday, October 4, 2024 4:13 AM IST
കൊ​ച്ചി: അ​മി​ത വ​ണ്ണം കു​റ​യ്ക്കാ​മെ​ന്ന് വി​ശ്വ​സി​പ്പി​ച്ച് യു​വ​തി​യെ ശ​സ്ത്ര​ക്രി​യ ചെ​യ്ത സം​ഭ​വ​ത്തി​ല്‍ അ​റ​സ്റ്റി​ലാ​യ വ്യാ​ജ ഡോ​ക്ട​ര്‍ കോ​സ്മ​റ്റോ​ള​ജി പ​ഠി​ച്ച സ്ഥാ​പ​ന​ത്തെ കേ​ന്ദ്രീ​ക​രി​ച്ച് പോ​ലീ​സ് അ​ന്വേ​ഷ​ണം ആ​രം​ഭി​ച്ചു. എ​റ​ണാ​കു​ളം പൊ​ന്നു​രു​ന്നി​യി​ലു​ള്ള ഈ ​സ്ഥാ​പ​ന​ത്തി​ന്‍റെ ലൈ​സ​ന്‍​സ് ഉ​ള്‍​പ്പെ​ടെ​യു​ള്ള പേ​പ്പ​റു​ക​ള്‍ പോ​ലീ​സി​ന് ല​ഭി​ച്ചി​ട്ടു​ണ്ട്. ഇ​ത് ആ​ധി​കാ​രി​ക​ത​യു​ള​ള സ്ഥാ​പ​ന​മാ​ണോ​യെ​ന്ന് പ​രി​ശോ​ധി​ച്ചു​വ​രി​ക​യാ​ണെ​ന്ന് ക​ട​വ​ന്ത്ര പോ​ലീ​സ് സ്‌​റ്റേ​ഷ​ന്‍ എ​സ്എ​ച്ച്ഒ പി.​എം. ര​തീ​ഷ് പ​റ​ഞ്ഞു.

കേ​സു​മാ​യി ബ​ന്ധ​പ്പെ​ട്ട് തി​രു​വ​ന​ന്ത​പു​രം പാ​രി​പ്പി​ള്ളി ചാ​വ​ര്‍​ക്കോ​ട് സ​ജു ഭ​വ​നി​ല്‍ സ​ജു സ​ഞ്ജീ​വി​നെ (27) യാ​ണ് ക​ട​വ​ന്ത്ര പോ​ലീ​സ് അ​റ​സ്റ്റ് ചെ​യ്ത​ത്. ഡോ​ക്ട​റാ​ണെ​ന്നും കോ​സ്മ​റ്റോ​ള​ജി ചി​കി​ത്സ​യി​ലും സ​ര്‍​ജ​റി​യി​ലും പ്രാ​ഗ​ത്ഭ്യ​മു​ണ്ടെ​ന്നും വി​ശ്വ​സി​പ്പി​ച്ച് തി​രു​വ​ന​ന്ത​പു​രം സ്വ​ദേ​ശി​യാ​യ യു​വ​തി​യെ ക​ഴി​ഞ്ഞ മേ​യി​ല്‍ അ​മി​ത വ​ണ്ണം കു​റ​ക്കു​ന്ന​തി​നാ​യി പ്ര​തി കീ ​ഹോ​ള്‍ ശ​സ്ത്ര​ക്രി​യ ന​ട​ത്തി.


ക​ട​വ​ന്ത്ര​യി​ല്‍ പ്ര​തി​യു​ടെ മെ​ഡി ഗ്ലോ ​എ​ന്ന സ്ഥാ​പ​ന​ത്തി​ല്‍ ന​ട​ത്തി​യ സ​ര്‍​ജ​റി​ക്ക് ശേ​ഷ​വും വ​ണ്ണം കു​റ​ഞ്ഞി​ല്ല. തു​ട​ര്‍​ന്ന് ജൂ​ണി​ല്‍ ഇ​തേ സ്ഥാ​പ​ന​ത്തി​ല്‍ വ​ച്ച് യു​വ​തി​ക്ക് ഓ​പ്പ​ണ്‍ സ​ര്‍​ജ​റി ന​ട​ത്തി​യെ​ങ്കി​ലും മു​റി​വി​ല്‍ ഗു​രു​ത​ര​മാ​യി അ​ണു​ബാ​ധ​യു​ണ്ടാ​യി. ജീ​വ​ന്‍ അ​പ​ക​ട​ത്തി​ലാ​യ​പ്പോ​ഴാ​ണ് യു​വ​തി പോ​ലീ​സി​ല്‍ പ​രാ​തി ന​ല്‍​കി​യ​ത്. കൂ​ടു​ത​ല്‍ ചോ​ദ്യം ചെ​യ്യു​ന്ന​തി​നാ​യി ഇ​യാ​ളെ ഉ​ട​ന്‍ ക​സ്റ്റ​ഡി​യി​ല്‍ വാ​ങ്ങും.