മൂവാറ്റുപുഴ: അനധികൃതമായി മദ്യവിൽപ്പന നടത്തിയ മധ്യവയസ്ക്കനെ എക്സൈസ് സംഘം പിടികൂടി. വെള്ളൂർകുന്നം ഈസ്റ്റ് വാഴപ്പിള്ളി രാധാനിവാസിൽ എം.ബി. രാധാകൃഷ്ണനെ (53)യാണ് അസിസ്റ്റന്‍റ് എക്സൈസ് ഇൻസ്പെക്ടർ കെ.എ. നിയാസും സംഘവും ചേർന്ന് പിടികൂടിയത്.
ഡ്രൈ ഡേ ദിനത്തോടനുബന്ധിച്ച് എക്സൈസ് സംഘം നടത്തിയ പരിശോധനയിലാണ് ഇയാൾ പിടിയിലാകുന്നത്. ഇയാളുടെ പക്കൽനിന്നും ഏഴു ലിറ്റർ മദ്യവും എട്ടു കുപ്പി ബിയറും കസ്റ്റഡിയിലെടുത്തു. പ്രതിയെ റിമാൻഡ് ചെയ്തു.