നെടുങ്കണ്ടം ഉപജില്ലാ സ്‌കൂള്‍ കലോത്സവം: ലോഗോ പ്രകാശനം
1477877
Sunday, November 10, 2024 3:53 AM IST
നെടുങ്കണ്ടം: നെടുങ്കണ്ടം സെന്‍റ് സെബാസ്റ്റ്യന്‍സ് സ്‌കൂളില്‍ 19, 20, 21 തീയതികളില്‍ നടക്കുന്ന ഉപജില്ലാ സ്‌കൂള്‍ കലോത്സവത്തിന്‍റെ ലോഗോ പ്രകാശനം ചെയ്തു. 52 സ്‌കൂളുകളില്‍ നിന്നായി 3000 ത്തോളം കലാപ്രതിഭകളാണ് കലോത്സവത്തില്‍ മാറ്റുരയ്ക്കുന്നത്.
ജനറല്‍ കലോത്സവത്തിന് പുറമേ സംസ്‌കൃതോത്സവം, അറബിക് സാഹിത്യോത്സവം, തമിഴ് കലോത്സവം എന്നിവയും നടത്തും. സ്‌കൂളില്‍ നടന്ന ചടങ്ങില്‍ കലോത്സവത്തിന്‍റെ ലോഗോ സെന്‍റ് സെബാസ്റ്റ്യന്‍സ് സ്‌കൂള്‍ അസി. മാനേജര്‍ ഫാ. മെല്‍ബിന്‍ കരിവേലിക്കല്‍ പ്രകാശനം ചെയ്തു.
പബ്ലിസിറ്റി കമ്മിറ്റി ചെയര്‍മാന്‍ സിബി മൂലേപ്പറമ്പിലും കുട്ടികളും ചേര്‍ന്ന് ലോഗോ ഏറ്റുവാങ്ങി.
സുവനീര്‍ കമ്മിറ്റി ചെയര്‍മാന്‍, ജോജി ഇടപ്പള്ളിക്കുന്നേല്‍, ലയണ്‍സ് ക്ലബ് പ്രസിഡന്‍റ് സരിന്‍ മാത്യു, പിടിഎ പ്രസിഡന്‍റ് സുബിന്‍ ജോസഫ്, ജനറല്‍ കണ്‍വീനര്‍ ജിന്‍സ് ജോസ്, പ്രോഗ്രാം കമ്മിറ്റി കണ്‍വീനര്‍ റിനു ചാക്കോ തുടങ്ങിയവര്‍ പ്രസംഗിച്ചു.