നാ​ട്ട​കം കു​ടി​വെ​ള്ള പ​ദ്ധ​തി​യു​ടെ ത​ട​സ​ങ്ങ​ള്‍ പ​രി​ഹ​രി​ക്ക​പ്പെ​ടു​ന്നു
Friday, October 4, 2024 5:56 AM IST
കോ​ട്ട​യം: നാ​ട്ട​കം കു​ടി​വെ​ള്ള പ​ദ്ധ​തി​യു​ടെ ത​ട​സ​ങ്ങ​ള്‍ പ​രി​ഹ​രി​ക്ക​പ്പെ​ടു​ന്നു. റോ​ഡ് മു​റി​ച്ച് പൈ​പ്പ് സ്ഥാ​പി​ക്കു​ന്ന​തി​ന് നാ​ഷ​ണ​ല്‍ ഹൈ​വേ അ​ഥോ​റി​റ്റി അ​നു​മ​തി ന​ല്‍കാ​ത്ത​തി​നെ​ത്തു​ട​ര്‍ന്ന് നാ​ട്ട​കം കു​ടി​വെ​ള്ള പ​ദ്ധ​തി​യു​ടെ നി​ര്‍മാ​ണം ത​ട​സ​പ്പെ​ട്ടി​രി​ക്കു​ക​യാ​യി​രു​ന്നു.

നി​ര്‍മാ​ണം എ​ത്ര​യും വേ​ഗം പൂ​ര്‍ത്തി​യാ​ക്ക​ണ​മെ​ന്നാ​വ​ശ്യ​പ്പെ​ട്ട് ഫ്രാ​ന്‍സി​സ് ജോ​ര്‍ജ് എം​പി​യും തി​രു​വ​ഞ്ചൂ​ര്‍ രാ​ധാ​കൃ​ഷ്ണ​ന്‍ എം​എ​ല്‍എ​യും കേ​ന്ദ്ര ഉ​പ​രി​ത​ല ഗ​താ​ഗ​ത മ​ന്ത്രി നി​ധി​ന്‍ ഗ​ഡ്ഗ​രി​ക്ക് ന​ല്‍കി​യ നി​വേ​ദ​ന​ത്തി​ന്‍റെ അ​ടി​സ്ഥാ​ന​ത്തി​ല്‍ കേ​ന്ദ്ര​മ​ന്ത്രി​യു​ടെ പ്ര​തി​നി​ധി​യാ​യി കോ​ട്ട​യ​ത്തെ​ത്തി​യ എ​സ്.​കെ. പാ​ണ്ഡെ, എം​പി​യും എം​എ​ല്‍എ​യും ഉ​ദ്യോ​ഗ​സ്ഥ​രു​മാ​യി ച​ര്‍ച്ച ന​ട​ത്തു​ക​യും പൈ​പ്പു​ക​ള്‍ സ്ഥാ​പി​ക്കേ​ണ്ട റോ​ഡു​ക​ള്‍ പ​രി​ശോ​ധി​ക്കു​ക​യും ചെ​യ്തു.

പൈ​പ്പ് സ്ഥാ​പി​ക്കേ​ണ്ട സ്ഥ​ല​ങ്ങ​ള്‍ നേ​രി​ട്ടു​ക​ണ്ട് ബോ​ധ്യ​പ്പെ​ട്ട കാ​ര്യ​ങ്ങ​ളും ച​ര്‍ച്ച​യി​ലൂ​ടെ ഉ​രു​ത്തി​രി​ഞ്ഞ ആ​ശ​യ​ങ്ങ​ളും കേ​ന്ദ്ര ഉ​പ​രി​ത​ല ഗ​താ​ഗ​ത മ​ന്ത്രാ​ല​യ​ത്തി​നു കൈ​മാ​റു​മെ​ന്നും തീ​രു​മാ​നം എ​ത്ര​യും വേ​ഗ​മു​ണ്ടാ​കു​മെ​ന്നും മ​ന്ത്രി​യു​ടെ പ്ര​തി​നി​ധി ആ​ര്‍.​കെ. പാ​ണ്ഡെ ഉ​റ​പ്പ് ന​ല്‍കി.

കോ​ട്ട​യം ന​ഗ​ര​സ​ഭ​യി​ലെ നാ​ട്ട​കം പ്ര​ദേ​ശ​ത്തെ 30 മു​ത​ല്‍ 44 വ​രെ​യു​ള്ള 15 വാ​ര്‍ഡു​ക​ളി​ലെ ആ​റാ​യി​ര​ത്തോ​ളം വീ​ടു​ക​ളി​ല്‍ കു​ടി​വെ​ള്ളം എ​ത്തി​ക്കു​ന്ന​തി​നാ​യി 2016ല്‍ ​ആ​രം​ഭി​ച്ച​താ​ണ് നാ​ട്ട​കം കു​ടി​വെ​ള്ള പ​ദ്ധ​തി.

2020 മു​ത​ല്‍ കോ​ട്ട​യം ക​ള​ക്‌​ട​റേ​റ്റ്-​ക​ഞ്ഞി​ക്കു​ഴി, മ​ണി​പ്പു​ഴ-​മ​റി​യ​പ്പ​ള്ളി, മ​റി​യ​പ്പ​ള്ളി-​കോ​ടി​മ​ത എ​ന്നീ നാ​ലു കി​ലോ​മീ​റ്റ​ര്‍ നീ​ളം ഭാ​ഗ​ത്ത് പൈ​പ്പ് ഇ​ടാ​ന്‍ ദേ​ശീ​യ പാ​ത അ​ധി​കാ​രി​ക​ളോ​ട് അ​നു​മ​തി ആ​വ​ശ്യ​പ്പെ​ട്ടെ​ങ്കി​ലും ന​ല്‍കി​യി​ല്ല. മ​റ്റു പ​ണി​ക​ള്‍ പൂ​ര്‍ത്തീ​ക​രി​ച്ച​ശേ​ഷം 2022ല്‍ ​വീ​ണ്ടും അ​നു​മ​തി ന​ല്‍കാ​നാ​വ​ശ്യ​പ്പെ​ട്ട​ങ്കി​ലും ദേ​ശീ​യ​പാ​ത അ​ധി​കൃ​ത​ര്‍ നി​ര​സി​ച്ചു. ഇ​തി​നെ​ത്തു​ട​ര്‍ന്ന് പ​ദ്ധ​തി പൂ​ര്‍ണ​മാ​യും മു​ട​ങ്ങു​ക​യാ​യി​രു​ന്നു.