ധാ​​​ക്ക: ​​​ബം​​​ഗ്ലാ​​​ദേ​​​ശി വ്യോ​​​മ​​​സേ​​​ന​​​യു​​​ടെ പ​​​രി​​​ശീ​​​ല​​​നവി​​​മാ​​​നം സ്കൂ​​​ൾ കെ​​​ട്ടി​​​ട​​​ത്തി​​​ൽ ത​​​ക​​​ർ​​​ന്നു​​​വീ​​​ണ് 20 പേ​​​ർ മ​​​രി​​​ച്ചു; 171 പേ​​​ർ​​​ക്കു പ​​​രി​​​ക്കേ​​​റ്റു. മ​​​രി​​​ച്ച​​​വ​​​രി​​​ലേ​​റെ​​യും കു​​​ട്ടി​​​ക​​​ളാ​​​ണ്. ത​​​ല​​​സ്ഥാ​​​ന​​​മാ​​​യ ധാ​​​ക്ക​​​യി​​​ലെ ഉ​​​ത്ത​​​ര പ്ര​​​ദേ​​​ശ​​​ത്ത് മൈ​​​ൽ​​​സ്റ്റോ​​​ൺ സ്കൂ​​​ൾ ആ​​​ൻ​​​ഡ് കോ​​​ള​​​ജി​​​ലാ​​​യി​​​രു​​​ന്നു ദു​​​ര​​​ന്തം.

ക്ലാ​​​സ് ന​​​ട​​​ക്കു​​​ന്ന സ​​​മ​​​യ​​​ത്ത് സ്കൂ​​​ളി​​​ലെ ര​​​ണ്ടു​​​നി​​​ലക്കെ​​​ട്ടി​​​ട​​​ത്തി​​​ൽ വി​​​മാ​​​നം പ​​​തി​​​ക്കു​​​ക​​​യാ​​​യി​​​രു​​​ന്നു​​​വെ​​​ന്നു ദൃ​​​ക്സാ​​​ക്ഷി​​​ക​​​ൾ പ​​​റ​​​ഞ്ഞു. വ​​​ലി​​​യ ശ​​​ബ്ദ​​​ത്തി​​​ൽ വി​​​മാ​​​നം വീ​​​ണ​​​തി​​​നു പി​​​ന്നാ​​​ലെ തീ​​​പി​​​ടി​​​ത്ത​​​മു​​​ണ്ടാ​​​യി. നാ​​​ലി​​​നും 18നും ​​​ഇ​​​ട​​​യി​​​ൽ പ്രാ​​​യ​​​മു​​​ള്ള​​​വ​​​രാ​​​ണു സ്കൂ​​​ളി​​​ൽ പ​​​ഠി​​​ച്ചി​​​രു​​​ന്ന​​​ത്.

ഇ​​​ന്ന​​​ലെ ഉ​​​ച്ച​​​യ്ക്ക് ഒ​​​രു മ​​​ണി​​​ക്ക് ധാ​​​ക്ക​​​യി​​​ലെ വ്യോ​​​മ​​​സേ​​​നാ താ​​​വ​​​ള​​​ത്തി​​​ൽ​​​നി​​​ന്നു പ​​​രി​​​ശീ​​​ല​​​ന​​​ത്തി​​​നാ​​​യി പ​​​റ​​​ന്നു​​​യ​​​ർ​​​ന്ന എ​​​ഫ്-7 ബി​​​ജി​​​ഐ വി​​​മാ​​​ന​​​ത്തി​​​നു സാ​​​ങ്കേ​​​തി​​​ക ത​​​ക​​​രാ​​​ർ ഉ​​​ണ്ടാ​​​വു​​​ക​​​യാ​​​യി​​​രു​​​ന്നു​​​വെ​​​ന്നു പ്ര​​​തി​​​രോ​​​ധ വൃ​​​ത്ത​​​ങ്ങ​​​ൾ അ​​​റി​​​യി​​​ച്ചു. പൈ​​​ല​​​റ്റ് തൗ​​​ക്രി ഇ​​​സ്‌​​​ലാം ജ​​​ന​​​വാ​​​സ​​​മേ​​​ഖ​​​ല ഒ​​​ഴി​​​വാ​​​ക്കാ​​​ൻ ശ്ര​​​മി​​​ച്ചു​​​വെ​​​ന്നും അ​​​റി​​​യി​​​പ്പി​​​ൽ പ​​​റ​​​യു​​​ന്നു. മ​​​രി​​​ച്ച​​​വ​​​രി​​​ൽ പൈ​​​ല​​​റ്റും ഉ​​​ൾ​​​പ്പെ​​​ടു​​​ന്നു.


അ​​​പ​​​ക​​​ട​​​സ്ഥ​​​ല​​​ത്ത് വ​​​ൻ തീ​​​പി​​​ടി​​​ത്ത​​​മു​​​ണ്ടാ​​​കു​​​ന്ന​​​തി​​​ന്‍റെ​​​യും പു​​​ക​​​ ഉ​​​യ​​​രു​​​ന്ന​​​തി​​​ന്‍റെ​​​യും ദൃ​​​ശ്യ​​​ങ്ങ​​​ൾ പു​​​റ​​​ത്തു​​​വ​​​ന്നു. പൊ​​​ള്ള​​​ലേ​​​റ്റ​​​വ​​​രി​​​ൽ കു​​​ട്ടി​​​ക​​​ളും ഉ​​​ൾ​​​പ്പെ​​​ടു​​​ന്നു. ഇ​​​വ​​​രെ നാ​​​ഷ​​​ണ​​​ൽ ഇ​​​ൻ​​​സ്റ്റി​​​റ്റ്യൂ​​​ട്ട് ഓ​​​ഫ് ബേ​​​ൺ ആ​​​ൻ​​​ഡ് പ്ലാ​​​സ്റ്റി​​​ക് സ​​​ർ​​​ജ​​​റി ആ​​​ശു​​​പ​​​ത്രി​​​യി​​​ലാ​​​ണ് പ്ര​​​വേ​​​ശി​​​പ്പി​​​ച്ചി​​​രി​​​ക്കു​​​ന്ന​​​ത്. മ​​​ര​​​ണ​​​സം​​​ഖ്യ ഇ​​​നി​​​യും ഉ​​​യ​​​രു​​​മെ​​​ന്ന സൂ​​​ച​​​ന​​​യാ​​ണു ബം​​​ഗ്ലാ വൃ​​​ത്ത​​​ങ്ങ​​​ൾ ന​​​ല്കു​​​ന്ന​​​ത്.

അ​​​പ​​​ക​​​ട​​​ത്തെ​​​ക്കു​​​റി​​​ച്ച് വി​​​ശ​​​ദ​​​മാ​​​യ അ​​​ന്വേ​​​ഷ​​​ണം ന​​​ട​​​ത്തു​​​മെ​​​ന്ന് ബം​​​ഗ്ലാ ഭ​​​ര​​​ണാ​​​ധി​​​കാ​​​രി പ്ര​​​ഫ. മു​​​ഹ​​​മ്മ​​​ദ് യൂ​​​നു​​​സ് അ​​​റി​​​യി​​​ച്ചു. അ​​​പ​​​ക​​​ട​​​ത്തി​​​ൽ​​​പ്പെ​​​ട്ട​​​വ​​​ർ​​​ക്കു വേ​​​ണ്ട സ​​​ഹാ​​​യം ല​​​ഭ്യ​​​മാ​​​ക്കാ​​​ൻ അ​​​ദ്ദേ​​​ഹം നി​​​ർ​​​ദേ​​​ശി​​​ച്ചു. ഇ​​​ന്ന് ബം​​​ഗ്ലാ​​​ദേ​​​ശി​​​ൽ ഔ​​​ദ്യോ​​​ഗി​​​ക ദുഃ​​​ഖാ​​​ച​​​ര​​​ണം പ്ര​​​ഖ്യാ​​​പി​​​ച്ചു. അ​​​പ​​​ക​​​ട​​​ത്തി​​​ൽ​​​പ്പെ​​​ട്ട വി​​​മാ​​​നം ചൈ​​​നീ​​​സ് നി​​​ർ​​​മി​​​ത​​​മാ​​​ണെ​​​ന്നാ​​​ണു റി​​​പ്പോ​​​ർ​​ട്ട്.