തൃശൂർ അസോസിയേഷൻ റോമയുടെ ഉദ്ഘാടനം നടന്നു
Tuesday, November 5, 2024 5:07 PM IST
ജെജി മാന്നാർ
റോം: തൃശൂർ അസോസിയേഷൻ റോമയുടെ ഉദ്ഘാടനം വിപുലമായ പരിപാടികളോടെ റോമിൽ നടന്നു. ചടങ്ങിൽ തൃശൂർ ജില്ല ഗ്രൂപ്പ്‌ അഡ്മിൻമാരായ ബെന്നി വെട്ടിയാടൻ, സന്തോഷ് തോമസ്‌, ലിബിൻ ചുങ്കത്ത്, ഷൈജിൻ പീറ്റർ, സീനിയർ മെമ്പറായ വിൻസെന്‍റ് ചക്കാലമറ്റത്ത് എന്നിവർ ചേർന്ന് ഭദ്രദീപം കൊളുത്തി ഉദ്ഘാടന കർമം നിർവഹിച്ചു.

ബെന്നി വെട്ടിയാടൻ ഉദ്ഘാടന പ്രസംഗം നടത്തി. ഷൈജിൻ പീറ്റർ സ്വാഗതവും ഫ്രനിഷ് നന്ദിയും പറഞ്ഞു. ജോർജ് റപ്പായി, വിൻസെന്‍റ്, ഷീജ ഷാജു, ജോസുട്ടൻ, ബിന്നി എന്നിവർ ആശംസകൾ നേർന്നു.


ഫ്രനിഷ്, ബിനു മാള എന്നിവരുടെ നേതൃത്വത്തിൽ നടന്ന ഗാനമേളയും ഉദ്ഘാടന ചടങ്ങുകൾക്ക് മാറ്റുകൂട്ടി. സ്നേഹ വിരുന്നോട് കൂടി ചടങ്ങുകൾ അവസാനിച്ചു.