മാ​ന്നാ​ർ: അ​ർ​ബു​ദ രോ​ഗ​ത്തെത്തുട​ർ​ന്ന് കഴിഞ്ഞമാസം മ​ര​ിച്ച മാ​ന്നാ​ർ വി​ഷ​വ​ർ​ശേ​രി​ക്ക​ര ഇ​ട​ത്ത​യി​ൽ സി​നു(48)​വി​ന്‍റെ കു​ടും​ബ​ത്തി​ന്‍റെ ഭ​വ​നനി​ർ​മാ​ണം പൂ​ർ​ത്തീ​ക​രി​ക്കാ​ൻ മാ​ന്നാ​ർ പ​രു​മ​ല​ക്ക​ട​വി​ൽ ഉ​ണ്ണി​യ​പ്പ ച​ല​ഞ്ച് ന​ട​ത്തി. ഹ​രി​പ്പാ​ട് ക​രു​ത​ൽ ഉ​ച്ച​യൂ​ണ് കൂ​ട്ടാ​യ്മ​യും സി​നു ഭ​വ​നനി​ർ​മാ​ണ സ​ഹാ​യ സ​മി​തി​യം​ഗ​ങ്ങ​ളും നേ​തൃ​ത്വം ന​ൽ​കി. രോ​ഗ​ക്കി​ട​ക്ക​യി​ലും വീ​ടി​ന്‍റെ നി​ർ​മാ​ണം പൂ​ർ​ത്തീ​ക​രി​ച്ച് മ​ക്ക​ളെ സു​ര​ക്ഷി​ത​രാ​ക്ക​ണ​മെ​ന്ന ആ​ഗ്ര​ഹ​ത്തി​ലാ​യി​രു​ന്നു സി​നു. സി​നു​വി​ന്‍റെ ചി​കി​ത്സ​യ്ക്കും വീ​ടെ​ന്ന സ്വ​പ്നം സാ​ക്ഷാ​ത്കരി​ക്കാ​നും പ​ഞ്ചാ​യ​ത്തം​ഗ​ങ്ങ​ളു​ടെ​യും നാ​ട്ടു​കാ​രു​ടെ​യും നേ​തൃ​ത്വ​ത്തി​ൽ സ​ഹാ​യനി​ധി രൂ​പീ​ക​രി​ച്ച് ധ​ന​സ​മാ​ഹ​ര​ണം ന​ട​ത്തി​വ​ര​വേ​യാ​ണ് സി​നു​വി​ന്‍റെ മ​ര​ണം സം​ഭ​വി​ച്ച​ത്.

ആ​രോ​ഗ്യ​ക​ര​ണ​ത്താ​ൽ ജോ​ലി​ക്കു പോ​കാ​ൻ ക​ഴി​യാ​ത്ത ഭ​ർ​ത്താ​വ് സു​ഭാ​ഷും വി​ദ്യാ​ർ​ഥി​ക​ളാ​യ ര​ണ്ടു മ​ക്ക​ളും ഭ​ർ​തൃ​മാ​താ​വും അ​ട​ങ്ങു​ന്ന​താ​ണ് സിനു​വി​ന്‍റെ കു​ടും​ബം. ക​രു​ത​ൽ ഉ​ച്ച​യൂ​ണ് കൂ​ട്ടാ​യ്മ പ​ദ്ധ​തി​യു​ടെ ചെ​യ​ർ​മാ​ൻ ഷാ​ജി കെ.​ ഡേ​വി​ഡ്, അം​ഗ​ങ്ങ​ളാ​യ അ​നീ​ഷ്, റി​യാ​സ്, ജോ​മോ​ൻ, ജോ​സ്, ര​മ്യ, സി​നു ഭ​വ​ന നി​ർ​മാ​ണ സ​ഹാ​യ സ​മി​തി​യം​ഗ​ങ്ങ​ളാ​യ പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റ് സെ​ലീ​ന നൗ​ഷാ​ദ്, ഷീ​ബ ഷു​ക്കൂ​ർ, സ്മി​ത, ബി​ന്ദു, മാ​യ, വീ​ണ, ചെ​ല്ല​പ്പ​ൻ, മ​നോ​ജ് എ​ന്നി​വ​ർ നേ​തൃ​ത്വം ന​ൽ​കി.