മാന്നാർ: കൃഷിയിടത്തിൽനിന്നു പടവലം മോഷണം പോയതായി പരാതി. ചെന്നിത്തലയിലെ കൃഷിയിടത്തിൽനിന്നുമാണ് പടവലം മോഷ്ടിച്ചതായി പരാതി. ചെന്നിത്തല സൗത്ത് പുത്തൻതറയിൽ രഘുനാഥന്റെ അൻപത് സെന്റോളം വരുന്ന കൃഷി സ്ഥലത്താണ് വിളവെടുപ്പിന് പാകമായ പടവലം മോഷണം പോയത്. കൃഷി ഉപജീവന മാർഗമാക്കിയ ആളാണ് രഘുനാഥൻ.
രാവിലെ പടവലത്തിന് വെള്ളം ഒഴിക്കാനായി ചെന്നപ്പോഴാണ് പടവലം മുഴുവനും മോഷണം പോയതായി അറിയുന്നത്. മാന്നാർ പോലീസിൽ പരാതി നൽകി.