കു​റ്റൂ​ർ സ​ഹ​ക​ര​ണ ബാ​ങ്കി​ലും ക്ര​മ​ക്കേ​ടു​ക​ൾ ആ​ധാ​രം ഒ​ന്ന്; അ​ഞ്ചു​പേ​ർ​ക്ക് അ​ര​ക്കോ​ടി വീ​തം വാ​യ്പ
Wednesday, September 27, 2023 11:57 PM IST
കുറ്റൂർ: കു​റ്റൂ​ർ സ​ഹ​ക​ര​ണ ബാ​ങ്കി​ലും വാ​യ്പാ ക്ര​മ​ക്കേ​ടു​ക​ൾ ക​ണ്ടെ​ത്തി സ​ഹ​ക​ര​ണ വ​കു​പ്പ്. സി​പി​എം ഏ​രി​യാ സെ​ക്ര​ട്ട​റി​യു​ടെ ഭാ​ര്യ വ്യാ​ജ​വി​ലാ​സ​ത്തി​ൽ വാ​യ്പ നേ​ടി​യെ​ന്നും ഒ​രേ ആ​ധാ​ര​ത്തി​ന്മേ​ൽ അ​ഞ്ചു​പേ​ർ​ക്കു വാ​യ്പ ന​ൽ​കി​യെ​ന്നും ക​ണ്ടെ​ത്തി​യി​ട്ടു​ണ്ട്. എ​ന്നാ​ൽ ബാ​ങ്കി​നു ന​ഷ്ട​മു​ണ്ടാ​യി​ട്ടി​ല്ലെ​ന്നാ​ണ് ഭ​ര​ണ​സ​മി​തി​യു​ടെ വി​ശ​ദീ​ക​ര​ണം.

വി​ഷ​യ​ത്തി​ൽ ആ​ഭ്യ​ന്ത​ര അ​ന്വേ​ഷ​ണം തു​ട​ങ്ങി. നി​ക്ഷേ​പ​ത്തു​ക​യു​ടെ വി​നി​യോ​ഗം, വാ​യ്പ അ​നു​വ​ദി​ച്ച​ത്, ചി​ട്ടി ന​ട​ത്തി​പ്പ്, കെ​ട്ടി​ട​നി​ർ​മാ​ണം എ​ന്നി​വ​യി​ലെ​ല്ലാം ഗു​രു​ത​ര​മാ​യ ക്ര​മ​ക്കേ​ടും ച​ട്ട​ലം​ഘ​ന​വും ഉ​ണ്ടാ​യ​താ​യാ​ണ് സ​ഹ​ക​ര​ണ വ​കു​പ്പ് ന​ട​ത്തി​യ പ​രി​ശോ​ധ​ന​യി​ൽ വ്യ​ക്ത​മാ​യ​ത്. ഇ​ട​തു നേ​തൃ​ത്വ​ത്തി​ലു​ള്ള ഭ​ര​ണ​സ​മി​തി​യാ​ണ് ബാ​ങ്കി​ന് നേ​തൃ​ത്വം ന​ൽ​കു​ന്ന​ത്.

സി​പി​എം തി​രു​വ​ല്ല ഏ​രി​യാ സെ​ക്ര​ട്ട​റി ഫ്രാ​ൻ​സി​സ് വി. ​ആ​ന്‍റ​ണി, അ​ദ്ദേ​ഹ​ത്തി​ന്‍റെ ഭാ​ര്യ​യ്ക്ക് വ്യാ​ജ​വി​ലാ​സ​ത്തി​ൽ വാ​യ്പ ത​ര​പ്പെ​ടു​ത്തി എ​ന്ന​താ​ണ് പ്ര​ധാ​ന​പ്പെ​ട്ട വി​ഷ​യ​മാ​യി ഉ​യ​ർ​ന്നു​നി​ൽ​ക്കു​ന്ന​ത്. സ്വ​പ്നാ ദാ​സ് എ​ന്ന​യാ​ളാ​ണ് വാ​യ്പ നേ​ടി​യി​ട്ടു​ള്ള​ത്.

സ്വ​പ്നാ ദാ​സി​ന്‍റെ യ​ഥാ​ർ​ഥ വി​ലാ​സം സ്വ​പ്നാ ദാ​സ്, വ​ട​ക്കേ​വീ​ട്ടി​ൽ, ക​ട​പ്ര, പ​രു​മ​ല പി.​ഒ. എ​ന്ന​താ​ണ്. എ​ന്നാ​ൽ വാ​യ്പ​യ്ക്കാ​യി ന​ൽ​കി​യ അ​പേ​ക്ഷ​യി​ൽ ന​ൽ​കി​യ വി​ലാ​സം സ്വ​പ്നാ ദാ​സ്, വ​ട​ക്കേ​പ​റ​മ്പി​ൽ, വെ​ൺ​പാ​ല എ​ന്ന​താ​ണ്. ഈ ​വി​ലാ​സ​ത്തി​ൽ സ്വ​പ്നാ ദാ​സ് എ​ന്ന താ​മ​സ​ക്കാ​രി ഇ​ല്ലാ​യെ​ന്ന് സ​ഹ​ക​ര​ണ വ​കു​പ്പ് ന​ട​ത്തി​യ അ​ന്വേ​ഷ​ണ​ത്തി​ൽ ക​ണ്ടെ​ത്തി​യി​ട്ടു​ണ്ട്.

2000 ഒ​ക്ടോ​ബ​ർ 17നാ​ണ് ഇ​വ​ർ​ക്ക് അം​ഗ​ത്വം ന​ൽ​കു​ന്ന​ത്. അം​ഗ​ത്വം ന​ൽ​കി​യ തീ​രു​മാ​ന​മെ​ടു​ത്ത അ​തേ ഭ​ര​ണ​സ​മി​തി യോ​ഗം തൊ​ട്ട​ടു​ത്ത ദി​വ​സം സ്വ​പ്ന​യ്ക്ക് 20 ല​ക്ഷം രൂ​പ വാ​യ്പ അ​നു​വ​ദി​ക്കാ​നും തീ​രു​മാ​ന​മെ​ടു​ത്തു. ഇ​വ​ർ​ക്കു വാ​യ്പ ന​ൽ​ക​ണ​മെ​ന്ന ല​ക്ഷ്യ​ത്തോ​ടെ​യാ​ണ് അം​ഗ​ത്വം ന​ൽ​കി​യ​തെ​ന്നും റി​പ്പോ​ർ​ട്ടി​ൽ ചൂ​ണ്ടി​ക്കാ​ട്ടു​ന്നു.

ജോ​മോ​ൻ സി. ​ജോ​ർ​ജ് എ​ന്ന വെ​ൺ​പാ​ല സ്വ​ദേ​ശി​യു​ടെ വാ​യ്പ​യ്ക്ക് അ​ടി​സ്ഥാ​ന​മാ​യ രേ​ഖ​യാ​യി സ്വീ​ക​രി​ച്ച ആ​ധാ​ര​ത്തി​ന്‍റെ അ​ടി​സ്ഥാ​ന​ത്തി​ൽ​ത്ത​ന്നെ ഈ ​ഭൂ​മി​യു​മാ​യി ഒ​രു ബ​ന്ധ​വു​മി​ല്ലാ​ത്ത മ​റ്റു ചി​ല​ർ​ക്കു​കൂ​ടി പ​ത്തു​ല​ക്ഷം രൂ​പ വീ​തം അ​ര​ക്കോ​ടി രൂ​പ വാ​യ്പ ന​ൽ​കി.

ജോ​മോ​ൻ സി. ​ജോ​ർ​ജി​ന്‍റെ ആ​ധാ​രം ഉ​പ​യോ​ഗ​പ്പെ​ടു​ത്തി ജോ​സ് കെ. ​അ​ല​ക്സ്, അ​ലോ​ജ് ജേ​ക്ക​ബ്, ഷൈ​നി സി. ​ജേ​ക്ക​ബ്, ആ​നി റോ​യ് തു​ട​ങ്ങി​യ​വ​ർ​ക്കാ​ണ് അ​ര​ക്കോ​ടി രൂ​പ​യോ​ളം ന​ൽ​കി​യ​ത്. ഇ​വ​ർ​ക്കും സ​മാ​ന​മാ​യ രീ​തി​യി​ൽ അം​ഗ​ത്വം ന​ൽ​കി​യ​തി​നു തൊ​ട്ടു​പി​ന്നാ​ലെ ഓ​രോ​രു​ത്ത​ർ​ക്കും അ​ന്നു​ത​ന്നെ വാ​യ്പ അ​നു​വ​ദി​ക്കു​ക​യാ​യി​രു​ന്നു.

ഒ​റ്റ ആ​ധാ​ര​ത്തി​ന്മേ​ലാ​ണ് ഇ​ത്ര​യും വ​ലി​യ തു​ക വാ​യ്പ ന​ൽ​കി​യി​ട്ടു​ള്ള​തെ​ന്ന​തും ശ്ര​ദ്ധേ​യ​മാ​ണ്. ബാ​ങ്കി​ന്‍റെ പു​തി​യ കെ​ട്ടി​ട​നി​ർ​മാ​ണ​ത്തി​ലും വ​ലി​യ തോ​തി​ലു​ള്ള ച​ട്ട​ലം​ഘ​ന​ങ്ങ​ൾ ക​ണ്ടെ​ത്തി​യി​ട്ടു​ണ്ട്.

ബാ​ങ്കി​ന്‍റെ നി​ക്ഷേ​പ​ത്തു​ക​യി​ൽ​നി​ന്ന് 60 ല​ക്ഷം രൂ​പ ഉ​പ​യോ​ഗ​പ്പെ​ടു​ത്തി കെ​ട്ടി​ടം നി​ർ​മി​ക്കാ​നാ​ണ് സ​ഹ​ക​ര​ണ വ​കു​പ്പ് അ​നു​മ​തി ന​ൽ​കി​യ​തെ​ങ്കി​ൽ ര​ണ്ട​ര​ക്കോ​ടി രൂ​പ​യാ​ണ് ഇ​തി​നാ​യി ചെ​ല​വ​ഴി​ച്ചി​രി​ക്കു​ന്ന​ത്.

നി​യ​മ​പ​ര​മാ​യി മാ​ത്ര​മാ​ണ് ബാ​ങ്ക് ഭ​ര​ണ​സ​മി​തി പ്ര​വ​ർ​ത്തി​ച്ചി​ട്ടു​ള്ള​തെ​ന്നും രാ​ഷ്‌​ട്രീ​യ ല​ക്ഷ്യ​ത്തോ​ടെ ബാ​ങ്കി​നെ ത​ക​ർ​ക്കാ​നു​ള്ള ശ്ര​മ​മാ​ണെ​ന്നും പ്ര​സി​ഡ​ന്‍റ് അ​നീ​ഷ് പ​റ​ഞ്ഞു.

വാ​യ്പ​ക​ളി​ൽ വ​ൻ​ കു​ടി​ശി​ക; ആ​റാ​ട്ടു​പു​ഴ സ​ഹ​ക​ര​ണ ബാ​ങ്കി​ലും പ​ണ​മി​ല്ല

കോ​ഴ​ഞ്ചേ​രി: 787-ാം ന​ന്പ​ർ ആ​റാ​ട്ടു​പു​ഴ സ​ർ​വീ​സ് സ​ഹ​ക​ര​ണ ബാ​ങ്കി​ന്‍റെ നി​ല​നി​ല്പും പ്ര​തി​സ​ന്ധി​യി​ലേ​ക്ക്. നി​ക്ഷേ​പ​ക​ർ​ക്ക് പ​ലി​ശ പോ​ലും ന​ൽ​കാ​നാ​കാ​ത്ത സാ​ഹ​ച​ര്യ​മാ​ണ് ബാ​ങ്കി​ൽ നി​ല​നി​ൽ​ക്കു​ന്ന​ത്.

വാ​യ്പ​യാ​യി ന​ൽ​കി​യ വ​ൻ​തു​ക​ക​ളി​ൽ തി​രി​ച്ച​ട​വ് മു​ട​ങ്ങി​യ​തോ​ടെ​യാ​ണ് പ്ര​തി​സ​ന്ധി. ബാ​ങ്കി​ൽ അ​ക്കൗ​ണ്ടു​ള്ള ആ​ളു​ക​ള്‍ ആ​യി​രം രൂ​പ​യു​ടെ ചെ​ക്കു​കൊ​ടു​ത്താ​ല്‍ പോ​ലും മാ​റാ​ന്‍ ക​ഴി​യാ​ത്ത അ​വ​സ്ഥ​യാ​ണ് നി​ല​വി​ലു​ള്ള​ത്.

പ്ര​തി​ദി​ന പ​ണ​മി​ട​പാ​ടു​ക​ൾ ത​ട​സ​പ്പെ​ട്ട സാ​ഹ​ച​ര്യ​ത്തി​ൽ വാ​യ്പ​ക​ൾ തി​രി​കെ​പി​ടി​ക്കാ​നു​ള്ള ശ്ര​മം ന​ട​ത്തി നോ​ക്കി​യെ​ങ്കി​ലും രാ​ഷ്‌​ട്രീ​യ സ്വാ​ധീ​ന​ത്തി​ൽ അ​തും ത​ട​സ​പ്പെ​ട്ട​താ​യി പ​റ​യു​ന്നു.
പ​ത്ത് ല​ക്ഷ​ത്തി​ല​ധി​ക​മു​ള്ള തു​ക വാ​യ്പ​യാ​യി ന​ല്‍​കു​മ്പോ​ള്‍ അ​തി​നു​പോ​ലും വ്യ​ക്ത​മാ​യ സെ​ക്യൂ​രി​റ്റി പ​ല​രും ബാ​ങ്കി​നു ന​ൽ​കി​യി​ട്ടി​ല്ല.

വാ​യ്പ ന​ൽ​കു​ന്പോ​ൾ ത​ന്നെ ഇ​തി​ലെ പോ​രാ​യ്മ ജീ​വ​ന​ക്കാ​ർ ചൂ​ണ്ടി​ക്കാ​ട്ടി​യെ​ങ്കി​ലും ഭ​ര​ണ​സ​മി​തി​യം​ഗ​ങ്ങ​ളാ​യ സി​പി​എം പ്രാ​ദേ​ശി​ക നേ​താ​ക്ക​ളു​ടെ സ​മ്മ​ർ​ദ​ത്തി​നു പി​ന്നി​ൽ ത​ങ്ങ​ൾ​ക്കു താ​ത്പ​ര്യ​മു​ള്ള​വ​രെ സ​ഹാ​യി​ക്കു​ക​യാ​യി​രു​ന്നു.

വാ​യ്പ തി​രി​ച്ച​ട​യ്ക്കാ​ത്ത​വ​ര്‍​ക്കെ​തി​രേ ക​ര്‍​ശ​ന ന​ട​പ​ടി​ക​ള്‍ സ്വീ​ക​രി​ക്കാ​ന്‍ സ​ഹ​ക​ര​ണ വ​കു​പ്പ് പ​ല ത​വ​ണ ആ​വ​ശ്യ​പ്പെ​ട്ടി​ട്ടും ബാ​ങ്ക് ഭ​ര​ണ​സ​മി​തി ത​യാ​റാ​കാ​തി​രു​ന്ന​തും ത​ക​ര്‍​ച്ച​യ്ക്ക് ആ​ക്കം കൂ​ട്ടി.

വാ​യ്പ​ക്കാ​രോ​ട് കൃ​ത്യ​മാ​യ സെ​ക്യൂ​രി​റ്റി ഉ​ട​മ്പ​ടി​യി​ല്ലാ​തെ വ​ന്‍​തോ​തി​ല്‍ വാ​യ്പ ന​ല്‍​കി​യ​താ​ണ് ബാ​ങ്കി​ന്‍റെ ത​ക​ര്‍​ച്ച​യ്ക്ക് കാ​ര​ണ​മാ​യ​തെ​ന്നു മു​ന്‍ ബാ​ങ്ക് ഭ​ര​ണ​സ​മി​തി​യം​ഗ​വും ആ​റ​ന്മു​ള ഗ്രാ​മ​പ​ഞ്ചാ​യ​ത്ത് വൈ​സ് പ്ര​സി​ഡ​ന്‍റു​മാ​യ എ​ന്‍.​എ​സ്. കു​മാ​ര്‍ പ​റ​ഞ്ഞു. ചി​ട്ടി പി​ടി​ച്ച​തി​ന്‍റെ തു​ക പോ​ലും ത​നി​ക്ക് ന​ൽ​കി​യി​ട്ടി​ല്ലെ​ന്ന് കു​മാ​ർ ചൂ​ണ്ടി​ക്കാ​ട്ടി.