ല​ഹ​രി വി​പ​ത്തി​നെ​തി​രെ​യു​ള​ള അ​നാ​സ്ഥ അ​വ​സാ​നി​പ്പി​ക്ക​ണം: മ​ദ്യ​വി​രു​ദ്ധ സ​മി​തി
Wednesday, September 18, 2024 6:05 AM IST
കൊ​ല്ലം: ല​ഹ​രി​വി​പ​ത്തുമൂ​ലം വ​ർ​ധിച്ചു​വ​രു​ന്ന കൊ​ല​പാ​ത​ക​ങ്ങ​ളും അ​ക്ര​മ​ങ്ങ​ളും വാ​ഹ​നാ​പ​ക​ട​ങ്ങ​ളും നി​യ​ന്ത്രി​ക്കു​ന്ന​തി​ലു​ള​ള സ​ർ​ക്കാ​രി​ന്‍റെ അ​നാ​സ്ഥ അ​വ​നാ​സി​പ്പി​ക്ക​ണ​മെ​ന്ന് കെ​സിബി ​സി മ​ദ്യ​വി​രു​ദ്ധ സ​മി​തി കൊ​ല്ലം രൂ​പ​താ ക​മ്മി​റ്റി ആ​വ​ശ്യ​പ്പെ​ട്ടു.

നാ​ടാ​കെ മ​ദ്യ​മെ​ത്തി​ക്കു​ക​യും മ​യ​ക്കു​മ​രു​ന്നി​നെ​തി​രെ ഫ​ല​പ്ര​ദ​മാ​യൊ​ന്നും ചെ​യ്യാ​തി​രി​ക്കു​ന്ന​തു​മാ​യ സ​ർ​ക്കാ​രി​ന്‍റെ മ​ദ്യ​ന​യ കാ​പ​ട്യ​ത്തി​ന്‍റെ അ​ന​ന്ത​ര​ഫ​ല​മാ​ണ് തു​ട​ർ ച്ച​യാ​യ ല​ഹ​രി ദു​ര​ന്ത​ങ്ങ​ൾ. മ​ദ്യ​വും മ​റ്റ് ല​ഹ​രി​ക​ളും അ​തി​ന് അ​ടി​മ​പ്പെ​ട്ട​വ​രു​ടെ സാ​ന്നി​ധ്യ​വും ജ​ന​ങ്ങ​ളു​ടെ സ്വൈ​ര്യ ജി​വി​ത​ത്തി​നും ജീ​വ​നും എ​ത്ര​ത്തോ​ളം ഭീ​ഷ​ണി​യാ​യി​മാ​റു​ന്ന​തി​ന്‍റെ നേ​ർ​ക്കാ​ഴ്ച​യാ​ണ് മൈ​നാ​ഗ​പ്പ​ള​ളി വാ​ഹ​നാ​പ​ക​ടം.

മ​ദ്യ​വി​പ​ത്ത​ിന്‍റെ ഗു​രു​ത​രാ​വ​സ്ഥ​യെ അ​തി​സ​മ​ർ​ഥ​മാ​യി മ​റ​ച്ചു​വ​ച്ച് മ​ദ്യ വ്യ​വ​സാ​യ ജീ​വ​ന​ക്കാ​രു​ടെ ബോ​ണ​സ് നി​ര​ക്കും മ​ദ്യ​നി​കു​തി വ​രു​മാ​ന വ​ർ​ധന​വും ആ​ഘോ​ഷിക്കു​ന്ന​ത് ജ​ന​വ​ഞ്ച​ന​യാ​ണ്. ശാ​രീ​രി​ക മാ​ന​സി​ക ആ​രോ​ഗ്യം ത​ക​ർ​ന്ന ല​ഹ​രി ആ​സ​ക്ത​രു​ടെ വി​മോ​ച​ന​ത്തി​നും വീ​ണ്ടെ​ടു​പ്പി​നു​മു​ള​ള അ​ടി​യ​ന്തി​ര ന​ട​പ​ടി​ക​ൾ സ്വീ​ക​രി​ക്ക​ണം.


സം​സ്ഥാ​ന​ത്തെ മ​ദ്യ ല​ഹ​രി വി​പ​ത്തി​ന്‍റെ വ്യാ​പ്തി​യും സ​ങ്കീ​ർ​ണ​ത​യും സ​ത്യ​സ ന്ധ​മാ​യി വി​ല​യി​രു​ത്താ​നും മ​ദ്യ​ന​യം കൂ​ടു​ത​ൽ ജ​ന​ക്ഷേ​മ​ക​ര​മാ​യി മാ​റ്റു​വാ​നും സ​ർ ക്കാ​ർ ഇ​നി​യെ​ങ്കി​ലും തയാറാ​ക​ണ​മെ​ന്ന് സ​മി​തി ആ​വ​ശ്യ​പ്പെ​ട്ടു.

സ​മി​തി രൂ​പ​താ പ്ര​സ​ഡ​ന്‍റ് യോ​ഹ​ന്നാ​ൻ ആ​ന്‍റ​ണി അ​ധ്യ​ക്ഷ​ത​വ​ഹി​ച്ചു. ഡ​യ​റ​ക്ട​ർ ഫാ. ​മി​ൽ​ട്ട​ണ്‍ ജോ​ർ​ജ്, ജ​ന​റ​ൽ സെ​ക്ര​ട്ട​റി എ. ​ജെ . ഡി​ക്രൂ​സ്, പ്രോ​ഗ്രാം സെ​ക്ര​ട്ട​റി മാ​രാ​യ അ​ഡ്വ. ഇ. ​എ​മേ​ഴ്സ​ണ്‍, ബി​നു മു​താ​ക്ക​ര, ഇ​ഗ്നേ​ഷ്യ​സ് സെ​റാ​ഫീ​ൻ, എം. എ​ഫ്. ബ​ർ​ഗ്ലീ​ൻ, മേ​ഴ്സി യേ​ശു​ദാ​സ്, ബി. സെ​ബാ​സ്റ്റ്യ​ൻ തു​ട​ങ്ങി​യ​വ​ർ പ്ര​സം​ഗി​ച്ചു.