മാ​ധ്യ​മ പ്ര​വ​ർ​ത്ത​ക​രു​ടെ ആ​നു​കൂ​ല്യ​ങ്ങ​ൾ പ​രി​മി​ത​പ്പെ​ടു​ത്താ​നു​ള്ള നീ​ക്കം ചെ​റു​ക്കും: എം​പി
Sunday, June 30, 2024 11:34 PM IST
കൊ​ല്ലം: മാ​ധ്യ​മ പ്ര​വ​ർ​ത്ത​ക​രു​ടെ നി​ല​വി​ൽ ല​ഭി​ച്ചു​കൊ​ണ്ടി​രി​ക്കു​ന്ന പെ​ൻ​ഷ​ൻ ഉ​ൾ​പ്പെ​ടെ​യു​ള്ള ആ​നു​കൂ​ല്യ​ങ്ങ​ൾ പ​രി​മി​ത​പ്പെ​ടു​ത്താ​നു​ള്ള ശ്ര​മ​ങ്ങ​ൾ ന​ട​ക്കു​ന്ന​താ​യും അ​തി​നെ സ​ർ​വ ശ​ക്തി​യു​മു​പ​യോ​ഗി​ച്ച് ചെ​റു​ക്കു​മെ​ന്നും എ​ൻ.കെ ​പ്രേ​മ​ച​ന്ദ്ര​ൻ എം​പി പ​റ​ഞ്ഞു.

പെ​ൻ​ഷ​ൻ സ​ർ​ക്കാ​രി​ന്‍റെ ഔ​ദാ​ര്യ​മ​ല്ലെ​ന്നും ജീ​വ​ന​ക്കാ​രു​ടെ അ​വ​കാ​ശ​മാ​ണെ​ന്നും അ​ദ്ദേ​ഹം കൂ​ട്ടി​ച്ചേ​ർ​ത്തു. സീ​നി​യ​ർ ജേ​ർ​ണ​ലി​സ്റ്റ്സ് യൂ​ണി​യ​ൻ സം​സ്ഥാ​ന സ​മ്മേ​ള​ന​ത്തോ​ട​നു​ബ​ന്ധി​ച്ചു ന​ട​ന്ന പ്ര​തി​നി​ധി സ​മ്മേ​ള​നം ക​ട​പ്പാ​ക്ക​ട സ്പോ​ർ​ട്ട്സ് ക്ല​ബി​ൽ ഉ​ദ്ഘാ​ട​നം ചെ​യ്ത് പ്രസംഗിക്കു​ക​യാ​യി​രു​ന്നു എം​പി.

തൊ​ഴി​ലാ​ളി​ക​ളു​ടെ നി​ല​വി​ലു​ള്ള ആ​നു​കൂ​ല്യ​ങ്ങ​ൾ ഇ​ല്ലാ​താ​ക്കാ​ൻ ക​ഴി​യി​ല്ലെ​ന്ന് അ​ന്താ​രാ​ഷ്ട്ര ത​ല​ത്തി​ൽ ഇ​ന്ത്യ ഉ​ൾ​പ്പെ​ടെ​യു​ള്ള രാ​ജ്യ​ങ്ങ​ൾ ഒ​പ്പി​ട്ട ക​രാ​റി​ന്‍റെ ന​ഗ്ന​മാ​യ ലം​ഘ​ന​മാ​ണ് രാ​ജ്യ​ത്ത് ന​ട​ക്കു​ന്ന​ത്.

മാ​ധ്യ​മ സ്വാ​ത​ന്ത്ര്യം ഭ​ര​ണ​കൂ​ട​ത്തി​ന്‍റെ ഔ​ദാ​ര്യ​മാ​യി മാ​റി​യി​രി​ക്കു​ന്നു. മാ​ധ്യ​മ പ്ര​വ​ർ​ത്ത​ക​ർ വ്യ​ക്തി​യു​ടെ ഭ​ര​ണ​ഘ​ട​നാ​പ​ര​മാ​യ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​വ​രാ​ണ്.

അ​തു​കൊ​ണ്ടു ത​ന്നെ മാ​ധ്യ​മ പ്ര​വ​ർ​ത്ത​ക​രു​ടെ അ​വ​കാ​ശ​ങ്ങ​ൾ സം​ര​ക്ഷി​ക്കാ​നു​ള്ള ഉ​ത്ത​ര​വാ​ദി​ത്തം ഭ​ര​ണ​കൂ​ട​ത്തി​നു​ണ്ട്. പാ​വ​പ്പെ​ട്ട​വ​രു​ടെ അ​വ​കാ​ശ​ങ്ങ​ൾ​ക്കു വേ​ണ്ടി പാ​ർ​ല​മെ​ന്‍റി​ൽ സം​സാ​രി​ക്കു​ന്ന അം​ഗ​ങ്ങ​ളു​ടെ എണ്ണംകു​റ​ഞ്ഞു​വ​രിക​യാ​ണ്. കോർപറേറ്റു​ക​ൾ​ക്കു വേ​ണ്ടി സം​സാ​രി​ക്കാ​നാ​ണ് ഭൂ​രി​പ​ക്ഷ അം​ഗ​ങ്ങ​ൾ​ക്കും താ​ല്പ​ര്യം. പാ​വ​പ്പെ​ട്ട​വ​രു​ടെ പ്ര​ശ്ന​ങ്ങ​ൾ സ​ഭ​യി​ൽ അ​വ​ത​രി​പ്പി​ക്കു​ന്ന അം​ഗ​ങ്ങ​ളെ പു​ച്ഛ​ത്തോ​ടെ​യാ​ണ് കാ​ണു​ന്ന​തെ​ന്നും എം​പി പ​റ​ഞ്ഞു. അ​ന്ത​രി​ച്ച മു​തി​ർ​ന്ന മാ​ധ്യ​മ പ്ര​വ​ർ ആ​ക​ൾ യു ​വി​ക്ര​മ​ന്‍റെ ഭാര്യ സീ​താ വി​ക്ര​മ​നെ എം​പി ആ​ദ​രി​ച്ചു.

സം​സ്ഥാ​ന പ്ര​സി​ഡ​ന്‍റ് എ​സ്.ആ​ർ ശ​ക്തി​ധ​ര​ൻ അ​ധ്യ​ക്ഷ​നാ​യി​രു​ന്നു. പി ​സി വി​ഷ്ണു​നാഥ് എം​എ​ല്‍​എ, കെ​യു​ഡ​ബ്ല്യു​ജെ സം​സ്ഥാ​ന ജ​ന​റ​ല്‍ സെ​ക്ര​ട്ട​റി കി​ര​ണ്‍ ബാ​ബു, കേ​ര​ള ബാ​ങ്ക് എ​ക്സി. ഡ​യ​റ​ക്ട​ര്‍ അ​ഡ്വ. ജി ​ലാ​ലു, കെ. ​രാ​ജ​ൻ ബാ​ബു, സി ​വി​മ​ല്‍ കു​മാ​ര്‍ തു​ട​ങ്ങി​യ​വ​ര്‍ പ്രസംഗി​ച്ചു. സ​മാ​പ​ന സ​മ്മേ​ള​നം മ​ന്ത്രി ജെ.​ചി​ഞ്ചു​റാ​ണി ഉ​ദ്ഘാ​ട​നം ചെ​യ്തു. വി​ദ്യാ​ഭ്യാ​സ-​വ്യ​വ​സാ​യ മേ​ഖ​ല​ക​ളി​ൽ അ​തു​ല്യ സം​ഭാ​വ​ന ന​ൽ​കി​യ ടി​കെ​എം ട്ര​സ്റ്റ് ചെ​യ​ർ​മാ​ൻ ഷ​ഹാ​ൽ ഹ​സ​ൻ മു​സ​ലി​യാ​രെ മ​ന്ത്രി ആ​ദ​രി​ച്ചു.

എ​സ്.ആ​ര്‍ ശ​ക്തി​ധ​ര​ന്‍ വീ​ണ്ടും പ്ര​സി​ഡ​ന്‍റാ​യി തെ​ര​ഞ്ഞെ​ടു​ക്ക​പ്പെ​ട്ടു.
പി.എ. അ​ല​ക്സാ​ണ്ട​ര്‍ -പേ​ട്ര​ണ്‍, കെ .​ജ​നാ​ര്‍​ദ​ന​ന്‍​നാ​യ​ര്‍ -വ​ര്‍​ക്കി​ങ് പ്ര​സി​ഡ​ന്‍റ്, കെ​എ​ച്ച്എം അ​ഷ​റ​ഫ് -ജ​ന​റ​ല്‍ സെ​ക്ര​ട്ട​റി, ജെ.ആ​ര്‍ പ​റ​ത്ത​റ, ഉ​ഷാ ശ​ശി, രാ​ജ​ന്‍​ബാ​ബു -വൈ​സ് പ്ര​സി​ഡ​ന്‍റുമാ​ര്‍), സി ​ശി​വ​ന്‍, വി.​ആ​ര്‍ രാ​ജ്മോ​ഹ​ന്‍, സി.പി സു​രേ​ന്ദ്ര​ന്‍ -സെ​ക്ര​ട്ട​റി​മാ​ര്‍, എം.ടി ഉ​ദ​യ​കു​മാ​ര്‍ -ട്ര​ഷ​റ​ര്‍ എ​ന്നി​വ​രാ​ണ് മ​റ്റ് ഭാ​ര​വാ​ഹി​ക​ള്‍.

Copyright @ 2022 , Rashtra Deepika Ltd.