ഇലക്ട്രിക് വീൽചെയറുകൾ വിതരണം ചെയ്തു
1429557
Sunday, June 16, 2024 3:29 AM IST
അഞ്ചൽ : അഞ്ചല് ബ്ലോക്ക് പഞ്ചായത്തിന്റെ 2023-24 വാർഷിക പദ്ധതിയിൽ ഉൾപ്പെടുത്തി ബ്ലോക്ക് പരിധിയിൽ വരുന്ന ഭിന്നശേഷിയുള്ളവർക്ക് വേണ്ടി നടപ്പിലാക്കിയ ഇലക്ട്രിക് വീൽചെയറുകളുടെ വിതരണം സംഘടിപ്പിച്ചു. ബ്ലോക്ക് പഞ്ചായത്ത് അങ്കണത്തിൽ സംഘടിപ്പിച്ച ചടങ്ങില് പ്രസിഡന്റ് ഓമന മുരളി ഉദ്ഘാടനം നിർവഹിച്ചു.
ബ്ലോക്ക് പഞ്ചായത്ത് വികസനകാര്യ സ്ഥിരംസമിതി അധ്യക്ഷയായ മായാകുമാരി അധ്യക്ഷത വഹിച്ച യോഗത്തിൽ ക്ഷേമകാര്യ ക്ഷേമകാര്യ സ്ഥിരം സമിതി അധ്യക്ഷ ലേഖ ഗോപാലകൃഷ്ണൻ, ആരോഗ്യ-വിദ്യാഭ്യാസ സ്ഥിരംസമിതിഅധ്യക്ഷന് എൻ .കോമളകുമാർ, ബ്ലോക്ക് പഞ്ചായത്ത് അംഗങ്ങളായ എ .സക്കീർ ഹുസൈൻ,റീനഷാജഹാൻ, കീർത്തി പ്രശാന്ത് ഉദ്യോഗസ്ഥരായ ആദർശ്, ശ്രീജ ജഗദംബ, ഹരിലാൽ, രേഖ എന്നിവർ പ്രസംഗിച്ചു. പത്തുലക്ഷം രൂപ ചിലവഴിച്ചാണ് പദ്ധതി നടപ്പിലാക്കിയത്.