വ​ന​പാ​ത​ക​ളി​ൽ ജാ​ഗ്ര​ത പാ​ലി​ക്ക​ണ​മെ​ന്ന് വ​നം​വ​കു​പ്പ്
Sunday, April 7, 2024 6:21 AM IST
കാ​സ​ർ​ഗോ​ഡ്: ജി​ല്ല​യി​ൽ വ​ന​മേ​ഖ​ല​യി​ലൂ​ടെ ക​ട​ന്നു​പോ​കു​ന്ന റോ​ഡു​ക​ളി​ൽ വ​ന്യ​മൃ​ഗ​ങ്ങ​ളു​ടെ സാ​ന്നി​ധ്യം പ​തി​വാ​യ സാ​ഹ​ച​ര്യ​ത്തി​ൽ രാ​ത്രി​കാ​ല യാ​ത്ര​ക​ളി​ൽ ജാ​ഗ്ര​ത പാ​ലി​ക്ക​ണ​മെ​ന്ന് വ​നം​വ​കു​പ്പ്.

വ​ന​മേ​ഖ​ല​യി​ലെ റോ​ഡു​ക​ളി​ൽ 30 കി​ലോ​മീ​റ്റ​ർ വേ​ഗ നി​യ​ന്ത്ര​ണം പാ​ലി​ക്ക​ണ​മെ​ന്നും അ​ടി​യ​ന്ത​ര സാ​ഹ​ച​ര്യ​ത്തി​ൽ വ​നം​വ​കു​പ്പ് റാ​പ്പി​ഡ് റെ​സ്പോ​ൺ​സ് ടീ​മി​നെ (ആ​ർ​ആ​ർ​ടി) ബ​ന്ധ​പ്പെ​ട​ണ​മെ​ന്നു​മാ​ണ് നി​ർ​ദേ​ശം. 85476 02583 എ​ന്ന ന​മ്പ​റി​ൽ ആ​ർ​ആ​ർ​ടി​യെ ല​ഭ്യ​മാ​കും.

പാ​ണ​ത്തൂ​ർ ക​ല്ല​പ്പ​ള്ളി, മ​രു​തോം​ത​ട്ട്, ചെ​ർ​ക്ക​ള-​ജാ​ൽ​സൂ​ർ അ​ന്ത​ർ​സം​സ്ഥാ​ന പാ​ത​യി​ൽ കൊ​ട്ടി​യാ​ടി മു​ത​ൽ പ​ഞ്ചി​ക്ക​ൽ വ​രെ​യു​ള്ള ഭാ​ഗം, ദേ​ലം​പാ​ടി, പ​ള്ള​ഞ്ചി, പാ​ണ്ടി, അ​ഡൂ​ർ, പു​ലി​പ്പ​റ​മ്പ്, ക​ടു​മ​ന, എ​രി​ഞ്ഞി​പ്പു​ഴ തു​ട​ങ്ങി​യ ഭാ​ഗ​ങ്ങ​ളി​ലാ​ണ് ജി​ല്ല​യി​ൽ വ​ന​മേ​ഖ​ല​യി​ലൂ​ടെ റോ​ഡു​ക​ൾ ക​ട​ന്നു​പോ​കു​ന്ന​ത്. ഇ​തി​ൽ കാ​സ​ർ​ഗോ​ഡ്, മ​ഞ്ചേ​ശ്വ​രം താ​ലൂ​ക്കു​ക​ളി​ലെ പ​ല പ്ര​ദേ​ശ​ങ്ങ​ളി​ലും ആ​ന​യേ​യും കാ​ട്ടു​പോ​ത്തി​നേ​യും റോ​ഡി​ൽ കാ​ണു​ന്ന​ത് നി​ത്യ​സം​ഭ​വ​മാ​ണ്.

കാ​ട്ടാ​ന റോ​ഡ് മു​റി​ച്ചു​ക​ട​ക്കു​ന്ന​തി​ന്‍റെ വീ​ഡി​യോ ക​ഴി​ഞ്ഞ​ദി​വ​സം ഒ​രു യാ​ത്ര​ക്കാ​ര​ൻ പ​ക​ർ​ത്തി പ്ര​ച​രി​പ്പി​ച്ചി​രു​ന്നു. വ​ന​മേ​ഖ​ല​യി​ൽ വ​ച്ചാ​ണെ​ങ്കി​ൽ വ​ന്യ​മൃ​ഗ​ങ്ങ​ളെ പ്ര​കോ​പി​പ്പി​ക്കാ​തെ അ​വ​യു​ടെ വ​ഴി​ക്ക് വി​ട​ണ​മെ​ന്നും ജ​ന​വാ​സ​മേ​ഖ​ല​യാ​ണെ​ങ്കി​ൽ ഉ​ട​ൻ​ത​ന്നെ ആ​ർ​ആ​ർ​ടി​യെ വി​വ​ര​മ​റി​യി​ക്ക​ണ​മെ​ന്നു​മാ​ണ് വ​നം​വ​കു​പ്പി​ന്‍റെ നി​ർ​ദേ​ശം. കാ​ട്ടി​ലും ജ​ല​ക്ഷാ​മം അ​നു​ഭ​വ​പ്പെ​ടു​ന്ന​താ​ണ് വ​ന്യ​മൃ​ഗ​ങ്ങ​ളു​ടെ സ​ഞ്ചാ​രം കൂ​ടാ​ൻ കാ​ര​ണ​മെ​ന്നാ​ണ് വ​നം​വ​കു​പ്പി​ന്‍റെ നി​രീ​ക്ഷ​ണം.

ക​ർ​ണാ​ട​ക വ​നാ​തി​ർ​ത്തി​യോ​ട് ചേ​ർ​ന്നു​കി​ട​ക്കു​ന്ന ക​ല്ല​പ്പ​ള്ളി മാ​മ്പ​ള്ള​ത്ത് പു​ലി​യു​ടെ സാ​ന്നി​ധ്യം സം​ശ​യി​ക്കു​ന്ന​തി​നാ​ൽ വ​നം​വ​കു​പ്പ് കാ​മ​റ സ്ഥാ​പി​ച്ചി​ട്ടു​ണ്ട്. ഇ​ത് ക​ർ​ണാ​ട​ക വ​ന​വും പ്ലാ​ന്‍റേ​ഷ​ൻ കോ​ർ​പ​റേ​ഷ​ന്‍റെ തോ​ട്ട​വും അ​തി​രി​ടു​ന്ന പ്ര​ദേ​ശ​മാ​ണ്. ക​ഴി​ഞ്ഞ​ദി​വ​സം സ​ന്ധ്യ​യോ​ടെ ഇ​വി​ടെ ഒ​രു വീ​ട്ടി​ലെ വ​ള​ർ​ത്തു​നാ​യ​യെ ആ​ക്ര​മി​ച്ച് കൊ​ന്ന​ത് പു​ലി ത​ന്നെ​യാ​ണെ​ന്ന് നേ​രി​ട്ടു ക​ണ്ട​താ​യി വീ​ട്ടു​കാ​ർ പ​റ​യു​ന്നു.


അ​ടു​ത്ത വീ​ട്ടി​ലെ നാ​യ​യേ​യും ദി​വ​സ​ങ്ങ​ൾ​ക്കു മു​മ്പ് അ​ജ്ഞാ​ത​ജീ​വി ആ​ക്ര​മി​ച്ചി​രു​ന്നു. അ​തി​ർ​ത്തി​ഗ്രാ​മ​ങ്ങ​ളാ​യ ക​ല്ല​പ്പ​ള്ളി, ദൊ​ഡ്ഡെ​മ​ന, പ​രി​യാ​രം പ്ര​ദേ​ശ​ങ്ങ​ളി​ൽ ഒ​രു മാ​സ​ത്തി​ലേ​റെ​യാ​യി പു​ലി​യു​ടെ സാ​ന്നി​ധ്യ​മു​ണ്ടെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.


പു​ലി​പ്പേ​ടി മാ​റാ​തെ ക​ല്ല​പ്പ​ള്ളി

രാ​ജ​പു​രം: പാ​ണ​ത്തൂ​ര്‍ ക​ല്ല​പ്പ​ള്ളി​യി​ല്‍ ക​ഴി​ഞ്ഞ​ദി​വ​സം നാ​ട്ടു​കാ​ർ ക​ണ്ട പു​ലി​യെ ഇ​നി​യും വ​നം​വ​കു​പ്പി​ന് ക​ണ്ടെ​ത്താ​നാ​യി​ല്ല. ദി​വ​സ​ങ്ങ​ളാ​യി വ​നം വ​കു​പ്പ് തെ​ര​ച്ചി​ൽ ന​ട​ത്തു​ന്നു​ണ്ടെ​ങ്കി​ലും നാ​ട്ടു​കാ​രു​ടെ ഭീ​തി അ​ക​റ്റാ​ൻ ഇ​തു​വ​രെ ക​ഴി​ഞ്ഞി​ട്ടി​ല്ല. ക​ല്ല​പ്പ​ള്ളി മാ​മ്പ​ള​ത്തെ എ​ന്‍.​കെ. ജ​യ​കു​മാ​റി​ന്‍റെ ഭാ​ര്യ വി​ജ​യ​കു​മാ​രി​യാ​ണ് ത​ന്‍റെ വ​ള​ർ​ത്തു​നാ​യ​യെ പു​ലി ക​ടി​ച്ച് കൊ​ല്ലു​ന്ന​ത് നേ​രി​ട്ടു​ക​ണ്ട​ത്.

പ്ര​ദേ​ശ​വാ​സി​യാ​യ ദാ​സ​ന്‍ എ​ന്ന​യാ​ളു​ടെ വീ​ട്ടി​ലെ നാ​യ​യെ​യും ക​ഴി​ഞ്ഞ മാ​സം അ​ജ്ഞാ​ത ജീ​വി ആ​ക്ര​മി​ച്ചി​രു​ന്നു. അ​ന്ന് വീ​ട്ടു​കാ​ര്‍ ബ​ഹ​ളം വ​ച്ച​തോ​ടെ നാ​യ​യെ ഉ​പേ​ക്ഷി​ച്ച് ക​ട​ന്നു​ക​ള​ഞ്ഞ​തി​നാ​ല്‍ ജീ​വി​യെ ആ​രും ക​ണ്ടി​രു​ന്നി​ല്ല. ഇ​തേ പു​ലി ത​ന്നെ​യാ​കാം അ​ന്നും വ​ന്ന​തെ​ന്നാ​ണ് നാ​ട്ടു​കാ​രു​ടെ സം​ശ​യം.

ക​ഴി​ഞ്ഞ ദി​വ​സം പു​ലി​യെ നേ​രി​ട്ട് ക​ണ്ട​തി​നു പി​ന്നാ​ലെ വ​നം​വ​കു​പ്പ് സ്ഥ​ല​ത്ത് ക്യാ​മ​റ സ്ഥാ​പി​ച്ചി​ട്ടു​ണ്ട്. ഇ​തു​വ​രെ​യും പു​ലി​യു​ടെ ദൃ​ശ്യ​ങ്ങ​ളൊ​ന്നും പ​തി​ഞ്ഞി​ട്ടി​ല്ലെ​ങ്കി​ലും പ്ര​ദേ​ശ​വാ​സി​ക​ൾ​ക്ക് ജാ​ഗ്ര​താ നി​ർ​ദേ​ശം ന​ല്കി​യി​ട്ടു​ണ്ട്.

Copyright @ 2022 , Rashtra Deepika Ltd.