കൃ​ഷി​വ​കു​പ്പി​ന്‍റെ വാ​ഹ​ന​ങ്ങ​ൾ തു​രു​ന്പെ​ടു​ത്തു ന​ശി​ക്കു​ന്നു
Wednesday, September 18, 2024 5:25 AM IST
സു​ൽ​ത്താ​ൻ ബ​ത്തേ​രി: അ​മ്മാ​യി​പ്പാ​ലം കാ​ർ​ഷി​ക ഗ്രാ​മീ​ണ മൊ​ത്ത വി​ത​ര​ണ കേ​ന്ദ്ര​ത്തി​ൽ വാ​ഹ​ന​ങ്ങ​ൾ തു​രു​ന്പെ​ടു​ത്തു ന​ശി​ക്കു​ന്നു. ക​ർ​ഷ​ക​രി​ൽ​നി​ന്നു സം​ഭ​രി​ക്കു​ന്ന ഉ​ത്പ​ന്ന​ങ്ങ​ൾ ഇ​ത​ര ജി​ല്ല​ക​ളി​ൽ എ​ത്തി​ക്കു​ന്ന​തി​നു ഉ​പ​യോ​ഗ​പ്പെ​ടു​ത്തി​യി​രു​ന്ന ശീ​തീ​ക​ര​ണ സം​വി​ധാ​ന​ങ്ങ​ളു​ള്ള ര​ണ്ട് ടെ​ന്പോ​ക​ളും ഉ​ദ്യോ​ഗ​സ്ഥ​രു​ടെ യാ​ത്ര​യ്ക്കു വാ​ങ്ങി​യ ക്വാ​ളി​സ് കാ​റു​മാ​ണ് ന​ശി​ക്കു​ന്ന​ത്. മൊ​ത്ത വി​ത​ര​ണ കേ​ന്ദ്ര​ത്തി​ന്‍റെ പ്ര​വ​ർ​ത്ത​നം മ​ന്ദീ​ഭ​വി​ച്ച​താ​ണ് വാ​ഹ​ന​ങ്ങ​ളു​ടെ ദു​ര​വ​സ്ഥ​യ്ക്കു ഇ​ട​യാ​ക്കി​യ​ത്.

ഫ്രീ​സ​ർ സൗ​ക​ര്യ​മു​ള്ള ടെ​ന്പോ​ക​ളി​ൽ ഒ​ന്ന് പ്രാ​ദേ​ശി​ക​മാ​യി വാ​ങ്ങി​യ​താ​ണ്. കാ​സ​ർ​ഗോ​ഡ് ജി​ല്ല​യി​ൽ​നി​ന്നു എ​ത്തി​ച്ച​താ​ണ് ര​ണ്ടാ​മ​ത്തേ​ത്. ര​ണ്ടു​വാ​ഹ​ന​ങ്ങ​ളും കു​റ​ച്ചു​കാ​ലം മാ​ത്ര​മാ​ണ് ഓ​ടി​യ​ത്. വാ​ഹ​ന​ങ്ങ​ൾ ന​ശി​ക്കു​ന്ന​തു​മൂ​ലം ല​ക്ഷ​ക്ക​ണ​ക്കി​നു രൂ​പ​യു​ടെ ന​ഷ്ട​മാ​ണ് സ​ർ​ക്കാ​രി​നു​ണ്ടാ​കു​ന്ന​ത്. ടെ​ന്പോ​ക​ളി​ൽ ഒ​ന്നി​ന്‍റെ ബാ​റ്റ​റി കാ​ണാ​താ​യി​ട്ടു​ണ്ട്.


ക​ർ​ഷ​ക​ർ​ക്ക് ഏ​റെ പ്ര​തീ​ക്ഷ​യേ​കി​യാ​ണ് വി​പ​ണി ആ​രം​ഭി​ച്ച​ത്. കൃ​ഷി വ​കു​പ്പ് സം​ഭ​രി​ക്കു​ന്ന കാ​ർ​ഷി​ക വി​ള​ക​ൾ​ക്ക് നി​യ​ന്ത്ര​ണം ഏ​ർ​പ്പെ​ടു​ത്തി​യ​തും പൊ​തു വി​പ​ണി​യി​ലെ വി​ല​യി​ലു​ണ്ടാ​യ ഏ​റ്റ​ക്കു​റ​ച്ചി​ലു​മാ​ണ് മൊ​ത്ത വി​ത​ര​ണ കേ​ന്ദ്ര​ത്തി​ന്‍റെ പ്ര​വ​ർ​ത്ത​ന​ത്തെ ബാ​ധി​ച്ച​ത്. വ​ർ​ഷ​ങ്ങ​ൾ മു​ൻ​പ് കൃ​ഷി മ​ന്ത്രി അ​മ്മാ​യി​പ്പാ​ലം സ​ന്ദ​ർ​ശി​ച്ച​പ്പോ​ൾ വി​പ​ണി​യു​ടെ​യും വാ​ഹ​ന​ങ്ങ​ളു​ടെ​യും സ്ഥി​തി ശ്ര​ദ്ധ​യി​ൽ​പ്പെ​ടു​ത്തി​യി​രു​ന്നു. മ​ന്ത്രി ഉ​ദ്യോ​ഗ​സ്ഥ​രോ​ട് റി​പ്പോ​ർ​ട്ട് ആ​വ​ശ്യ​പ്പെ​ട്ടെ​ങ്കി​ലും തു​ട​ർ​ന​ട​പ​ടി ഉ​ണ്ടാ​യി​ല്ല.