കട്ടിപ്പാറ നസ്‌റത്ത് യുപിഎസ് വിദ്യാര്‍ഥികളെ അനുമോദിച്ചു
1466568
Tuesday, November 5, 2024 1:16 AM IST
താമരശേരി: താമരശേരി ഉപജില്ല കലാമേളയില്‍ യുപി വിഭാഗത്തില്‍ 76 പോയിന്‍റ് നേടി രണ്ടാം സ്ഥാനം നേടിയ കട്ടിപ്പാറ നസ്‌റത്ത് യുപി സ്‌കൂള്‍ വിദ്യാര്‍ഥികളെ അനുമോദിച്ചു. സ്‌കൂളില്‍ ചേര്‍ന്ന അനുമോദന സംഗമം കട്ടിപ്പാറ പഞ്ചായത്ത് പ്രസിഡന്‍റ് പ്രേംജി ജെയിംസ് ഉദ്ഘാടനം ചെയ്തു.
സ്‌കൂള്‍ മാനേജര്‍ ഫാ. മില്‍ട്ടന്‍ മുളങ്ങാശേരി അധ്യക്ഷത വഹിച്ചു. കട്ടിപ്പാറ പഞ്ചായത്ത് വിദ്യാഭ്യാസ സ്റ്റാന്‍ഡിംഗ് കമ്മിറ്റി ചെയര്‍മാന്‍ അശ്‌റഫ് പൂലോട്, പിടിഎ പ്രസിഡന്‍റ് വി.പി. ഷമീര്‍, എംപിടിഎ പ്രസിഡന്‍റ് ഷിന്‍സി വിനു, സീനീയര്‍ അസിസ്റ്റന്‍റ് സി.പി. സാജിദ്, സ്‌കൂള്‍ ലീഡര്‍ ഷെഹ്‌സ കാത്തൂന്‍, ഹെഡ്മാസ്റ്റര്‍ ജിജോ തോമസ്, കലാവിഭാഗം കണ്‍വീനര്‍ കെ.ജി. ഷിബു തുടങ്ങിയവര്‍ പ്രസംഗിച്ചു.
കട്ടിപ്പാറയില്‍ ആഹ്ലാദപ്രകടനം നടത്തി. കെ.യു. തോമസ്, സി.എസ്. ധന്യ, കെ.എം. എലിസബത്ത്, സൗമ്യ ജോസഫ്, മഞ്ജു മാത്യൂ, സിസ്റ്റര്‍ സെബി, ഡയാന ജോസഫ്, ജിയ ജോസഫ്, ലിബിന്‍ മാത്യു എന്നിവര്‍ നേതൃത്വം നല്‍കി.