നാദാപുരം- കല്ലാച്ചി റോഡിലെ കുഴി: കോണ്‍ഗ്രസ് പ്രവര്‍ത്തകര്‍ റോഡ് ഉപരോധിച്ചു
1466566
Tuesday, November 5, 2024 1:16 AM IST
നാദാപുരം: നാദാപുരം -കല്ലാച്ചി സംസ്ഥാന പാതയിലെ കുഴികള്‍ അടക്കണമെന്നും ഗതാഗത പ്രശ്‌നം പരിഹരിക്കണമെന്നും ആവശ്യപ്പെട്ട് കോണ്‍ഗ്രസ് സമരം നടത്തി. നാദാപുരം ടൗണിലേയും കല്ലാച്ചിയിലേയും കുഴികളില്‍ വീണ് ആളുകള്‍ക്ക് പരുക്ക് പറ്റുന്ന സാഹചര്യത്തിലായിരുന്നു സമരം. കല്ലാച്ചിയില്‍നിന്നും പ്രകടനമായി വന്ന പ്രവര്‍ത്തകര്‍ കസ്തൂരിക്കുളത്തെ റോഡിലെ വലിയ കുഴിയില്‍ വാഴ നട്ടു.
പ്രതിഷേധ പരിപാടിയില്‍ മണ്ഡലം പ്രസിഡന്‍റ് വി.വി. റിനീഷ് അധ്യക്ഷത വഹിച്ചു.
ബ്ലോക്ക് കോണ്‍ഗ്രസ് പ്രസിഡന്‍റ് മോഹനന്‍ പാറക്കടവ് ഉദ്ഘാടനം ചെയ്തു. കെ.എം. രഘുനാഥ്, എ.സജീവന്‍, പി.കെ. ദാമു, ടി.രവീന്ദ്രന്‍ തുടങ്ങിയവര്‍ പ്രസംഗിച്ചു.
എരഞ്ഞിക്കല്‍ വാസു, കെ.പ്രേംദാസ്, കോടിക്കണ്ടി മൊയ്തു, അഖില മര്യാട്ട്, കെ. പ്രേമന്‍, എ.വി.മുരളീധരന്‍, ഉമേഷ് പെരുവങ്കര, ഒ.പി. ഭാസ്‌കര്‍, പി.വി. ചാത്തു, റീന കിണേമ്പ്രമ്മല്‍, ബീന അണിയാരീമ്മല്‍, എം.കെ. വിജേഷ് തുടങ്ങിയവര്‍ നേതൃത്വം നല്‍കി.