നെടുമങ്ങാട്: യുവാക്കളുടെ പങ്കാളിത്തം ഉറപ്പ് വരുത്തി ആറ്റിങ്ങലിൽ സംഘടിപ്പിച്ച യൂത്ത് കോൺക്ലേവ് എം. വിൻസന്‍റ് എംഎൽഎ ഉദ്ഘാടനം ചെയ്തു. രാജ്യത്തെ യുവാക്കൾ അനുഭവിക്കുന്ന തൊഴിലില്ലായ്മയും, കേരളത്തിലെ യുവാക്കൾ അനുഭവിക്കുന്ന പ്രശ്നങ്ങളും കോൺക്ലേവിൽ ചർച്ച ചെയ്തു.
അഞ്ചുവർഷം കൊണ്ട് രാജ്യത്ത് 40 ലക്ഷം തൊഴിലവസരങ്ങൾ സൃഷ്ടിക്കുമെന്നു വാഗ്ദാനം നൽകി അധികാരത്തിൽവന്ന നരേന്ദ്രമോദി സർക്കാർ പത്തുവർഷം പിന്നിടുമ്പോൾ ലോകത്തിലെ തന്നെ ഏറ്റവും വലിയ തൊഴിലില്ലായ്മ രൂക്ഷമായ രാജ്യമായി ഇന്ത്യയെ മാറ്റിയെന്നും നരേന്ദ്രമോദി സർക്കാരിന്‍റെ പാത പിന്തുടർന്ന് കേരളത്തിൽ പിണറായി വിജയന്‍റെ നേതൃത്വത്തിലുള്ള ഗവൺമെന്‍റ് തൊഴിലവസരങ്ങൾ അട്ടിമറിക്കുന്നു‌വെ ന്നും എം. വിൻസന്‍റ് എംഎൽഎ പറഞ്ഞു.
യൂത്ത് കോൺഗ്രസ് ജില്ലാ പ്രസിഡന്‍റ് നേമം ഷജീർ അധ്യക്ഷനായി. ആറ്റിങ്ങൽ പാർലമെന്‍റ് യുഡിഎഫ് സ്ഥാനാർഥി അടൂർ പ്രകാശ്, യൂത്ത് കോൺഗ്രസ് സംസ്ഥാന ഭാരവാഹികളായ ഗിരി കൃഷ്ണൻ, സജിത്ത് മുട്ടപ്പലം,
സുബിജ സുരേഷ് അനീഷ് കാട്ടാക്കട, നിഹാൽ, രാഹുൽ, ഫൈസൽ, പ്രമോദ് നെയ്യാറ്റിൻകര, രജിത് രവീന്ദ്രൻ, ജിഹാദ് കല്ലമ്പലം, അമി തിലക്, അഭിജിത് കുറ്റിയാണി, ജില്ലാ ഭാരവാഹികളായ അജീഷ് നാഥ്, റിങ്കു പടിപ്പുരയിൽ എന്നിവർ സംവദിച്ചു.