വെള്ളറട: ആന്ധ്രപ്രദേശില്‍ നിന്നും കടത്തിക്കൊണ്ടുവന്ന 50 കിലോ കഞ്ചാവുമായി രണ്ട് യുവാക്കൾ വെള്ളറട പോലീസ് പരിധിയില്‍ പിടിയിലായി.
കുലശേഖരം വട്ടിയൂര്‍ക്കാവില്‍ ആശാ നിവാസില്‍ കൊള്ളിയാന്‍ എന്ന ഹരിശങ്കര്‍ (31), വട്ടിയൂര്‍ക്കാവ് കുലശേഖരം ശിവശക്തിയില്‍ ശിവകുമാര്‍ (29) എന്നിവരാണ് പിടിയിലായത്.
ആറാട്ടുകുഴില്‍ സ്ഥാപിച്ചിട്ടുള്ള ചെക്ക് പോസ്റ്റിൽ വാഹന പരിശോധനയ്ക്കിടെയാണ് കഞ്ചാവ് ശേഖരം പോലീസ് കണ്ടെത്തിയത്. ഇലക്‌ഷന്‍ തീയതി പ്രഖ്യാ പിച്ചശേക്ഷമാണ ്‌ചെക്ക് പോസ്റ്റ് സ്ഥാപിച്ചത്. ആന്‍റി നെക്കോട്ടിക് സെല്ലും വെള്ളറട പോലീസും സംയുക്തമായി നടത്തിയ റെയ് ഡിലാണ് സംഘം വലയിലായത്.
ആന്ധ്രയില്‍നിന്നും വെള്ളറട വഴി തിരുവനന്തപുരത്ത് കഞ്ചാവെത്തിച്ചുകൊടുത്താല്‍ 50,000 രൂപ ലഭിക്കുമെന്നു പിടിയിലായവർ പോലീസിനോടു സമ്മതിച്ചു. 23 പാക്കറ്റുകളിലാക്കിയാണ് കഞ്ചാവ് കാറിൽ ഒളിപ്പിച്ചിരുന്നത്.
നർക്കോട്ടിക് ഡിവൈഎസ്പി അബ്ദുല്‍ വഹാബ്, സര്‍ക്കിള്‍ ഇന്‍സ്‌പെക്ടര്‍ ബാബു കുറുപ്പ്, എസ്ഐ മാരായ സുജിത്ത് ജി. നായര്‍, ഷിബു, ദിലീപ്, ഷിബു കുമാര്‍, ശശികുമാര്‍, സിവില്‍ പോലീസ് ഉദ്യോഗസ്ഥരായ ദീപു, ജയദാസ്, പ്രദീപ്, സജു, ഉമേഷ,് ബാബു,
അനീഷ്, അരുണ്‍ അടങ്ങുന്ന സംഘമാണ് കഞ്ചാവ് മാഫിയ സംഘത്തെ പിടികൂടിയത്. നെയ്യാറ്റിന്‍കര തഹസില്‍ദാര്‍ ശ്രീലേഖയുടെ സാന്നിധ്യത്തില്‍ കഞ്ചാവ് ശേഖരം അളന്നു തിട്ടപ്പെടുത്തി നടപടിക്രമങ്ങള്‍ പൂര്‍ത്തിയാക്കി.