റ​വ​ന്യു ജി​ല്ലാ ക​ലോ​ത്സ​വം സ്വാ​ഗ​ത സം​ഘം യോ​ഗം അ​ല​ങ്കോ​ല​മാ​യ സം​ഭ​വ​ം: അ​ധ്യാ​പകർക്കെ​തിരേ പ്ര​മേ​യം പാ​സാ​ക്കി
Saturday, November 9, 2024 5:04 AM IST
കായം​കു​ളം: റ​വ​ന്യു ജി​ല്ലാ സ്‌​കൂ​ൾ ക​ലോ​ത്സ​വ​ത്തി​ന്‍റെ സ്വാ​ഗ​ത സം​ഘം രൂ​പീ​ക​ര​ണ യോ​ഗം ക​ഴി​ഞ്ഞദി​വ​സം അ​ല​ങ്കോ​ല​മാ​യ സം​ഭ​വ​ത്തി​ൽ അ​ധ്യാ​പകർക്കെ​തി​രേ ന​ട​പ​ടി ആ​വ​ശ്യ​പ്പെ​ട്ട് ന​ഗ​ര​സ​ഭ പ്ര​മേ​യം പാ​സാ​ക്കി.

സിപിഐ ​അ​നു​കൂ​ല അ​ധ്യാ​പ​ക സം​ഘ​ട​ന എകെഎ​സ്ടിയു​വി​ന്‍റെ ഭാ​ര​വാ​ഹി​യും കാ​യം​കു​ളം ഗ​വ​. ഗേ​ൾ​സ് സ്കൂ​ളി​ലെ അ​ധ്യാ​പി​ക​യു​മാ​യ ബീ​ന ഉ​ൾ​പ്പെ ടെ​യു​ള്ള അ​ധ്യാ​പ​ക​ർ​ക്കെ​തി​രേ യാ​ണ് വ​കു​പ്പുത​ല ന​ട​പ​ടി ആ​വ​ശ്യ​പ്പെ​ട്ട് ന​ഗ​ര​സ​ഭ പ്ര​മേ​യം പാ​സാ​ക്കി​യ​ത്.

സിപിഎം കൗ​ൺ​സി​ല​ർ​മാ​രാ​യ സി.​എ. അ​ഖി​ൽ​കു​മാ​ർ അ​വ​താ​ര​ക​നും ഷെ​മി​മോ​ൾ അ​നു​വാ​ദ​ക​യു​മാ​യി​ട്ടാ​ണ് പ്ര​മേ​യം അ​വ​ത​രി​പ്പി​ച്ച​ത്.​ പ്ര​തി​പ​ക്ഷ യുഡിഎ​ഫ് അം​ഗ​ങ്ങ​ളാ​യ ര​ണ്ടു​പേ​ർ പ്ര​മേ​യ​ത്തെ അ​നു​കൂ​ലി​ക്കാ​തെ വി​ട്ടുനി​ന്നു. കോ​ൺ​ഗ്ര​സ് കൗ​ൺ​സി​ല​ർ എ.പി. ഷാ​ജ​ഹാ​ൻ, ലീ​ഗ് കൗ​ൺ​സി​ല​ർ ന​വാ​സ് മു​ണ്ട​ക​ത്തി​ൽ എ​ന്നി​വ​രാ​ണ് വി​ട്ടുനി​ന്ന​ത്.

സ്വാ​ഗ​ത സം​ഘ രൂ​പീ​ക​ര​ണ​യോ​ഗം അ​ധ്യാ​പി​ക ബീ​ന ഉ​ൾ​പ്പെ​ടെ​യു​ള്ള അ​ധ്യാ​പ​ക​ർ ബോ​ധ​പൂ​ർ​വം അ​ല​ങ്കോ​ല​പ്പെ​ടു​ത്തി​യെ​ന്നാ​ണ് പ്ര​മേ​യം.
Copyright @ 2018 , Rashtra Deepika Ltd.