കൊല്ലം: ഓൾ കേരള ഫോട്ടോഗ്രാഫേഴ്സ് അസോസിയേഷൻ 40 -ാം മത് ജില്ലാ സമ്മേളനം ഇളമ്പള്ളൂർ പഞ്ചായത്ത് കമ്യൂണിറ്റി ഹാളിൽ നടന്നു. സമ്മേളനം എഴുത്തുകാരി പ്രിയ ഷൈൻ ഉദ്ഘാടനംചെയ്തു. ജില്ലാ പ്രസിഡന്‍റ് പി. മണിലാൽ അധ്യക്ഷത വഹിച്ചു. സംസ്ഥാന പ്രസിഡന്‍റ് എ.സി. ജോൺസൺ മുഖ്യപ്രഭാക്ഷണം നടത്തി.
സംസ്ഥാന സെക്രട്ടറി ബിനോയി കള്ളാട്ട്കുഴി വിദ്യാഭ്യാസ അവാർഡ് വിതരണം നടത്തി. സംസ്ഥാന വെൽഫയർ ഫണ്ട് ജനറൽ കൺവീനർ സുരേന്ദ്രൻ വള്ളിക്കാവ്, സംസ്ഥാന കമ്മിറ്റി അംഗങ്ങളായ എം. വിജയൻ , അനിൽ എവൺ, ജോയി ഉമ്മന്നൂർ, ജില്ല വെൽഫയർ ട്രസ്റ്റ് ചെയർമാൻ രാജശേഖരൻ നായർ, പ്രിമോസ് ബെൻ യേശുദാസ്, മുരളി അനുപമ, ജിജോ പരവൂർ, സജീവ് തഴുത്തല, ബെൻസിലാൽ, അനിൽ വേളമാനൂർ, നിഷാ നിർമാല്യം, ചന്ദ്രബാബു, സന്തോഷ് ആരാമം, കവിത അശോക്, സജീഷ് സോമൻ, നവാസ് തുടങ്ങിയവർ പ്രസംഗിച്ചു.
പ്രതിനിധി സമ്മേളനം സംസ്ഥാന പ്രസിഡന്‍റ് എ.സി. ജോൺസൺ ഉദ്ഘാടനം ചെയ്തു. ജില്ലാ പ്രസിഡന്‍റ് പി. മണിലാൽ അധ്യക്ഷത വഹിച്ചു. സംസ്ഥാന സെക്രട്ടറി ബിനോയി കള്ളാട്ട്കുഴി സംഘടനാ റിപ്പോർട്ട് അവതരിപ്പിച്ചു. ജില്ലാ സെക്രട്ടറി വിൽസൺ ആന്‍റണി, ജില്ലാ ട്രഷറർ അരുൺ പനയ്ക്കൽ എന്നിവർ കണക്ക് അവതരിപ്പിച്ചു.
ഭാരവാഹികളായി. പ്രസിഡന്‍റ് - മുരളി അനുപമ, വൈസ് പ്രസിഡന്‍റ്- ചന്ദ്രബാബു, ബെൻസിലാൽ , സെക്രട്ടറി. ജിജോ പരവൂർ, ജോയിന്‍റ് സെക്രട്ടറി, കവിത അശോക്, സജീഷ് സോമൻ, ട്രഷറർ - നവാസ് കുണ്ടറ.