പോയിന്റ് നിലയിൽ രണ്ടാമതുള്ള ഓസ്ട്രേലിയയ്ക്ക് ഇന്ത്യക്കെതിരേയുള്ള ടെസ്റ്റ് പരന്പരയ്ക്കുശേഷം ജനുവരിയിൽ ശ്രീലങ്കയ്ക്കെതിരേ രണ്ടു മത്സരങ്ങളുടെ പരന്പരയുണ്ട്. ഫൈനൽ ഉറപ്പാക്കാൻ ഇന്ത്യക്കെതിതരേയുള്ള പരന്പര ഓസീസിന് നിർണായകമാണ്.
ശ്രീലങ്ക - ന്യൂസിലൻഡ് ടെസ്റ്റ് പരന്പരയിലെ രണ്ടാമത്തെയും അവസാനത്തെയും മത്സരം 26ന് ആരംഭിക്കും. ഡിസംബറിൽ ശ്രീലങ്കയുടെ ദക്ഷിണാഫ്രിക്കൻ പര്യടനത്തിൽ രണ്ടു ടെസ്റ്റ് മത്സരങ്ങളാണുള്ളത്. ജനുവരിയിൽ ഓസ്ട്രേലിയൻ ടീം ശ്രീലങ്കയിൽ രണ്ടു ടെസ്റ്റ് മത്സരങ്ങൾക്കെത്തും.
ന്യൂസിലൻഡ് ശ്രീലങ്കയ്ക്കെതിരേയുള്ള പരന്പരയ്ക്കുശേഷം ഇന്ത്യയിലെത്തും. ഇന്ത്യയിൽ മൂന്നു ടെസ്റ്റുകളാണുള്ളത്. നവംബർ ഒന്നിനാണ് ന്യൂസിലൻഡിന്റെ ഇന്ത്യൻ പര്യടനത്തിലെ അവസാന ടെസ്റ്റ് തുടങ്ങുന്നത്. നവംബറിൽത്തന്നെ ഇംഗ്ലണ്ട് ടീം മൂന്നു മത്സരങ്ങളുടെ പരന്പരയ്ക്കായി ന്യൂസിലൻഡിലെത്തും.
ഇംഗ്ലണ്ട് മൂന്നു മത്സരങ്ങളുടെ പരന്പരയ്ക്ക് ഒക്ടോബറിൽ പാക്കിസ്ഥാൻ സന്ദർശനം നടത്തും. ഇതിനുശേഷം നവംബർ മുതൽ ഡിസംബർ വരെ ന്യൂസിലൻഡ് പര്യടനവുമുണ്ട്.
ബംഗ്ലാദേശിന് ഇന്ത്യക്കെതിരേയുള്ള മത്സരത്തിനുശേഷം ദക്ഷിണാഫ്രിക്ക, വെസ്റ്റ് ഇൻഡീസ് ടീമുകൾക്കെതിരേ രണ്ടു ടെസ്റ്റുകളുടെ പരന്പരയുണ്ട്. ദക്ഷിണാഫ്രിക്കയ്ക്കുള്ളത് ബംഗ്ലാദേശ്, ശ്രീലങ്ക ടീമുകൾക്കെതിരേയുള്ള മത്സരങ്ങളാണ്.
പാക്കിസ്ഥാന് ഇംഗ്ലണ്ട്, ദക്ഷിണാഫ്രിക്ക, വെസ്റ്റ് ഇൻഡീസ് ടീമുകൾക്കെതിരേയുള്ള മത്സരങ്ങളാണ്. അവസാന സ്ഥാനക്കാരായ വെസ്റ്റ് ഇൻഡീസിന് ബംഗ്ലാദേശ്, പാക്കിസ്ഥാൻ ടീമുകൾക്കെതിരേയുള്ള മത്സരങ്ങളുണ്ട്.