ല​ണ്ട​ന്‍: ഇം​ഗ്ലീ​ഷ് പ്രീ​മി​യ​ര്‍ ലീ​ഗ് ഫു​ട്‌​ബോ​ളി​ല്‍ ലി​വ​ര്‍​പൂ​ളി​നു മി​ന്നും ജ​യം. എ​വേ പോ​രാ​ട്ട​ത്തി​ല്‍ ടോ​ട്ട​ന്‍​ഹാം ഹോ​ട്ട്‌​സ്പു​റി​നെ 3-6നു ​കീ​ഴ​ട​ക്കി ലി​വ​ര്‍​പൂ​ള്‍ ലീ​ഗ് ടേ​ബി​ളി​ല്‍ ഒ​ന്നാം സ്ഥാ​ന​ത്തു തു​ട​രു​ന്നു. ക്രി​സ്മ​സ് ഡേ​യി​ല്‍ ഇ​തു 21-ാം ത​വ​ണ​യാ​ണ് ലി​വ​ര്‍​പൂ​ള്‍ ഇം​ഗ്ലീ​ഷ് ടോ​പ് ഡി​വി​ഷ​ന്‍ ഫു​ട്‌​ബോ​ള്‍ ഒ​ന്നാം സ്ഥാ​നം അ​ല​ങ്ക​രി​ക്കു​ന്ന​ത്.

1963നു​ശേ​ഷം ടോ​ട്ട​ന്‍​ഹാ​മും ലി​വ​ര്‍​പൂ​ളും നേ​ര്‍​ക്കു​നേ​ര്‍ ഇ​റ​ങ്ങി​യ​തി​ല്‍ ഏ​റ്റ​വും കൂ​ടു​ത​ല്‍ ഗോ​ള്‍ പി​റ​ന്ന മ​ത്സ​ര​മാ​യി​രു​ന്നു. 1963ല്‍ 7-2​നു ടോ​ട്ട​ന്‍​ഹാ​മും 1914ല്‍ ​ഇ​തേ വ്യ​ത്യാ​സ​ത്തി​ല്‍ ലി​വ​ര്‍​പൂ​ളും ജ​യി​ച്ചി​രു​ന്നു.

ലൂ​യി​സ് ഡി​യ​സ് (23', 85'), മു​ഹ​മ്മ​ദ് സ​ല (54', 61') എ​ന്നി​വ​രു​ടെ ഇ​ര​ട്ട ഗോ​ളാ​ണ് ലി​വ​ര്‍​പൂ​ളി​ന്‍റെ സ്‌​കോ​റിം​ഗി​ലെ ആ​ക​ര്‍​ഷ​ണം. അ​ല​ക്‌​സി​സ് മ​ക് അ​ല്ലി​സ്റ്റ​ര്‍ (36'), സൊ​ബോ​സ്ലാ​യ് (45+1') എ​ന്നി​വ​രും ചെ​മ്പ​ട​യ്ക്കു​വേ​ണ്ടി ഗോ​ള്‍ സ്വ​ന്ത​മാ​ക്കി. ജ​യിം​സ് മാ​ഡി​സ​ണ്‍ (41'), കു​ലു​സെ​വി​ക്‌​സി (72'), സോ​ള​ങ്കി (83') എ​ന്നി​വ​ര്‍ ടോ​ട്ട​ന്‍​ഹാ​മി​നു വേ​ണ്ടി​യും ല​ക്ഷ്യം ക​ണ്ടു.


മ​റ്റൊ​രു മ​ത്സ​ര​ത്തി​ല്‍ ബ്രോം​വി​ച്ച് എ​വേ പോ​രാ​ട്ട​ത്തി​ല്‍ 3-0നു ​മാ​ഞ്ച​സ്റ്റ​ര്‍ യു​ണൈ​റ്റ​ഡി​നെ ത​ക​ര്‍​ത്തു. വൂ​ള്‍​വ്‌​സ് 3-0നു ​ലെ​സ്റ്റ​ര്‍ സി​റ്റി​യെ​യും കീ​ഴ​ട​ക്കി. ചെ​ല്‍​സി​യും എ​വ​ര്‍​ട്ട​ണും ഗോ​ള്‍​ര​ഹി​ത സ​മ​നി​ല​യി​ല്‍ പി​രി​ഞ്ഞു.

16 മ​ത്സ​ര​ങ്ങ​ളി​ല്‍​നി​ന്ന് 39 പോ​യി​ന്‍റു​മാ​യാ​ണ് ലി​വ​ര്‍​പൂ​ള്‍ ലീ​ഗി​ന്‍റെ ത​ല​പ്പ​ത്തു​ള്ള​ത്. ചെ​ല്‍​സി (35), ആ​ഴ്‌​സ​ണ​ല്‍ (33), നോ​ട്ടി​ങാം (31) ടീ​മു​ക​ളാ​ണ് തു​ട​ര്‍​ന്നു​ള്ള സ്ഥാ​ന​ങ്ങ​ളി​ല്‍.