ലെ​വ​ർ​കൂ​സ​ൻ: ബു​ണ്ട​സ് ലി​ഗ​യി​ൽ തോ​ൽ​വി അ​റി​യാ​തെ​യു​ള്ള 35 മ​ത്സ​ര​ങ്ങ​ൾ​ക്കു​ശേ​ഷം നി​ല​വി​ലെ ചാ​ന്പ്യന്മാ​രാ​യ ബെ​യ​ർ ലെ​വ​ർ​കൂ​സ​ൻ തോ​റ്റു. സ്വ​ന്തം ക​ള​ത്തി​ൽ ലൈ​പ്സി​ഗി​നോ​ട് ര​ണ്ടു ഗോ​ളി​നു ലീ​ഡ് ചെ​യ്ത​ശേ​ഷം മൂ​ന്നു ഗോ​ൾ വാ​ങ്ങി​യാ​ണ് സാ​ബി അ​ലോ​ൻ​സോ​യു​ടെ ലെ​വ​ർ​കൂ​സ​ൻ പ​രാ​ജ​യ​പ്പെ​ട്ട​ത്. ലൂ​യി​സ് ഒ​പെ​ൻ​ഡ​യു​ടെ ഇ​ര​ട്ട​ഗോ​ളാ​ണ് സ​ന്ദ​ർ​ശ​ക​ർ​ക്കു ജ​യ​മൊ​രു​ക്കി​യ​ത്.

ലെ​വ​ർ​കൂ​സ​ൻ 38-ാം മി​നി​റ്റി​ൽ ജെ​ർ​മി ഫ്രിം​പോം​ഗി​ലൂ​ടെ മു​ന്നി​ലെ​ത്തി. 45-ാം മി​നി​റ്റി​ൽ അ​ല​ജാ​ൻ​ഡ്രോ ഗ്രി​മാ​ൽ​ഡോ ലെവർ കൂസന്‍റെ ലീ​ഡ് ഉ​യ​ർ​ത്തി. കെ​വി​ൻ കാം​പ​ൽ (45+7’) ലൈ​പ്സി​ഗി​നാ​യി ഒ​രു ഗോ​ൾ മ​ട​ക്കി. 57-ാം മി​നി​റ്റി​ൽ ഒ​പെ​ൻ​ഡ സ​ന്ദ​ർ​ശ​ക​ർ​ക്കു സ​മ​നി​ല ന​ൽ​കി. 80-ാം മി​നി​റ്റി​ൽ ര​ണ്ടാം ഗോ​ൾ നേ​ടി​ക്കൊ​ണ്ട് ഒ​പെ​ൻ​ഡ ലൈ​പ്സി​ഗി​ന്‍റെ വി​ജ​യം ഉ​റ​പ്പി​ച്ചു.

ബു​ണ്ട​സ് ലി​ഗ​യി​ൽ 462 ദി​വ​സ​ത്തി​നു​ശേ​ഷം ലെ​വ​ർ​കൂ​സ​നെ തോ​ല്പി​ക്കു​ന്ന ആ​ദ്യ ടീ​മാ​യി ലൈ​പ്സി​ഗ്. 2022-23 സീ​സ​ണി​ന്‍റെ അ​വ​സാ​ന ദി​നം ബൊ​ച്ചെ​മി​നോ​ട് 3-0ന് ​തോ​റ്റ​ശേ​ഷം ലെ​വ​ർ​കൂ​സ​ന്‍റെ ആ​ദ്യ തോ​ൽ​വി​യാ​ണ്. ഈ ​തോ​ൽ​വി​യോ​ടെ ഹാം​ബ​ർ​ട് 1982-83 ൽ ​സ്ഥാ​പി​ച്ച തോ​ൽ​വി ഇ​ല്ലാ​തെ​യു​ള്ള 36 മ​ത്സ​ര​ങ്ങ​ൾ​ക്കൊ​പ്പ​മെ​ത്താ​നും അ​ലോ​ൻ​സോ​യു​ടെ സം​ഘ​ത്തി​നാ​യി​ല്ല.