റയൽ പന്തടക്കത്തിൽ മുൻതൂക്കം നേടിയെങ്കിലും മുന്നേറ്റത്തിൽ ആശയക്കുഴപ്പമായി. എംബപ്പെയ്ക്കും ബെല്ലിംഗ്ങാമിനും കാര്യമായൊന്നും ചെയ്യാനായില്ല. വിനീഷ്യസിന്റെ മുന്നേറ്റമാണു മയ്യോർക്കയുടെ പ്രതിരോധത്തിൽ കുറച്ചെങ്കിലും ഭീഷണി ഉയർത്തിയത്.
മയ്യോർക്കയുടെ ആക്രമണങ്ങളെ തടഞ്ഞിട്ട റയൽ ഗോൾകീപ്പർ തിബോ കോർട്ട്വോയ്ക്ക് 53-ാം മിനിറ്റിൽ പിഴച്ചു. വെഡറ്റ് മുറിക്വിയുടെ ശക്തമായ ഹെഡർ റയലിന്റെ വല കുലുക്കി.
ലീഡ് തിരിച്ചുപിടിക്കാനുള്ള ശ്രമത്തിൽ എംബപ്പെയിൽനിന്ന് വേഗമേറിയ നീക്കങ്ങളുണ്ടായെങ്കിലും ഗോൾകീപ്പർ ഡൊമിനിക് ഗ്രീഫിനെ മറികടക്കാനായില്ല.