പോത്താനിക്കാട്: അന്ധവനിതാ പുനരധിവാസ കേന്ദ്രത്തിലെ അന്തേവാസികള്‍ക്കൊപ്പം ഓണാഘോഷത്തിന് തുടക്കമിട്ട് മാത്യു കുഴല്‍നാടന്‍ എംഎല്‍എ. ഇന്നലെ ജനപ്രതിനിധികള്‍ക്കൊപ്പമായിരുന്നു ഓണാഘോഷം. മാത്യു കുടല്‍‌നാടന്‍ എംഎല്‍എയുടെ സ്പര്‍ശം പദ്ധതിയുടെ ഭാഗമായി അന്തേവാസികള്‍ക്ക് ഓണക്കോടികള്‍ നല്‍കിയും അവര്‍ക്കൊപ്പം സദ്യയുണ്ടുമാണ് എംഎല്‍എയും സഹപ്രവര്‍ത്തകരും മടങ്ങിയത്.
പോത്താനിക്കാട് പഞ്ചായത്ത് പ്രസിഡന്‍റ് സജി കെ. വര്‍ഗീസ്, ജില്ലാ പഞ്ചായത്ത് അംഗം റാണിക്കുട്ടി ജോര്‍ജ്, പഞ്ചായത്ത് വൈസ് പ്രസിഡന്‍റ് ആശാ ജിമ്മി, സാലി ഐപ്പ്, എന്‍.എം. ജോസഫ്, ജോസ് വര്‍ഗീസ്, ജിനു മാത്യു, ഫിജിന അലി, ഡോളി സജി, ബ്ലൈന്‍ഡ് വുമണ്‍സ് വെല്‍ഫെയര്‍ ഡെവലപ്മെന്‍റ് സെന്‍റർ ചെയര്‍മാന്‍ ജിന്‍സ് ജോര്‍ജ്, കേരള ഫെഡറേഷന്‍ ഓഫ് ബ്ലൈന്‍ഡ് സംസ്ഥാന സെക്രട്ടറി പി. ജയരാജ്, ഷാജി സി. ജോണ്‍ എന്നിവര്‍ പങ്കെടുത്തു.