ക​ടു​ങ്ങ​ല്ലൂ​ർ ഗ്രാ​മപ​ഞ്ചാ​യ​ത്ത് പ​റ​വൂ​രി​ൽനി​ന്ന് ആ​ലു​വ താ​ലൂ​ക്കി​ലേ​ക്ക്
Thursday, September 5, 2024 4:01 AM IST
ആ​ലു​വ: പ​ത്ത് വ​ർ​ഷം മു​മ്പ് സ​ർ​ക്കാ​ർ പ്ര​ഖ്യാ​പി​ച്ച താ​ലൂ​ക്ക് മാ​റ്റം ക​ടു​ങ്ങ​ല്ലൂ​ർ ഗ്രാ​മ​പ​ഞ്ചാ​യ​ത്തി​ൽ ന​ട​പ്പാക്കാ​ൻ ന​ട​പ​ടി​ക​ൾ ആ​രം​ഭി​ച്ചു. നി​ല​വി​ലെ പ​റ​വൂ​ർ താ​ലൂ​ക്കി​ൽ നി​ന്ന് ആ​ലു​വ താ​ലൂ​ക്കി​ലേ​ക്ക് മാ​റ്റു​ന്ന​തി​ൻെ​റ ഭാ​ഗ​മാ​യി ത​ഹ​സി​ൽ​ദാ​ർ മാ​രു​ടെ സം​യു​ക്ത അ​തി​ർ​ത്തി പ​രി​ശോ​ധ​ന ഇ​ന്ന​ലെ ന​ട​ന്നു.

അ​ന്ന​ത്തെ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി ന​ട​ത്തി​യ പ്ര​ഖ്യാ​പ​ന​ത്തെ തു​ട​ർ​ന്ന് താ​ലൂ​ക്ക് മാ​റ്റി​യ​താ​യി 2014 സെ​പ്റ്റം​ബ​റി​ൽ ഗ​സ​റ്റ് വി​ജ്ഞാ​പ​നം ഇ​റ​ങ്ങി​യെ​ങ്കി​ലും റ​വ​ന്യൂ വ​കു​പ്പ് അ​തി​ർ​ത്തി പു​ന​ർ​നി​ർ​ണ​യ​ത്തി​ന് താ​ത്പ​ര്യം എ​ടു​ത്തി​ല്ല.

സ​ർ​ക്കാ​ർ മാ​റി​യ​തോ​ടെ വി​ജ്ഞാ​പ​നം ചു​വ​പ്പു​നാ​ട​യി​ലു​മാ​യി. റേ​ഷ​ൻ കാ​ർ​ഡ് ആ​വ​ശ്യ​ങ്ങ​ൾ ആ​ലു​വ സ​പ്ലൈ ഓ​ഫീ​സി​ൽ അ​നു​വ​ദി​ച്ചെെ​ങ്കി​ലും മ​റ്റൊ​ന്നും ന​ട​ന്നി​ല്ല.

ആ​ലു​വ നി​യോ​ജ​ക മ​ണ്ഡ​ല​ത്തി​ലാ​യി​രു​ന്ന ക​ടു​ങ്ങ​ല്ലൂ​ർ പ​ഞ്ചാ​യ​ത്തി​നെ പു​തി​യ​താ​യി രൂ​പീ​ക​രി​ച്ച ക​ള​മ​ശേ​രി നി​യോ​ജ​ക മ​ണ്ഡ​ല​ത്തി​ലാ​ക്കി​യ​തോ​ടെ​യാ​ണ് ജ​ന​ങ്ങ​ളു​ടെ ക​ഷ്ട​പ്പാ​ട് ഇ​ര​ട്ടി​യാ​യ​ത്. ര​ണ്ട് കി​ലോ​മീ​റ്റ​ർ അ​ക​ലെ​യു​ള്ള ആ​ലു​വ സി​വി​ൽ സ്റ്റേ​ഷ​ൻ ഉ​ള്ള​പ്പോ​ൾ ദൂ​രെ​യു​ള്ള പ​റ​വൂ​രി​ലേ​ക്കും ക​ള​മ​ശേ​രി​യി​ലേ​ക്കും വി​വി​ധാ​വ​ശ്യ​ങ്ങ​ൾ​ക്ക് ക​ടു​ങ്ങ​ല്ലൂ​രു​കാ​ർ​ക്ക് യാ​ത്ര ചെ​യ്യേ​ണ്ടി വ​ന്നു.


അ​തു​പോ​ലെ ക​ടു​ങ്ങ​ല്ലൂ​ർ പ​ഞ്ചാ​യ​ത്തി​ലെ വാ​ർ​ഡു​ക​ൾ ക​ടു​ങ്ങ​ല്ലൂ​ർ, ആ​ല​ങ്ങാ​ട് വി​ല്ലേ​ജു​ക​ളി​ലാ​യാ​ണ് വി​ഭ​ജി​ച്ചു കി​ട​ക്കു​ന്ന​ത്. ഏ​ലൂ​ർ ന​ഗ​ര​സ​ഭ, ചൂ​ർ​ണി​ക്ക​ര പ​ഞ്ചാ​യ​ത്ത് എ​ന്നി​വി​ട​ങ്ങ​ളി​ലെ ചി​ല വാ​ർ​ഡു​ക​ൾ ക​ടു​ങ്ങ​ല്ലൂ​ർ വി​ല്ലേ​ജി​ലു​മാ​ണ്. ഈ ​നാ​ലു വി​ല്ലേ​ജു​ക​ളു​ടെ അ​തി​ർ​ത്തി നി​ർ​ണ​യ​വും ഇ​ന്ന​ലെ ആ​രം​ഭി​ച്ച സ​ർ​വേ​യോ​ടൊ​പ്പം ന​ട​ത്തും.