ആലുവ : ദേശീയപാത ആലുവ ബൈപാസ് മേൽപ്പാലത്തിന് താഴെ അടിപാതയോരത്ത് സ്ലാബുകൾ ഇളകിപ്പോയി രൂപപ്പെട്ട വലിയ കുഴി അടച്ചു. പൊതുപ്രവർത്തകൻ ആർ. പത്മകുമാർ ദേശീയപാത അഥോറിറ്റിക്ക് നൽകിയ പരാതിയെ തുടർന്നാണ് ദേശീയ പാത അഥോറിറ്റി ഇന്നലെ കുഴിയടച്ചത്.
കാൽനടക്കാരും ഇരു ചക്ര വാഹനങ്ങളും അപകടത്തിൽ പെട്ട വിവരവും മറ്റു പരാതികളും അദ്ദേഹം ധരിപ്പിച്ചു. കൂടുതൽ വലിയ അപകടങ്ങൾ ഉണ്ടാവുന്നതിന് മുന്നേ ഈ സ്ളാബ് നേരെയാക്കി പരിഹാരമുണ്ടാക്കണമെന്ന് ആവശ്യപ്പെട്ടാണ് അദ്ദേഹം പരാതി നൽകിയത്. ദീപികയും അപകടക്കുഴികളെ ക്കുറിച്ച് റിപ്പോർട്ട് ചെയ്തിരുന്നു.