കാക്കനാട്: പെൻഷൻ പരിഷ്കരണ നടപടികൾ ആരംഭിക്കുക, ക്ഷാമാശ്വാസം ആറു ഗഡുഅനുവദിക്കുക,കുടിശികകൾ വിതരണം ചെയ്യുക, ജീവാനന്ദം പദ്ധതി ഉപേക്ഷിക്കുക, മെഡിസെപ്പിലെ ന്യൂനതകൾ പരിഹരിക്കുക,
ഫെസ്റ്റിവൽ അലവൻസ് വർധിപ്പിക്കുക തുടങ്ങിയ ആവശ്യങ്ങളുമായി കേരളാ സ്റ്റേറ്റ് സർവീസ് പെൻഷനേഴ്സ് അസോസിയേഷൻ (കെഎസ്എസ്പിഎ) കാക്കനാട് കളക്ടറേറ്റിനു മുന്നിൽ ഏകദിന സത്യഗ്രഹം നടത്തി. ഹൈബി ഈഡൻ എംപി സത്യാഗ്രഹം ഉദ്ഘാടനം ചെയ്തു. ജില്ലാ പ്രസിഡന്റ് എ.ഡി. റാഫേൽ അധ്യക്ഷനായി.