പുത്തൻവേലിക്കര: യുവാവ് കിണറ്റിൽ വീണു മരിച്ചു. മാളവന കത്തനാപറന്പിൽ സുരേഷ് - രജനി ദന്പതികളുടെ മകൻ അതുൽ (21) ആണ് ഇന്നലെ പുലർച്ചെ വീടിന് മുന്നിലെ കിണറ്റിൽവീണു മരിച്ചത്.
ചൊവ്വാഴ്ച രാത്രി ഉറങ്ങാൻ കിടന്ന അതുലിനെ ഇന്നലെ പുലർച്ചെ മുറിയിൽ കാണാതിരുന്നതിനെ തുടർന്ന് വീട്ടുകാർ നടത്തിയ അന്വേഷണത്തിലാണ് കിണറ്റിൽ വീണു കിടക്കുന്ന നിലയിൽ കണ്ടെത്തിയത്. പറവൂരിൽ നിന്നും ഫയർഫോഴ്സ് എത്തിയാണ് പുറത്തെടുത്തത്. സംസ്കാരം നടത്തി. സഹോദരങ്ങൾ: മിഥുൽ, മിത്ര.