മൂവാറ്റുപുഴ: സംസ്ഥാനത്തെ തകർക്കുന്ന കേന്ദ്ര സർക്കാർ നയങ്ങൾക്കെതിരെ കേരള എൻജിഒ യൂണിയൻ മൂവാറ്റുപുഴ മേഖലയുടെ ആഭിമുഖ്യത്തിൽ മാർച്ചും ധർണയും സംഘടിപ്പിച്ചു. എസ്എൻഡിപി ജംഗ്ഷനിൽ നിന്നുമാരംഭിച്ച മാർച്ച് ടൗണ്ഹാളിൽ സമാപിച്ചു. കോതമംഗലം, കൂത്താട്ടുകുളം, മൂവാറ്റുപുഴ തുടങ്ങിയ സ്ഥലങ്ങളിലെ പ്രവർത്തകർ പങ്കെടുത്തു.
സംസ്ഥാനത്തൊട്ടാകെ 51 കേന്ദ്രങ്ങളിലും എറണാകുളം ജില്ലയിൽ നാലിടത്തുമാണ് ധർണ സംഘടിപ്പിച്ചത്. എൻജിഒ യൂണിയൻ സംസ്ഥാന സെക്രട്ടറിയേറ്റംഗം എസ്. സുനിൽകുമാർ ധർണ ഉദ്ഘാടനം ചെയ്തു. ജില്ലാ വൈസ് പ്രസിഡന്റ് എൻ.എം. രാജേഷ് അധ്യക്ഷത വഹിച്ചു. ജില്ലാ ട്രഷറർ പി.പി. സുനിൽകുമാർ, ടി.വി. വാസുദേവൻ, രാജമ്മ രഘു, എൽദോസ്, കെ.എം. മുനീർ തുടങ്ങിയവർ പ്രസംഗിച്ചു.