വടാട്ടുപാറ: പൊയ്ക ഗവ. ഹൈസ്കൂളിൽ ദീപിക നമ്മുടെ ഭാഷ പദ്ധതിക്ക് തുടക്കമായി. ദീപിക രൂപതാ ഡയറക്ടർ ഫാ. ജോസ് കിഴക്കേയിൽ പദ്ധതി ഉദ്ഘാടനം ചെയ്തു. എച്ച്എം ഇൻ ചാർജ് മിനി ബിജു അധ്യക്ഷത വഹിച്ചു. വടാട്ടുപാറ സെന്റ് മേരീസ് പള്ളി വികാരി ഫാ. ജിനോ ഇഞ്ചപ്ലാക്കൽ കുട്ടികൾക്ക് സന്ദേശം നൽകി.
ഡിഎഫ്സി വാടാട്ടുപാറ യൂണിറ്റാണ് സ്കൂളിലേക്ക് പത്രങ്ങൾ സ്പോണ്സർ ചെയ്തിരിക്കുന്നത്. ഡിഎഫ്സി ഫൊറോന പ്രസിഡന്റ് ഷാജ് കണ്ടത്തിൽ, വടാട്ടുപാറ ഡിഎഫ്സി പ്രസിഡന്റ് മിൽട്ടണ് കരിമാനപ്പിള്ളിൽ തുടങ്ങിയവർ ചടങ്ങിൽ പ്രസംഗിച്ചു. ഡിഎഫ്സി ഭാരവാഹികളും അധ്യാപകരും പരിപാടികൾക്ക് നേതൃത്വം നൽകി.