കൊച്ചി: ഇടപ്പള്ളി മാതാ അമൃതാനന്ദമയി മഠത്തില്‍ വിനായക ചതുര്‍ഥിയോടനുബന്ധിച്ചുള്ള ഗണേശോത്സവത്തിന് തുടക്കമായി. മാതാ അമൃതാനന്ദമയി മഠം ജനറല്‍ സെക്രട്ടറി സ്വാമി പൂര്‍ണാമൃതാനന്ദപുരി ഗണേശ വിഗ്രഹ പ്രതിഷ്ഠ നിര്‍വഹിച്ചു.
സ്വാമി അനഘാമൃതാനന്ദപുരി, ബ്രഹ്മചാരി അരവിന്ദ ചൈതന്യ, ബ്രഹ്മചാരി നാരായണന്‍, ഉണ്ണികൃഷ്ണന്‍, അനു കടയത്ത്, ഹരിഹരന്‍ തുടങ്ങിയവര്‍ പങ്കെടുത്തു. ഏഴു വരെ ദിവസവും രാവിലെ ആറിന് ഗണപതി ഹോമം, വൈകീട്ട് 6.30ന് ഗണേശപൂജ, പ്രശസ്ത ഗായകര്‍ പങ്കെടുക്കുന്ന സംഗീത സന്ധ്യ, കലാപരിപാടികള്‍, മംഗളാരതി, പ്രസാദവിതരണം എന്നിവയുണ്ടാകും.