കൊച്ചി: എറണാകുളം മറൈന്‍ഡ്രൈവിലുള്ള എം.എ അസോസിയേറ്റ് എന്ന ചാറ്റേര്‍ഡ് അക്കൗണ്ടന്‍റ് സ്ഥാപനത്തില്‍ നിന്ന് 65,000 രൂപ മോഷ്ടിച്ച കേസിലെ പ്രതി പാലക്കാട് സ്വദേശി സജീവിനെ(64) കൂടുതല്‍ ചോദ്യം ചെയ്യുന്നതിനായി പോലീസ് കസ്റ്റഡിയില്‍ വാങ്ങി.
പ്രതിയെ സ്ഥലത്തെത്തിച്ച് തെളിവെടുപ്പ് നടത്തി. കഴിഞ്ഞ ജൂലൈ 21നായിരുന്നു കേസിനാസ്പദമായ സംഭവം. 40 ഓളം മോഷണക്കേസിലെ പ്രതിയാണ് ഇയാള്‍. പകല്‍സമയത്ത് മാത്രമാണ് സജീവന്‍ മോഷണം നടത്തിയിരുന്നത്. പ്രതിയെ റിമാന്‍ഡ് ചെയ്തു.