ഇ​ട​പ്പ​ള്ളി​ക്കോ​ട്ട, വേ​ട്ടു​ത​റയിലും അ​ടി​പ്പാ​ത വേണം
Thursday, July 4, 2024 6:09 AM IST
ദേ​ശീ​യ​പാ​ത അ​ഥോ​റി​റ്റിയുമായി എൻ.കെ. പ്രേ​മ​ച​ന്ദ്ര​ൻ ച​ർ​ച്ച​ ന​ട​ത്തി

കൊ​ല്ലം : ദേ​ശീ​യ​പാ​ത 66 ല്‍ ​ഇ​ട​പ്പ​ള​ളി​ക്കോ​ട്ട, വേ​ട്ടു​ത​റ എ​ന്നി​വി​ട​ങ്ങ​ളി​ല്‍ അ​ടി​പ്പാ​ത നി​ര്‍​മി​ക്ക​ണ​മെ​ന്നാ​വ​ശ്യ​പ്പെ​ട്ട് എ​ന്‍. കെ. ​പ്രേ​മ​ച​ന്ദ്ര​ന്‍ എം​പി ദേ​ശീ​യ​പാ​ത അ​ഥോ​റി​റ്റി ഓ​ഫ് ഇ​ന്ത്യ ചെ​യ​ര്‍​മാ​നു​മാ​യും മെ​മ്പ​ര്‍​മാ​രു​മാ​യി ച​ര്‍​ച്ച ന​ട​ത്തി.

കേ​ന്ദ്ര ദേ​ശീ​യ​പാ​ത ഉ​പ​രി​ത​ല ഗ​താ​ഗ​ത മ​ന്ത്രി നി​തി​ന്‍ ഗ​ഡ്ക​രി​യു​മാ​യി ന​ട​ത്തി​യ ച​ര്‍​ച്ച​യി​ല്‍ മ​ന്ത്രി​യു​ടെ നി​ര്‍​ദേ​ശ​പ്ര​കാ​ര​മാ​ണ് ഉ​ദ്യോ​ഗ​സ്ഥ​ത​ല ച​ര്‍​ച്ച ന​ട​ത്തി​യ​ത്.

ഇ​ട​പ്പ​ള​ളി​ക്കോ​ട്ട​യി​ലെ ച​ട്ട​മ്പി​സ്വാ​മി​ക​ളു​ടെ സ​മാ​ധി സ്ഥ​ല​മാ​യ പ​ന്മ​ന ആ​ശ്ര​മം, സം​സ്കൃ​ത സ​ര്‍​വ​ക​ലാ​ശാ​ല ഉ​ള്‍​പ്പെ​ടെ​യു​ള​ള വി​ദ്യാ​ഭ്യാ​സ സ്ഥാ​പ​ന​ങ്ങ​ള്‍, നി​ര​വ​ധി ആ​രാ​ധ​നാ​ല​യ​ങ്ങ​ള്‍, വാ​ണി​ജ്യ സ്ഥാ​പ​ന​ങ്ങ​ള്‍, ഇ​രു​വ​ശ​ത്തും ജ​ന​ത്തിരക്കേറിയ പ്ര​ദേ​ശം എ​ന്നി​വ ക​ണ​ക്കി​ലെ​ടു​ക്കു​മ്പോ​ള്‍ ഇ​ട​പ്പ​ള​ളി​ക്കോ​ട്ട​യി​ല്‍ അ​ടി​പ്പാ​ത നി​ര്‍​മി​ച്ചി​ല്ലെ​ങ്കി​ല്‍ ഉ​ണ്ടാ​കു​ന്ന അ​സൗ​ക​ര്യ​ങ്ങ​ളെ സം​ബ​ന്ധി​ച്ച് എം​പി അ​ധി​കാ​രി​ക​ളെ ബോ​ധ്യ​പ്പെ​ടു​ത്തി.

പ്ര​ദേ​ശ​വാ​സി​ക​ള്‍​ക്കും ദേ​ശീ​യ​പാ​ത​യി​ലൂ​ടെ യാ​ത്ര​ചെ​യ്യു​ന്ന​വ​ര്‍​ക്കും ഒ​രു​പോ​ലെ ബു​ദ്ധി​മു​ട്ട് ഉ​ണ്ടാ​ക്കു​ന്ന​താ​ണ് നി​ല​വി​ലെ രൂ​പ​രേ​ഖ. ഇ​ട​പ്പ​ള​ളി​ക്കോ​ട്ട​യി​ല്‍ അ​ടി​പ്പാ​ത ഒ​ഴി​വാ​ക്കാ​നാ​കാ​നാ​കില്ലെന്ന് സ്ഥി​തി​വി​വ​ര ക​ണ​ക്കു​ക​ളു​ടെ അ​ടി​സ്ഥാ​ന​ത്തി​ല്‍ എം​പി ച​ര്‍​ച്ച​യി​ല്‍ ധ​രി​പ്പി​ച്ചു.

കൊ​ല്ല​ത്തി​ന്‍റെ കി​ഴ​ക്ക​ന്‍ മേ​ഖ​ല​യി​ലെ ശാ​സ്താം​കോ​ട്ട, മൈ​നാ​ഗ​പ്പ​ള​ളി, തെ​ക്കും​ഭാ​ഗം, തേ​വ​ല​ക്ക​ര, നീ​ണ്ട​ക​ര പ​ഞ്ചാ​യ​ത്തു​ക​ളെ ദേ​ശീ​യ​പാ​ത​യു​മാ​യി ബ​ന്ധി​പ്പി​ക്കു​ന്ന വേ​ട്ടു​ത​റ​യി​ല്‍ അ​ടി​പ്പാ​ത നി​ര്‍​മി​ക്കാ​ത്ത​തു​മൂ​ലം ഉ​ണ്ടാ​കു​ന്ന ബു​ദ്ധി​മു​ട്ടു​ക​ള്‍ എം​പി ച​ര്‍​ച്ച​യി​ല്‍ ഉ​ന്ന​യി​ച്ചു.

വേ​ട്ടു​ത​റ​യ്ക്ക് സ​മീ​പം നീ​ണ്ട​ക​ര​യി​ല്‍ നി​ര്‍​മി​ച്ചി​ട്ടു​ള​ള അ​ടി​പ്പാ​ത​യും സ​ര്‍​വീ​സ് റോ​ഡും അ​ശാ​സ്ത്രീ​യ​മാ​ണെ​ന്നും നീ​ളം കൂ​ടി​യ​തും ഭാ​രം കൂ​ടി​യ​തു​മാ​യ വാ​ഹ​ന​ങ്ങ​ള്‍ ക​ട​ന്നു പോ​കാ​ന്‍ ക​ഴി​യാ​ത്ത​താ​ണെ​ന്നും എം​പി അ​ധി​കാ​രി​ക​ളെ ബോ​ധ്യ​പ്പെ​ടു​ത്തി.

നീ​ണ്ട​ക​ര​യി​ലേ​യും വേ​ട്ടു​ത​റ​യി​ലേ​യും വാ​ഹ​ന ഗ​താ​ഗ​തം സു​ഗ​മ​മാ​ക്കാ​ന്‍ വേ​ട്ടു​ത​റ​യി​ല്‍ വീ​തി​കൂ​ടി​യ സ​ര്‍​വീ​സ് റോ​ഡും വ​ലി​യ അ​ടി​പ്പാ​ത​യും നി​ര്‍​മി​ക്ക​ണ​മെ​ന്നും എം​പി ച​ര്‍​ച്ച​യി​ല്‍ ആ​വ​ശ്യ​പ്പെ​ട്ടു. എം​പി​യു​ടെ നി​ര്‍​ദേ​ശ​ങ്ങ​ള്‍ വീ​ണ്ടും പ​രി​ശോ​ധി​ക്കാ​മെ​ന്ന് അ​ധി​കൃ​ത​ര്‍ ഉ​റ​പ്പു​ന​ല്‍​കി​യ​താ​യും എ​ന്‍.​കെ. പ്രേ​മ​ച​ന്ദ്ര​ന്‍ എം​പി അ​റി​യി​ച്ചു.

Copyright @ 2022 , Rashtra Deepika Ltd.