ര​ക്ത​പു​ഷ്പ​ങ്ങ​ൾ ക​ലാ​കാ​യി​ക സാം​സ്കാ​രി​ക വേ​ദി ഇ​റ്റ​ലി​യു​ടെ പൊ​തു​സ​മ്മേ​ള​നം റോ​മി​ൽ ന​ട​ന്നു
Wednesday, November 20, 2024 1:25 PM IST
ജെ​ജി മാ​ന്നാ​ർ
റോം:​ ര​ക്ത​പു​ഷ്പ​ങ്ങ​ൾ ക​ലാ​കാ​യി​ക സാം​സ്കാ​രി​ക വേ​ദി ഇ​റ്റ​ലി​യു​ടെ അ​ഞ്ചാ​മ​ത് പൊ​തു​സ​മ്മേ​ള​നം ജാ​ന​റ്റ് ന​ഗ​ർ വി​യ ഔ​റേ​ലി​യ​യി​ൽ വ​ച്ചു ന​ട​ത്തി. ഇ​റ്റാ​ലി​യ​ൻ ക​മ്യൂ​ണി​സ്റ്റ് പാ​ർ​ട്ടി നേ​താ​വാ​യ എ​ഡ്ഗ​ർ ഗ​ലി​യാ​നോ ആ​ശം​സ​ക​ൾ അ​ർ​പ്പി​ച്ചു സം​സാ​രി​ച്ചു.

പൊ​തു​സ​മ്മേ​ള​ന​ത്തി​ൽ ചെ​യ​ർ​മാ​ൻ സാ​ബു സ​ക്ക​റി​യ അ​ധ്യ​ക്ഷ​നാ​യി​രു​ന്നു. സം​ഘ​ട​ന​യു​ടെ ജ​ന​റ​ൽ സെ​ക്ര​ട്ട​റി സി.​ഐ. നി​യാ​സ് പൊ​തു​സ​മ്മേ​ള​നം ഉ​ദ്ഘാ​ട​നം ചെ​യ്തു. ചെ​യ​ർ​മാ​ൻ പ​താ​ക ഉ​യ​ർ​ത്തി ക​ഴി​ഞ്ഞ് ര​ക്ത​സാ​ക്ഷി മ​ണ്ഡ​പ​ത്തി​ൽ പു​ഷ്പാ​ർ​ച്ച​ന ന​ട​ത്തി​യ​തി​നു​ശേ​ഷം പ്ര​തി​നി​ധി സ​മ്മേ​ള​നം ആ​രം​ഭി​ച്ചു.

പ്ര​തി​നി​ധി സ​മ്മേ​ള​നം സീ​നി​യ​ർ നേ​താ​വും കോഓർ​ഡി​നേ​റ്റ​റു​മാ​യ ക​ലേ​ഷ് കു​മു​ള്ളി ഉ​ദ്ഘാ​ട​നം ചെ​യ്തു. തു​ട​ർ​ന്ന് ക​ഴി​ഞ്ഞ​വ​ർ​ഷ​ത്തെ പ്ര​വ​ർ​ത്ത​ന റി​പ്പോ​ർ​ട്ട് ജ​ന​റ​ൽ സെ​ക്ര​ട്ട​റി​യും സാ​മ്പ​ത്തി​ക റി​പ്പോ​ർ​ട്ട് ഖ​ജാ​ൻ​ജി​യും അ​വ​ത​രി​പ്പി​ച്ചു.​



തു​ട​ർ​ന്ന് വൈ​സ് ചെ​യ​ർ​മാ​ൻ​ സ​ന്തോ​ഷ്‌ കൂ​മു​ള്ളി ര​ക്ത​സാ​ക്ഷി പ്ര​മേ​യ​വും സെ​ക്ര​ട്ട​റി ബി​ന്ദു വ​യ​നാ​ട് അ​നു​ശോ​ച​ന​പ്ര​മേ​യ​വും അ​വ​ത​രി​ച്ചു. പു​തി​യ വ​ർ​ഷ​ത്തി​ലേ​ക്കു​ള്ള ഭാ​ര​വാ​ഹി​ക​ളെ പ്ര​തി​നി​ധി സ​മ്മേ​ള​നം തെ​ര​ഞ്ഞെ​ടു​ത്തു.


25 അം​ഗ സെ​ന്‍റ​ർ ക​മ്മി​റ്റി​യി​ൽ ജ​ന​റ​ൽ സെ​ക്ര​ട്ട​റി​യാ​യി ബി​ന്ദു വ​യ​നാ​ടി​നെ​യും ചെ​യ​ർ​മാ​നാ​യി ടി.പി. സു​രേ​ഷി​നെ​യും ഖ​ജാ​ൻ​ജി​യാ​യി ശ​ര​ത് ഇ​രി​ഞ്ഞാ​ല​ക്കു​ട​യും തെ​ര​ഞ്ഞെ​ടു​ത്തു. യു​ദ്ധ​ങ്ങ​ൾക്കെ​തി​രേ​യും വ​ർ​ഗീ​യ​ത​യ്ക്കെ​തി​രേയും പ്ര​വാ​സി​ക​ളു​ടെ ന്യാ​യ​മാ​യ അ​വ​കാ​ശ​ങ്ങ​ൾ സം​ര​ക്ഷി​ക്കു​ന്ന​തി​നും വേ​ണ്ടി​യും പ്ര​മേ​യ​ങ്ങ​ൾ അ​വ​ത​രി​പ്പി​ച്ചു.

സം​ഘാ​ട​ക​സ​മി​തി ചെ​യ​ർ​മാ​ൻ നൈ​നാ​ൻ ചെ​റി​യാ​ൻ സ്വാ​ഗ​തം പ​റ​യു​ക​യും ക​ൺ​വീ​ന​ർ ജീ​മോ​ൻ അ​മ്പ​ഴ​ക്കാ​ട് ന​ന്ദി അ​റി​യി​ക്കു​ക​യും ചെ​യ്തു. കൂ​ടാ​തെ എംവെെഎഫ്ഐ സെ​ക്ര​ട്ട​റി സു​നി​ൽ വ​യ​നാ​ട്, വോ​യി​സ് ഓ​ഫ് വു​മ​ൺ പ്ര​സി​ഡ​ന്‍റ് അ​നി​ത ബോ​ണി, നാ​ട​ൻ പാ​ട്ട് സം​ഘ​ത്തി​ന്‍റെ കോഓർ​ഡി​നേ​റ്റ​ർ സ​ന്തോ​ഷ് കു​മ്മു​ള്ളി കോഓർ​ഡി​നേ​റ്റ​ർ ജോ​സ് പൂ​ന്തു​റ എ​ന്നി​വ​ർ ആ​ശം​സ​ക​ൾ അ​ർ​പ്പി​ച്ചു.