ജ​നാ​ധി​പ​ത്യ അ​ട്ടി​മ​റി​ക​ൾ​ക്കെ​തി​രേ ജാ​ഗ്ര​ത പു​ല​ർ​ത്ത​ണം: പ്ര​വാ​സി വെ​ൽ​ഫെ​യ​ർ
Saturday, August 23, 2025 2:54 PM IST
മ​നാ​മ: വം​ശീ​യ​മാ​യ മു​ൻ​വി​ധി​യോ​ടെ ന​ട​ത്തു​ന്ന പൗ​ര​ത്വ നി​ഷേ​ധ​ങ്ങ​ളെ യ​ഥാ​ർ​ഥ ഇ​ന്ത്യ​ക്കാ​ര​ന് അം​ഗീ​ക​രി​ക്കാ​നാ​വി​ല്ലെ​ന്ന് പ്ര​വാ​സി വെ​ൽ​ഫെ​യ​ർ. ഇ​ന്ത്യ​യു​ടെ 79-ാമ​ത് സ്വാ​ത​ന്ത്ര്യ​ദി​നാ​ഘോ​ഷ​ത്തോ​ട​നു​ബ​ന്ധി​ച്ച് പ്ര​വാ​സി വെ​ൽ​ഫെ​യ​ർ പൗ​ര​ത്വം ത​ന്നെ​യാ​ണ് സ്വാ​ത​ന്ത്ര്യം എ​ന്ന വി​ഷ​യ​ത്തി​ൽ പ്ര​വാ​സി സെന്‍റ​റി​ൽ സം​ഘ​ടി​പ്പി​ച്ച സം​ഗ​മ​ത്തി​ൽ മു​ഖ്യ​പ്ര​ഭാ​ഷ​ണം ന​ട​ത്തു​ക​യാ​യി​രു​ന്നു അ​ദ്ദേ​ഹം.

രാ​ജ്യ​ത്തെ പൗ​ര​ന്മാ​രെ​യെ​ല്ലാം തു​ല്യ​രാ​യി ക​ണ്ട് രാ​ജ്യ​ത്തി​ന്‍റെ മു​ഴു​വ​ൻ വി​ഭ​വ​ത്തി​ലും വി​ത​ര​ണ​ത്തി​ലും സാ​മൂ​ഹ്യ നീ​തി പാ​ലി​ക്കു​വാ​ൻ ക​ഴി​യു​മ്പോ​ഴാ​ണ് നാം ​ഒ​രു സ്വ​ത​ന്ത്ര രാ​ഷ്ട്ര​ത്തി​ലെ പൗ​ര​ന്മാ​രാ​കു​ക എ​ന്ന് അ​ധ്യ​ക്ഷ​ത വ​ഹി​ച്ച് സം​സാ​രി​ച്ച പ്ര​വാ​സി വെ​ൽ​ഫെ​യ​ർ പ്ര​സി​ഡന്‍റ് ബ​ദ​റു​ദ്ദീ​ൻ പൂ​വാ​ർ പ​റ​ഞ്ഞു.

രാ​ജ്യ​ത്ത് പി​റ​ന്ന് വീ​ണ മ​നു​ഷ്യ​രു​ടെ പൗ​ര​ത്വ​ത്തി​ന് മ​ത​ത്തെ അ​ടി​സ്ഥാ​ന​മാ​ക്കു​ന്ന​ത് നീ​തി​കേ​ടാ​ണ്. അ​തി​നെ പ്ര​തി​രോ​ധി​ക്കേ​ണ്ട​ത് രാ​ജ്യ​ത്തെ മു​ഴു​വ​ൻ ജ​നാ​ധി​പ​ത്യ സ​മൂ​ഹ​ത്തി​ന്‍റെ​യും ബാ​ധ്യ​ത​യാ​ണ് എ​ന്ന് ഒഐസി​സി പ്ര​തി​നി​ധി സ​ൽ​മാ​നു​ൽ ഫാ​രി​സ് പ​റ​ഞ്ഞു.


ഗാ​ന്ധി​ജി രാ​ജ്യ​ത്തി​നു മു​ന്നി​ൽ സ​മ​ർ​പ്പി​ച്ച​ത് മ​ര്യാ​ദാ പു​രു​ഷോ​ത്ത​മ​നാ​യ രാ​മ​ന്‍റെ രാ​മ​രാ​ജ്യം ആ​ണ്. സം​ഘ പ​രി​വാ​ർ മു​ന്നോ​ട്ട് വ​ക്കു​ന്ന​ത് ഭി​ന്നി​പ്പി​ന്‍റെ​താ​ണ് എ​ന്ന് സാ​മൂ​ഹി​ക പ്ര​വ​ർ​ത്ത​ക​നാ​യ യു.​കെ. അ​നി​ൽ​കു​മാ​ർ പ​റ​ഞ്ഞു.

വെ​ൽ​കെ​യ​ർ ക​ൺ​വീ​ന​ർ മു​ഹ​മ്മ​ദ് അ​ലി മ​ല​പ്പു​റം, മെ​ഡ്കെ​യ​ർ ക​ൺ​വീ​ന​ർ മ​ജീ​ദ് ത​ണ​ൽ, ഷ​രീ​ഫ് കൊ​ച്ചി, ഫ​സ​ലു​റ​ഹ്മാ​ൻ എ​ന്നി​വ​ർ ച​ർ​ച്ച​യി​ൽ പ​ങ്കെ​ടു​ത്തു സം​സാ​രി​ച്ചു.

പ്ര​വാ​സി വെ​ൽ​ഫെ​യ​ർ ജ​ന​റ​ൽ സെ​ക്ര​ട്ട​റി സി. ​എം. മു​ഹ​മ്മ​ദ​ലി സ്വാ​ഗ​ത​വും മ​നാ​മ സോ​ണ​ൽ സെ​ക്ര​ട്ട​റി അ​സ്‌​ലം വേ​ളം ന​ന്ദി​യും പ​റ​ഞ്ഞു. ഷാ​ഹു​ൽ ഹ​മീ​ദ് വെ​ന്നി​യൂ​ർ സ്വാ​ത​ന്ത്ര്യ​ദി​ന പ്ര​തി​ജ്ഞ ചൊ​ല്ലി കൊ​ടു​ത്തു.

അ​ബ്ദു​ല്ല കു​റ്റ്യാ​ടി, മൊ​യ്തു തി​രു​വ​ള്ളൂ​ർ രാ​ജീ​വ് നാ​വാ​യി​ക്കു​ളം എ​ന്നി​വ​ർ നേ​തൃ​ത്വം ന​ൽ​കി.

">