അ​ഞ്ച് മാ​സ​മു​ള്ള കു​ഞ്ഞി​ന്‍റെ ക​ര​ൾ​മാ​റ്റി​വയ്ക്ക​ൽ ശ​സ്ത്ര​ക്രി​യ ന​ട​ത്തി ബു​ർ​ജീ​ൽ മെ​ഡി​ക്ക​ൽ സി​റ്റി
Monday, August 18, 2025 4:37 PM IST
അ​നി​ൽ സി. ​ഇ​ടി​ക്കു​ള
അ​ബു​ദാ​ബി: ഏ​റെ സ​ങ്കീ​ർ​ണ​ത​ക​ൾ ത​ര​ണം ചെ​യ്ത് യു​എ​ഇ ച​രി​ത്ര​ത്തി​ലെ ഏ​റ്റ​വും പ്രാ​യം കു​റ​ഞ്ഞ ക​ര​ൾ സ്വീ​ക​ർ​ത്താ​വാ​യി അ​ഞ്ചു മാ​സം പ്രാ​യ​മു​ള്ള അ​ഹ​മ്മ​ദ് യ​ഹ്യ. ഗു​രു​ത​ര ജ​നി​ത​ക രോ​ഗ​ത്തെ​ത്തു​ട​ർ​ന്ന് അ​ഹ​മ്മ​ദി​ന് ന​ട​ത്തി​യ ക​ര​ൾ​മാ​റ്റ ശ​സ്ത്ര​ക്രി​യ അ​ബു​ദാ​ബി​യി​ലെ ബു​ർ​ജീ​ൽ മെ​ഡി​ക്ക​ൽ സി​റ്റി​യി​ൽ വി​ജ​യ​ക​ര​മാ​യി പൂ​ർ​ത്തി​യാ​യി.

യു​എ​ഇ സ്വ​ദേ​ശി​ക​ളാ​യ യ​ഹ്യ​യു​ടെ​യും ഭാ​ര്യ സൈ​ന​ബ് അ​ൽ യാ​സി​യു​ടെ​യും മ​ക​ൻ അ​ഹ​മ്മ​ദ് അ​ഞ്ചാം മാ​സ​ത്തി​ലാ​ണ് ക​ര​ൾ മാ​റ്റ ശ​സ്ത്ര​ക്രി​യ​യ്ക്ക് വി​ധേ​യ​നാ​യ​ത്. ശ​സ്ത്ര​ക്രി​യ ന​ട​ക്കു​മ്പോ​ൾ ഭാ​രം വെ​റും 4.4 കി​ലോ​ഗ്രാം.

ഇ​ള​യ​മ്മ പ​കു​ത്തു ന​ൽ​കി​യ ക​ര​ൾ മ​ല​യാ​ളി​യാ​യ ഡോ. ​ജോ​ൺ​സ് ഷാ​ജി മാ​ത്യു ഉ​ൾ​പ്പെ​ടു​ന്ന ബു​ർ​ജീ​ൽ മെ​ഡി​ക്ക​ൽ സി​റ്റി​യി​ലെ (ബി​എം​സി) മ​ൾ​ട്ടി​ഡി​സി​പ്ലി​ന​റി സം​ഘം വി​ജ​യ​ക​ര​മാ​യി അ​ഹ​മ്മ​ദി​ലേ​ക്ക് ചേ​ർ​ത്തു​വ​ച്ച​പ്പോ​ൾ പി​റ​ന്ന​ത് അ​പൂ​ർ​വ വി​ജ​യ​ഗാ​ഥ.

അ​നി​ശ്ചി​ത​ത്വ​ത്തി​ൽ നി​ന്നും പ്ര​തീ​ക്ഷ​യി​ലേ​ക്ക്

2010ൽ ​ക​ര​ൾ രോ​ഗ​ത്തെ തു​ട​ർ​ന്ന് മ​റ്റൊ​രു മ​ക​നെ ന​ഷ്‌ട​പ്പെ​ട്ട യ​ഹ്യ​ക്കും ഭാ​ര്യ​ക്കും അ​ഹ​മ്മ​ദിന്‍റെ ജ​ന​നം പു​തി​യൊ​രു പ്ര​തീ​ക്ഷ​യാ​യി​രു​ന്നു. കു​ടും​ബ​ത്തി​ലെ അ​ഞ്ചാ​മ​ത്തെ അ​തി​ഥി​യു​ടെ വ​ര​വ് എ​ല്ലാ​വ​രി​ലും സ​ന്തോ​ഷം നി​റ​ച്ചു.

എ​ന്നാ​ൽ, ജ​നി​ച്ച​യു​ട​ൻ ത​ന്നെ കു​ഞ്ഞി​ന്‍റെ ക​ര​ളി​ന്‍റെ എ​ൻ​സൈ​മു​ക​ളി​ൽ ഉ​ണ്ടാ​യ വ​ർ​ധ​ന​വ് ആ​ശ​ങ്ക പ​ട​ർ​ത്തി. സ്ഥി​ര​ത കൈ​വ​രി​ക്കു​മെ​ന്നാ​യി​രു​ന്നു തു​ട​ക്ക​ത്തി​ലെ പ്ര​തീ​ക്ഷ​യെ​ങ്കി​ലും അ​ധി​കം വൈ​കാ​തെ അ​ഹ​മ്മ​ദി​ന്‍റെ നി​ല വ​ഷ​ളാ​കാ​ൻ തു​ട​ങ്ങി.

ATP6AP1 എ​ന്ന ജീ​നി​ലെ വ്യ​തി​യാ​നം മൂ​ലം ജ​ന്മ​നാ​യു​ള്ള ഗ്ലൈ​കോ​സൈ​ലേ​ഷ്യ​ൻ ത​ക​രാ​റാ​ണ് അ​ഹ​മ്മ​ദി​നെ​ന്ന് ഡോ​ക്‌ട​ർ​മാ​ർ ക​ണ്ടെ​ത്തി. ലോ​ക​ത്തി​ൽ ഇ​രു​പ​ത്തി​യ​ഞ്ചി​ൽ താ​ഴെ മാ​ത്രം ആ​ളു​ക​ളി​ൽ റി​പ്പോ​ർ​ട്ട് ചെ​യ്യ​പ്പെ​ട്ടി​ട്ടു​ള്ള അ​ത്യ​പൂ​ർ​വ ജ​നി​ത​ക രോ​ഗം.

ശ​രീ​ര​ത്തി​ലെ വി​വി​ധ ഭാ​ഗ​ങ്ങ​ളെ, പ്ര​ത്യേ​കി​ച്ച് ക​ര​ളി​നെ ബാ​ധി​ക്കു​ന്ന രോ​ഗാ​വ​സ്ഥ​യാ​ണി​ത്. അ​ഹ​മ്മ​ദി​ന്‍റെ കാ​ര്യ​ത്തി​ൽ ക​ര​ൾ പൂ​ർ​ണ​മാ​യും പ്ര​വ​ർ​ത്ത​ന ര​ഹി​ത​മാ​കു​ന്ന ഘ​ട്ട​മാ​യി​രു​ന്നു.

അ​പൂ​ർ​വ​മാ​യ ഈ ​രോ​ഗാ​വ​സ്ഥ​യെ നേ​രി​ടു​മ്പോ​ൾ തങ്ങ​ളു​ടെ മു​ൻ​പി​ൽ ഉ​ത്ത​ര​ങ്ങ​ളെ​ക്കാ​ളേ​റെ ചോ​ദ്യ​ങ്ങ​ളാ​യി​രു​ന്നു എന്ന് ബി​എം​സി​യി​ലെ അ​ബ്ഡോ​മി​ന​ൽ ട്രാ​ൻ​സ്പ്ലാന്‍റ് ആ​ൻ​ഡ് ഹെ​പ്പ​റ്റോ - പാ​ൻ​ക്രി​യാ​റ്റി​ക്കോ - ബൈ​ലി​യ​റി സ​ർ​ജ​ൻ ഡോ. ​ജോ​ൺ​സ് ഷാ​ജി മാ​ത്യു ഓ​ർ​ക്കു​ന്നു.

ക​ര​ൾ മാ​റ്റി വ​യ്ക്കു​ക എ​ന്ന​ത് മാ​ത്ര​മാ​യി​രു​ന്നു കു​ഞ്ഞി​നെ തി​രി​കെ ജീ​വി​ത​ത്തി​ലേ​ക്ക് എ​ത്തി​ക്കാ​നു​ള്ള പോം​വ​ഴി. ജീ​വി​ത​ത്തി​ലൊ​രി​ക്ക​ലും അ​വ​യ​വ​ദാ​ന​ത്തെ കു​റി​ച്ച് ചി​ന്തി​ക്കാ​ത്ത യ​ഹ്യ​യു​ടെ സ​ഹോ​ദ​ര​ന്‍റെ ഭാ​ര്യ ദാ​താ​വാ​യി എ​ത്തി​യ​തോ​ടെ വീ​ണ്ടും പ്ര​തീ​ക്ഷ​യു​ടെ നാ​ളു​ക​ൾ.

വെ​ല്ലു​വി​ളി​ക​ളെ മ​റി​ക​ട​ന്ന് ശ​സ്ത്ര​ക്രി​യ


മി​ക​ച്ച ദാ​താ​വി​നെ ല​ഭി​ച്ചെ​ങ്കി​ലും കു​ഞ്ഞി​ന്‍റെ പ്രാ​യം, ചെ​റി​യ ശ​രീ​രം, തീ​പ്പെ​ട്ടി​ക്കോ​ലി​നെ​ക്കാ​ൾ ക​നം കു​റ​ഞ്ഞ ര​ക്ത​ക്കു​ഴ​ലു​ക​ൾ കേ​ടു​പാ​ടു​ക​ൾ കൂ​ടാ​തെ കൈ​കാ​ര്യം ചെ​യ്യു​ക തു​ട​ങ്ങി നി​ര​വ​ധി സ​ങ്കീ​ർ​ണ​ത​ക​ളെ മ​റി​ക​ട​ന്ന് ക​ര​ൾ ചേ​ർ​ത്തു വ​യ്ക്കു​ക എ​ന്ന​താ​യി​രു​ന്നു വൈ​ദ്യ​സം​ഘ​ത്തി​ന്‍റെ മു​ന്നി​ലു​ണ്ടാ​യി​രു​ന്ന പ്ര​ധാ​ന വെ​ല്ലു​വി​ളി.

എ​ല്ലാ വെ​ല്ലു​വി​ളി​ക​ളെ​യും മ​റി​ക​ട​ന്ന് 12 മ​ണി​ക്കൂ​റി​ൽ ദാ​താ​വി​ന്‍റെയും സ്വീ​ക​ർ​ത്താ​വി​ന്‍റെ​യും ശ​സ്ത്ര​ക്രി​യ​ക​ൾ വി​ജ​യ​ക​ര​മാ​യി പൂ​ർ​ത്തി​യാ​ക്കി. ബു​ർ​ജീ​ൽ അ​ബ്ഡോ​മി​ന​ൽ മ​ൾ​ട്ടി-​ഓ​ർ​ഗ​ൻ ട്രാ​ൻ​സ്പ്ലാന്‍റ് പ്രോ​ഗ്രാ​മി​ലെ ട്രാ​ൻ​സ്പ്ലാ​ന്‍റ് സ​ർ​ജ​റി ഡ​യ​റ​ക്ട​ർ ഡോ. ​ഗൗ​ര​ബ് സെ​ന്നും ഡോ. ​ജോ​ൺ​സ് ഷാ​ജി മാ​ത്യു​വും ന​യി​ച്ച സം​ഘം, ദാ​താ​വി​ന്‍റെ ക​ര​ളി​ൽ നി​ന്ന് സൂ​ക്ഷ്മ​മാ​യി എ​ടു​ത്ത ഒ​രു ചെ​റി​യ ഭാ​ഗം അ​ഹ​മ്മ​ദി​ൽ ഘ​ടി​പ്പി​ച്ചു.

ദാ​താ​വി​ന്‍റെ ക​ര​ളി​ന്‍റെ ഒ​രു ചെ​റി​യ ഭാ​ഗം കു​ഞ്ഞി​ന്‍റെ ശ​രീ​ര​ഘ​ട​ന​യ്ക്ക് അ​നു​യോ​ജ്യ​മാ​യ രീ​തി​യി​ൽ കൃ​ത്യ​മാ​യി രൂ​പ​പ്പെ​ടു​ത്തി​യാ​ണ് ഉ​പ​യോ​ഗി​ച്ച​ത്. കു​ഞ്ഞു ശ​രീ​ര​ത്തി​ലെ ഓ​രോ ഘ​ട​ന​യും സ​ങ്ക​ൽ​പ്പി​ക്കാ​വു​ന്ന​തി​ലും ലോ​ല​മാ​ണ്. അ​തി​നാ​ൽ ത​ന്നെ ശ​സ്ത്ര​ക്രി​യ​യ്ക്ക് സാ​ങ്കേ​തി​ക വൈ​ദ​ഗ്ധ്യം മാ​ത്ര​മ​ല്ല, നി​ര​ന്ത​ര​മാ​യ ശ്ര​ദ്ധ​യും ആ​വ​ശ്യ​മാ​യി​രു​ന്നു എന്ന് ഡോ. ​ഗൗ​ര​ബ് പ​റ​ഞ്ഞു.

അ​ന​സ്തേ​ഷ്യ ഡി​വി​ഷ​ൻ ചെ​യ​ർ ഡോ. ​രാ​മ​മൂ​ർ​ത്തി ഭാ​സ്ക​ര​ൻ, ഡോ. ​ജോ​ർ​ജ് ജേ​ക്ക​ബ്, ഡോ. എ​സ്. ​അ​ൻ​ഷു എ​ന്നി​വ​ർ പീ​ഡി​യാ​ട്രി​ക് അ​ന​സ്തേ​ഷ്യ കൈ​കാ​ര്യം ചെ​യ്തു. പീ​ഡി​യാ​ട്രി​ക് ഇ​ന്‍റ​ൻ​സീ​വ് കെ​യ​ർ യൂ​ണി​റ്റ് ക​ൺ​സ​ൽ​ട്ട​ന്‍റ് ഡോ. ​കേ​ശ​വ രാ​മ​കൃ​ഷ്ണ​നും സം​ഘ​വും ഓ​പ്പ​റേ​ഷ​ന് ശേ​ഷ​മു​ള്ള പ​രി​ച​ര​ണ​ത്തി​ന് നേ​തൃ​ത്വം ന​ൽ​കി.

ഞ​ങ്ങ​ളു​ടെ ആ​ദ്യ​ത്തെ മ​ക​നെ ന​ഷ്ട​പ്പെ​ട്ട​പ്പോ​ഴു​ള്ള വേ​ദ​ന ഇ​പ്പോ​ഴും എ​നി​ക്ക് ഓ​ർ​മ​യു​ണ്ട്. അ​ഹ​മ്മ​ദി​നും സ​മാ​ന​മാ​യ പ്ര​ശ്ന​മു​ണ്ടെ​ന്ന് കേ​ട്ട​പ്പോ​ൾ, ഇ​താ​ണ് ഞ​ങ്ങ​ളു​ടെ വി​ധി എ​ന്ന് ക​രു​തി. പ​ക്ഷേ ഡോ​ക്ട​ർ​മാ​ർ ഞ​ങ്ങ​ൾ​ക്ക് പ്ര​തീ​ക്ഷ ന​ൽ​കിയെന്ന് അ​ഹ​മ്മ​ദി​ന്‍റെ പി​താ​വ് യ​ഹ്യ പ​റ​ഞ്ഞു.

എ​ക്സ്ട്യൂ​ബേ​റ്റ് ചെ​യ്ത് ദി​വ​സ​ങ്ങ​ൾ​ക്കു​ള്ളി​ൽ അ​ഹ​മ്മ​ദി​ന് ഭ​ക്ഷ​ണം ന​ൽ​കാ​ൻ തു​ട​ങ്ങി. ക​ര​ൾ മി​ക​ച്ച രീ​തി​യി​ൽ​പ്ര​വ​ർ​ത്തി​ക്കാ​നും തു​ട​ങ്ങി. പീ​ഡി​യാ​ട്രി​ക് ഇന്‍റ​ൻ​സി​വി​സ്റ്റു​ക​ൾ, ഗ്യാ​സ്ട്രോ​എ​ൻ​ട്രോ​ള​ജി​സ്റ്റു​ക​ൾ, ഡ​യ​റ്റീ​ഷ്യ​ൻ​മാ​ർ, റേ​ഡി​യോ​ള​ജി​സ്റ്റു​ക​ൾ, റി​ഹാ​ബി​ലി​റ്റേ​ഷ​ൻ വി​ദ​ഗ്ധ​ർ എ​ന്നി​വ​ര​ട​ങ്ങു​ന്ന ഒ​രു മ​ൾ​ട്ടി ഡി​സി​പ്ലി​ന​റി സം​ഘം അ​ഹ​മ്മ​ദി​ന്‍റെ ആ​രോ​ഗ്യ നി​ല മെ​ച്ച​പ്പെ​ടു​ന്ന​തി​ൽ നി​ർ​ണാ​യ​ക പ​ങ്കുവ​ഹി​ച്ചു.

ദീ​ർ​ഘ കാ​ല പ​രി​ച​ര​ണ​ത്തിന്‍റെ ഭാ​ഗ​മാ​യി അ​ഹ​മ്മ​ദി​ന്‍റെ വ​ള​ർ​ച്ച​യു​ടെ ഓ​രോ ഘ​ട്ട​വും മെ​ഡി​ക്ക​ൽ​സം​ഘം സൂ​ക്ഷ്മ​മാ​യി നി​രീ​ക്ഷി​ച്ചു വ​രി​ക​യാ​ണ്.

">