പു​ന്ന​പ്ര: ച​ല​ച്ചി​ത്ര പി​ന്ന​ണി ഗാ​യ​ക​ൻ സു​ദീ​പ്കു​മാ​റി​ന്‍റെ പി​താ​വും ക​വി​യും ഗ്ര​ന്ഥ​കാ​ര​നും രാ​ഷ്ട്രീ​യ സാം​സ്കാ​രി​ക പ്ര​വ​ർ​ത്ത​ക​നു​മാ​യ പു​ന്ന​പ്ര പ​റ​വൂ​ർ ‘സി​താ​ര’​യി​ൽ കൈ​ന​ക​രി സു​രേ​ന്ദ്ര​ൻ നി​ര്യാ​ത​നാ​യി. 78 വ​യ​സായി​രു​ന്നു. ഹൃ​ദ​യാ​ഘാ​ത​ത്തെതു​ട​ർ​ന്ന് ചി​കി​ത്സ​യി​ലി​രി​ക്കെ ഇന്നലെ ഉ​ച്ച​യ്ക്ക് ര​ണ്ടിന് ആ​ല​പ്പു​ഴ മെ​ഡി​ക്ക​ൽ കോ​ള​ജി​ലാ​യി​രു​ന്നു അ​ന്ത്യം. ആ​ല​പ്പു​ഴ​യി​ലെ രാ​ഷ്ട്രീ​യ - സാം​സ്കാ​രി​ക രം​ഗ​ങ്ങ​ളി​ൽ സ​ജീ​വ സാ​ന്നി​ധ്യ​വും സ്കൂ​ൾ ക​ലോ​ത്സ​വ​ങ്ങ​ളി​ൽ വി​ധി​ക​ർ​ത്താ​വു​മാ​യി​രു​ന്നു.

1967ൽ ​ആ​ല​പ്പു​ഴ എ​സ്ഡി കോ​ള​ജി​ൽനി​ന്നും ഗ​ണി​ത​ശാ​സ്ത്ര​ത്തി​ൽ ബി​രു​ദ​വും ഒ​റ്റ​പ്പാ​ലം എ​ൻ.​എ​സ്.​എ​സ് കോ​ള​ജി​ൽ നി​ന്ന് ബി.​എ​ഡും നേ​ടി​യ ശേ​ഷം മ​ല​പ്പു​റ​ത്ത് അ​ധ്യാ​പ​ക​നാ​യി ഔ​ദ്യോ​ഗി​ക ജീ​വി​തം ആ​രം​ഭി​ച്ചു. ഒ​റ്റ​പ്പാ​ല​ത്തും ആ​ല​പ്പു​ഴ ലി​യോ​ തേർ​ട്ടീ​ന്ത് സ്കൂ​ളി​ലും അ​ധ്യാ​പ​ക​നാ​യി​രു​ന്നു. വ​സ​ന്തം, ച​ന്ദ​ന​ഗ​ന്ധി​യാ​യ പൊ​ന്നു​പോ​ലെ (ലേ​ഖ​ന സ​മാ​ഹാ​ര​ങ്ങ​ൾ), കൊ​ന്ന​പ്പൂ​ക്ക​ൾ (ക​വി​താ സ​മാ​ഹാ​രം), വ​ഞ്ചി​പ്പാ​ട്ട്, ജ​ലോ​ത്സ​വ​ങ്ങ​ളു​ടെ നാ​ട്ടി​ൽ, നാ​ട​ൻ​പാ​ട്ടു​ക​ൾ; സാ​ഹി​ത്യ മ​ര​ത​ക​ങ്ങ​ൾ (പ​ഠ​ന​ങ്ങ​ൾ). ‘ക​ഥാ​പ്ര​സം​ഗ​ക​ല​യു​ടെ നാ​ൾ​വ​ഴി​ക​ൾ’ എ​ന്ന കൃ​തി​ക്ക് ക​ഥാ​പ്ര​സം​ഗ അ​ക്കാ​ദ​മി അ​വാ​ർ​ഡ് ല​ഭി​ച്ചു. കെ.​എം രാ​ജ​മ്മ​യാ​ണ് ഭാ​ര്യ. മ​ക്ക​ൾ: സു​ദീ​പ് കു​മാ​ർ, സു​ധീ​ഷ് കു​മാ​ർ. മ​രു​മ​ക്ക​ൾ: ക​ലാ​മ​ണ്ഡ​ലം സോ​ഫി​യ, മാ​യമോ​ൾ. സംസ്കാരം ഇന്ന് ഉ​ച്ച​യ്ക്ക് ര​ണ്ടിന് വീ​ട്ടു​വ​ള​പ്പി​ൽ സം​സ്ക​രി​ക്കും.