അ​ന്വേ​ഷ​ണ​ത്തി​ള​ക്ക​ത്തി​ൽ പോ​ലീ​സ്
Wednesday, July 3, 2024 10:58 PM IST
15 വ​ർ​ഷ​ം മു​ൻ​പു ന​ട​ന്ന കൊ​ല​പാ​ത​കം തെ​ളി​ഞ്ഞ​ത് പോ​ലീ​സി​ന്‍റെ പ​ഴു​ത​ട​ച്ച​തും വി​ദ​ഗ്ധ​വു​മാ​യ അ​ന്വേ​ഷ​ണ​ത്തി​ലൂ​ടെ. ഊ​മ​ക്ക​ത്തി​നു വ​ലി​യൊ​രു കൊ​ല​പാ​ത​ക​ത്തി​ന്‍റെ ചു​രു​ള​ഴി​ക്കാ​ൻ ക​ഴി​യു​മെ​ന്നു തു​ട​ക്ക​ത്തി​ൽ പോ​ലീ​സ് പോ​ലും വി​ചാ​രി​ച്ചി​ല്ല. ജി​ല്ലാ പോ​ലീ​സ് മേ​ധാ​വി​ക്ക് ഊ​മ​ക്ക​ത്ത് ല​ഭി​ക്കാ​ൻ കാ​ര​ണം​ത​ന്നെ മ​ദ്യ​പി​ച്ചു​ള്ള നാ​ക്കു​പി​ഴ. അ​റ​സ്റ്റി​ലാ​യ ര​ണ്ടാം പ്ര​തി പ്ര​മോ​ദി​ന്‍റെ ഭാ​ര്യ ഇ​യാ​ളു​മാ​യി പി​ണ​ങ്ങി സ്വ​ന്തം വീ​ട്ടി​ൽ പോ​യി​രു​ന്നു.

മൂ​ന്നുമാ​സം മു​മ്പ് ഇ​യാ​ൾ മ​ദ്യ​പി​ച്ച്‌ ഇ​വി​ടെ​യെ​ത്തി ബ​ഹ​ളം വ​യ്ക്കു​ക​യും ഭീ​ഷ​ണി മു​ഴ​ക്കു​ക​യും ചെ​യ്തു. അ​നി​ലി​ന്‍റെ ഭാ​ര്യ ക​ല​യെ കൊ​ന്ന് സെ​പ്റ്റി​ക് ടാ​ങ്കി​ൽ ത​ള്ളി​യ​തു​പോ​ലെ നി​ന്നെ​യും ത​ള്ളു​മെ​ന്ന് ഇ​യാ​ൾ ഭീ​ഷ​ണി മു​ഴ​ക്കി. ഈ ​ഭീ​ഷ​ണി അ​യ​ൽ​ക്കാ​ർ കേ​ൾ​ക്കു​ക​യും ചെ​യ്തു. തു​ട​ർ​ന്ന് പ്ര​മോ​ദും കൂ​ട്ടാ​ളി​ക​ളും ഈ ​വീ​ടി​നുനേ​രേ പ​ട​ക്ക​മെ​റി​യു​ക​യും ചെ​യ്തു.

ഈ ​കേ​സി​ൽ പ്ര​മോ​ദ​ട​ക്കം ര​ണ്ടു​പേ​രെ അ​മ്പ​ല​പ്പു​ഴ പോ​ലീ​സ് അ​റ​സ്റ്റ് ചെ​യ്തി​രു​ന്നു. ഈ ​അ​വ​സ​ര​ത്തി​ലാ​ണ് അ​മ്പ​ല​പ്പു​ഴ പോ​ലീ​സി​ന് ആ​ദ്യ ഊ​മ​ക്ക​ത്ത് ല​ഭി​ക്കു​ന്ന​ത്. പോ​ലീ​സ് അ​റ​സ്റ്റ് ചെ​യ്ത പ്ര​മോ​ദ് മാ​ന്നാ​റി​ൽ ഒ​രു യു​വ​തി​യെ കൊ​ല​പ്പെ​ടു​ത്തി ടാ​ങ്കി​ൽ ഇ​ട്ടി​ട്ടു​ണ്ടെ​ന്നാ​യി​രു​ന്നു ക​ത്തി​ന്‍റെ ഉ​ള്ള​ട​ക്കം. ഇ​തേ​സ​മ​യം​ത​ന്നെ എ​സ്പി​ക്കും ഇ​തേ ക​ത്ത് ല​ഭി​ച്ചു. ഊ​മ​ക്ക​ത്തി​ന്‍റെ ഉ​റ​വി​ടം അ​മ്പ​ല​പ്പു​ഴ​യി​ൽനി​ന്നാ​യ​തി​നാ​ൽ എ​സ്പി​യു​ടെ നി​ർ​ദേ​ശ​പ്ര​കാ​രം അ​മ്പ​ല​പ്പു​ഴ പോ​ലീ​സ് അ​ന്വേ​ഷ​ണം ആ​രം​ഭി​ക്കു​ക​യാ​യി​രു​ന്നു. ഈ ​അ​ന്വേ​ഷ​ണ​മാ​ണ് കൊ​ല​പാ​ത​ക​ത്തി​ന്‍റെ ചു​രു​ളു​ക​ൾ ഒ​ന്നൊ​ന്നാ​യി അ​ഴി​ച്ച​ത്.

കേ​ര​ള പോ​ലീ​സി​ന് ഒ​രി​ക്ക​ൽ​കൂ​ടി അ​ഭി​മാ​നി​ക്കാ​ൻ വ​ക ന​ൽ​കു​ന്ന​താ​ണ് ​കേ​സി​ന്‍റെ മി​ക​വാ​ർ​ന്ന അ​ന്വേ​ഷ​ണം. ഒ​രു ഊ​മ​ക്ക​ത്ത് വ​ലി​യൊ​രു കൊ​ല​പാ​ത​ക​ത്തി​ന്‍റെ ചു​രു​ൾ അ​ഴി​ക്കു​മെ​ന്ന് എ​ഴു​തി​യ ആ​ൾ​പോ​ലും ക​രു​തി​യി​രി​ക്കി​ല്ല. നി​ര​വ​ധി ഊ​മ​ക്ക​ത്തു​ക​ൾ ഉ​യ​ർ​ന്ന പോ​ലീ​സ് ഉ​ദ്യോ​ഗ​സ്ഥ​ർ​ക്കു ദി​വ​സേ​ന ല​ഭി​ക്കാ​റു​ണ്ട്.

അ​തി​ൽ പ​ല​തും വേ​ണ്ട ഗൗ​ര​വ​ത്തി​ൽ പോ​ലീ​സ് എ​ടു​ക്കാ​റി​ല്ല. അ​ത്ത​ര​ത്തി​ൽ ത​ള്ളി​പ്പോ​കേ​ണ്ട ഒ​രു ക​ത്ത് എ​സ്പി മു​ൻ​കൈ​യെ​ടു​ത്ത് അ​ന്വേ​ഷി​ക്കാ​ൻ ഇ​റ​ങ്ങി​യ​പ്പോ​ൾ ഒ​രു സാ​ധാ​ര​ണ പെ​ൺ​കു​ട്ടി​യു​ടെ തി​രോ​ധാ​നം കൊ​ല​പാ​ത​ക​മാ​ണെ​ന്നു തെ​ളി​യു​ക​യാ​യി​രു​ന്നു. അ​തീ​വ ര​ഹ​സ്യ​മാ​യി​ട്ടാ​യി​രു​ന്നു അ​ന്വേ​ഷ​ണം. അ​മ്പ​ല​പ്പു​ഴ പോ​ലീ​സ് മാ​ന്നാ​ർ പോ​ലീ​സി​ന്‍റെ സ​ഹാ​യ​ത്തോ​ടെ ന​ട​ത്തി​യ അ​ന്വേ​ഷ​ണം ര​ണ്ടു മാ​സം നീ​ണ്ടു.

നി​ര​വ​ധി പേ​രെ ക​സ്റ്റ​ഡി​യി​ൽ എ​ടു​ത്തു ചോ​ദ്യം ചെ​യ്തു. അ​ന്വേ​ഷ​ണ സ​മ​യ​ത്ത് ഇ​ര​മ​ത്തൂ​ർ ഭാ​ഗ​ത്ത് പോ​ലീ​സ് സാ​ന്നി​ധ്യം സ്ഥി​ര​മാ​യി ഉ​ണ്ടാ​യ​പ്പോ​ൾ കാ​ര​ണം നാ​ട്ടു​കാ​ർ തി​ര​ക്കി. ഒ​രു അ​ടി​പി​ടി കേ​സി​ൽ പോ​ലീ​സി​നെ വെ​ട്ടി​ച്ച് മു​ങ്ങി​യ ആ​ളെ പി​ടി​കൂ​ടാ​ൻ എ​ത്തി​യ​താ​ണെ​ന്നാ​ണ് പോ​ലീ​സ് പ​റ​ഞ്ഞ​ത്. നാ​ട്ടു​കാ​രും പോ​ലീ​സ് പ​റ​ഞ്ഞ​ത് വി​ശ്വ​സി​ച്ചു. അ​തി​നാ​ൽ പ്ര​തി​ക​ൾ​ക്കു മു​ങ്ങാ​ൻ ക​ഴി​ഞ്ഞി​ല്ല. കൊ​ല്ല​പ്പെ​ട്ട ക​ല​യു​ടെ ഫോ​ട്ടോ സ്ഥി​രീ​ക​രി​ക്കാ​ൻ മൂ​ന്നു ദി​വ​സം മു​ൻ​പ് പോ​ലീ​സ് അ​നി​ലി​ന്‍റെ വീ​ട്ടി​ൽ എ​ത്തി​യി​രു​ന്നു.

അ​നി​ലി​ന്‍റെ അ​ച്ഛ​ൻ ഫോ​ട്ടോ ക​ണ്ടു സ്ഥി​രീ​ക​രി​ക്കു​ക​യും ചെ​യ്തു. കാ​ണാ​താ​യ​വ​രു​ടെ പ​ഴ​യകേ​സു​ക​ൾ എ​ഴു​തി​ത്ത​ള്ളാ​നാ​ണെ​ന്നാ​ണ് പോ​ലീ​സ് ഇ​വ​രോ​ട് പ​റ​ഞ്ഞ​ത്. ക​ഴി​ഞ്ഞദി​വ​സം രാ​വി​ലെ അ​നി​ലി​ന്‍റെ വീ​ടി​ന്‍റെ പ​രി​സ​ര​ത്ത് പോ​ലീ​സ് എ​ത്തി​യ​പ്പോ​ഴും അ​സ്വാ​ഭാ​വി​ക​മാ​യി നാ​ട്ടു​കാ​ർ​ക്ക് ഒ​ന്നും തോ​ന്നി​യി​ല്ല. ക​ല മ​റ്റൊ​രാ​ളു​മാ​യി ഒ​ളി​ച്ചോ​ടി പോ​യി​രി​ക്കു​ക​യാ​ണെ​ന്നു​നാ​ട്ടി​ലാ​കെ പ്ര​ച​രി​പ്പി​ച്ചി​രു​ന്ന​തി​നാ​ലാ​ണ് പോ​ലീ​സി​ന്‍റെ വ​ര​വും പോ​ക്കും ഇ​വ​ർ കാ​ര്യ​മാ​യി എ​ടു​ക്കാ​ത്ത​ത്.

പോ​ലീ​സ് എ​ത്തി ടാ​ങ്ക് പൊ​ളി​ച്ച​പ്പോ​ൾ എ​ല്ലാ​വ​രും ഞെ​ട്ടി. അ​ത്ര​മാ​ത്രം പ​ഴു​ത​ട​ച്ചും ര​ഹ​സ്യ​മാ​യു​മാ​ണ് അ​ന്വേ​ഷ​ണം പു​രോ​ഗ​മി​ച്ച​ത്. ജി​ല്ലാ പോ​ലീ​സ് മേ​ധാ​വി ചൈ​ത്ര തെ​രേ​സാ ജോ​ൺ, അ​മ്പ​ല​പ്പു​ഴ ഡി​വൈ​എ​സ്പി കെ.​ജി. അ​നീ​ഷ്, ചെ​ങ്ങ​ന്നൂ​ർ ഡി​വൈ​എ​സ്പി കെ.​എ​ൻ.​ രാ​ജേ​ഷ്, മാ​ന്നാ​ർ സി​ഐ രാ​ജേ​ന്ദ്ര​ൻപി​ള്ള എ​ന്നി​വ​രാ​ണ് അ​ന്വേ​ഷ​ണ​ത്തി​നു നേ​തൃ​ത്വം ന​ൽ​കി​യ​ത്.

Copyright @ 2022 , Rashtra Deepika Ltd.