അ​മ്പ​ല​പ്പു​ഴ: പൈ​പ്പുലൈ​ൻ പൊ​ട്ടി കു​ടി​വെ​ള്ളം പാ​ഴാ​കു​ന്നു. പ​രാ​തി അ​റി​യി​ച്ചി​ട്ടും അ​ധി​കൃ​ത​ർ തി​രി​ഞ്ഞുനോ​ക്കു​ന്നി​ല്ലെ​ന്ന് നാ​ട്ടു​കാ​ർ. അ​മ്പ​ല​പ്പു​ഴ ക​ച്ചേ​രി മു​ക്കി​നു തെ​ക്ക് ഭാ​ഗം ഡി​വൈ​ഡ​ർ അ​വ​സാ​നി​ക്കു​ന്ന​തി​ന്‍റെ കി​ഴ​ക്കു ഭാ​ഗ​ത്താ​യാ​ണ് പൈ​പ്പുലൈ​ൻ പൊ​ട്ടി​യ​ത്. ദേ​ശീ​യപാ​താ നി​ർ​മാ​ണ​ത്തി​ന്‍റെ ഭാ​ഗ​മാ​യി ജെ​സി​ബി ഉ​പ​യോ​ഗി​ച്ച് ന​ട​ന്ന നി​ർ​മാ​ണ പ്ര​വ​ർ​ത്ത​ന​ങ്ങ​ൾ​ക്കി​ടെ​യാ​ണ് പൈ​പ്പുലൈ​ൻ പൊ​ട്ടി കു​ടി​വെ​ള്ളം പാ​ഴാ​യ​ത്.

ഇ​തോ​ടെ പ്ര​ദേ​ശ​മാ​കെ പ്ര​ള​യമാ​യി മാ​റി. തൊ​ട്ട​ടു​ത്ത ചെ​റു​റോ​ഡി​ലൂ​ടെ ല​ക്ഷ​ക്ക​ണ​ക്കി​നു ലി​റ്റ​ർ കു​ടി​വെ​ള്ളം സ​മീ​പ​ത്തെ പു​ര​യി​ട​ങ്ങ​ളി​ലേ​ക്കും ക​ട​ക​ളു​ടെ മു​ന്നി​ലും ഒ​ഴു​കി​ക്കെ​ട്ടി​ക്കി​ട​ക്കു​ക​യാ​ണ്. വ​ൻതോ​തി​ൽ കു​ടി​വെ​ള്ളം പാ​ഴാ​കു​ന്ന​ത് വാ​ട്ട​ർ അ​ഥോ​റി​റ്റി അ​ധി​കൃ​ത​രെ അ​റി​യി​ച്ചി​ട്ടും ഇ​തു​വ​രെ പ​രി​ഹാ​ര​മാ​യി​ല്ലെ​ന്നാ​ണ് നാ​ട്ടു​കാ​ർ പ​റ​യു​ന്ന​ത്.

ദേ​ശീ​യപാ​താ വി​ക​സ​ന​ത്തി​ന്‍റെ ഭാ​ഗ​മാ​യി പ​ല സ്ഥ​ല​ത്തും ഇ​തേരീ​തി​യി​ൽ നി​ർ​മാ​ണപ്ര​വ​ർ​ത്ത​നം ന​ട​ക്കു​ന്ന​തി​നി​ടെ പൈ​പ്പ് ലൈ​ൻ പൊ​ട്ടി കു​ടി​വെ​ള്ളം പാ​ഴാ​കു​ന്ന​തു പ​തി​വാ​യി​രി​ക്കു​ക​യാ​ണ്.