പ​രു​മ​ല ടൂ​റി​സം തു​രു​മ്പെ​ടു​ത്തു...
Thursday, September 29, 2022 10:38 PM IST
മാ​ന്നാ​ർ: വി​നോ​ദ സ​ഞ്ചാ​രി​ക​ളു​ടെ പ​റു​ദീ​സ​യാ​ക്കാ​വു​ന്ന ദ്വീ​പാ​ണ് പ​രു​മ​ല. നാ​ലു വ​ശ​വും വെ​ള്ള​ത്താ​ൽ ചു​റ്റ​പ്പെ​ട്ട് പ്ര​കൃ​തി മ​നോ​ഹ​ര​മാ​യ ഈ ​ഗ്രാ​മ​ത്തെ ഇ​നി​യും ടൂ​റി​സം ഭൂ​പ​ട​ത്തി​ൽ ഉ​ൾ​പ്പെ​ടു​ത്തി​യി​ട്ടി​ല്ല.
വി​നോ​ദ ടൂ​റി​സ​ത്തി​നൊ​പ്പം ത​ന്നെ തീ​ർ​ഥാ​ട​ന ടൂ​റി​സ​ത്തി​നും മെ​ഡി​ക്ക​ൽ ടൂ​റി​സ​ത്തി​നും സാ​ധ്യ​ത​യു​ള്ള പ്ര​ദേ​ശ​മാ​ണ് പ​രു​മ​ല. പ്ര​സി​ദ്ധ തീ​ർ​ഥാട​ന കേ​ന്ദ്ര​മാ​യ പ​രു​മ​ല പ​ള്ളി​യി​ലേ​ക്ക് നൂ​റു ക​ണ​ക്കാ​നാ​ളു​ക​ളാ​ണ് ദി​വ​സേ​ന എ ത്തുന്ന​ത്.
കൂ​ടാ​തെ പു​രാ​ത​ന​വും പൗ​രാ​ണി​ക പ്ര​സി​ദ്ധ​വു​മാ​യ പ​ന​യ​ന്നാ​ർ​ക്കാവ് ദേ​വീ​ക്ഷേ​ത്ര​ത്തി​ലേ​ക്കും ദി​നം​പ്ര​തി ധാ​രാ​ളം പേ​ർ എ​ത്തു​ന്നു​ണ്ട്. ഇ​വി​ട​ത്തെ ക​രി​മ്പ​നക്കൂട്ട​ങ്ങ​ളും ചെ​മ്മ​ൺ​പാ​ത​യും ശാ​ന്ത​മാ​യി ഒ​ഴു​കു​ന്ന ന​ദി​യു​മെ​ല്ലാം കാ​ണു​വാ​ൻ പ​രു​മ​ല​യി​ൽ മ​റ്റാ​വ​ശ്യ​ങ്ങ​ൾ​ക്കാ​യി എ​ത്തു​ന്ന​വ​ർ വ​രു​ന്നു​ണ്ട്.
പ​രു​മ​ല​യി​ലെ സെ​ന്‍റ് ഗ്രി​ഗോ​റി​യോ​സ് മി​ഷ​ൻ ഇ​ന്‍റർ​നാ​ഷ​ണ​ൽ ഹോ​സ്പി​റ്റ​ലി​ലും ദി​നം​പ്ര​തി എ​ത്തു​ന്ന​ത് നി​ര​വ​ധി​യാ​ളു​ക​ളാ​ണ്. പ​രു​മ​ല​യി​ൽ ദി​നം​പ്ര​തി എ​ത്തു​ന്ന നൂ​റു ക​ണ​ക്കി​നാ​ളു​ക​ൾ​ക്കു പ​രു​മ​ല​യു​ടെ മ​നോ​ഹാ​രി​ത കൂ​ടി നു​ക​രു​വാ​ൻ ക​ഴി​യു​ന്ന ത​ര​ത്തി​ൽ ടൂ​റി​സം വി​ക​സി​പ്പി​ക്ക​ണ​മെ​ന്ന നി​ർ​ദേ​ശം ഉ​യ​ർ​ന്നി​ട്ട് വ​ർ​ഷ​ങ്ങ​ളാ​യി.

ബോ​ർ​ഡി​ൽ
ഒതുങ്ങിയ ടൂറിസം

പ​രു​മ​ല​യെ ചു​റ്റി​യു​ള്ള ന​ദി​യു​ടെ ക​ര​ഭൂ​മി അ​ധി​ക​വും ദേ​വ​സ്വം ബോ​ർ​ഡി​ന്‍റെ കൈ​വ​ശ​മു​ള്ള​താ​ണ്. ദേ​വ​സ്വം ബോ​ർ​ഡി​ന്‍റെ സ​ഹ​ക​ര​ണ​ത്താ​ൽ ഒ​രു ടൂ​റി​സ​ത്തി​നു പ​ദ്ധ​തി ത​യാറാ​ക്കി​യെ​ങ്കി​ലും ഒ​രു ബോ​ർ​ഡി​ൽ മാ​ത്ര​മാ​യി ഒ​തു​ങ്ങി.​ വി​നോ​ദസ​ഞ്ചാ​രി​ക​ളെ ആ​ക​ർ​ഷി​ക്കാ​ൻ​ ബോ​ട്ടിം​ഗ് ഉ​ൾ​പ്പെടെ​യു​ള്ള​വ പ​ദ്ധ​തി​യി​ൽ ഉ​ൾ​പ്പെ​ടു​ത്തി​യി​രു​ന്നു. തീ​ർ​ഥാട​ന ടൂ​റി​സ​വും മെ​ഡി​ക്ക​ൽ ടൂ​റി​സ​വും വി​നോ​ദ ടൂ​റി​സ​വും ഒ​രു​പോ​ലെ ന​ട​പ്പി​ലാ​ക്കാ​വു​ന്ന സം​സ്ഥാ​ന​ത്തെ ഏ​ക ഗ്രാ​മ​മാ​ണ് പ​രു​മ​ല.
Copyright @ 2022 , Rashtra Deepika Ltd.